Bloustreep-skoonmakertjie

Die bloustreep-skoonmakertjie (Labroides dimidiatus) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf Oman tot by Algoabaai. Die onvolwasse vissies is al by Tsitsikamma opgemerk. In Engels staan die vis bekend as die Bluestreak cleaner wrasse.

Bloustreep-skoonmakertjie
Volwassene
Onvolwasse vis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Labroides
Spesie:	L. dimidiatus
Binomiale naam
Labroides dimidiatus (Valenciennes, 1839)
Sinonieme
Cossyphus dimidiatus (Valenciennes, 1839) Labroides dimidatus (Valenciennes, 1839)

Voorkoms

'n Voorbeeld in Praag se seeakwarium.

Die vis is lank en plat en die mannetjie en wyfie het dieselfde kleur. Die volwasse vis is blouerig van kleur en is meer wit aan die voorkant. Daar is 'n swart streep vanaf die snoet, deur die oog, wat breër word tot by die verste punt van die stertvin. Daar is ook donker strepe by die basisse van die dorsale en anale vinne. Die onvolwasse visse is swart met 'n helder blou streep oor die bokant van die kop en lyf tot by die stertvin se basis. Die vis word tot 12 cm lank.

Habitat

Die vis leef in koraal- en rotsriwwe in water wat 2 – 40 m diep is. Hulle vreet hoofsaaklik skaaldiere of vis.

Skoonmaakdienste

Die vis het sy naam gekry weens sy gewoonte om ander visse se bek en tande skoon te maak. 'n Paar bloustreep-skoonmakertjies sal op 'n sekere plek by die rif so 'n skoonmaakstasie bedryf. Hulle buitengewone kleurpatroon en 'wip'-swemaksie is hul manier om hul diens te adverteer. Die kliënt wag geduldig met sy vinne uitgestrek, bek oop en kieudeksels wawyd oop terwyl die skoonmakers alle parasiete van hul liggaam afpik. Die skoonmaakstasie word gereeld besoek deur die plaaslike rif se visse en selfs verbygaande pelagiese vis (mantas, barrakuda, koningvis, ens.) sal hier stop om skoongemaak te word.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Labroides dimidiatus by FishBase