OSC Bremerhaven

(Aangestuur vanaf Bremerhaven 93)
OSC Bremerhaven

Volledige naam Olympischer-Sport-Club
Bremerhaven von 1972 e. V.
Stigtingsdatum 1972
Tuisveld Nordseestadion,
Bremerhaven
Kapasiteit 10 000
Kompetisie Oberliga Sleeswyk-Holstein

OSC Bremerhaven is 'n sportklub uit Bremerhaven in die deelstaat Hansestad Bremen in Duitsland. Behalwe sokker, het die klub ook afdelings vir onder meer biljart, Amerikaanse rugby, atletiek, pluimbal, basketbal, dans, handbal, jiu-jitsu, karate, tafeltennis, tennis, driekamp, gimnastiek, skyfskiet en vlugbal.

Die klub is in 1972 gestig met die samesmelting van Turnverein Bremerhaven von 1859, Allgemeiner Turn- und Sportverein Bremerhaven von 1919, Polizei Sport Verein von 1923 en TGC "Blau-Gold" Bremerhaven von 1955. In 1974 het TuS Bremerhaven 93 (gestig in 1893) by die klub aangesluit, in 1975 Judo–Club Bremerhaven von 1955, in 1987 1. Deutsch-Amerikanischer Sport- und Footballclub Bremerhaven Seahawks von 1979 en in 1988 1. Billard-Sportverein Bremerhaven.

Van al die voorgangerklubs was TuS Bremerhaven 93 die bekendste – die klub het in 1942 vir een seisoen in die Gauliga meegeding, destyds op die hoogste vlak van die Duitse sokkerstruktuur. Na die Tweede Wêreldoorlog het die klub weer op die hoogste vlak meegeding in die Oberliga Noord en in 1954 het die klub sy grootste prestasie behaal toe daar tweede in die Oberliga Noord geëindig is en die klub daarna onsuksesvol aan die uitspeelwedstryde om die Duitse sokkerkampioenskap deelgeneem het.

OSC Bremerhaven se beste prestasie was om twee seisoene (1977/78 en 1979/80) in die 2. Bundesliga deur te bring. Die klub het ook 5 keer die hoofrondte van die DFB-Pokal gehaal tussen 1977 en 1984 en die beste poging hier was om die tweede rondte te haal in 1980, waar daar met 2-0 teen RSV Würges vasgeval is.

Die klub se dans-afdeling het die klub ook groot roem besorg toe die Europese kampioenskapskroon in 2007 ingepalm is.

Onlangse ligaposisionering wysig

  • 1995-96 (VI) Landesliga Bremen 1ste
  • 1996-97 (V) Verbandsliga Bremen 7de
  • 1997-98 (V) Verbandsliga Bremen 6de
  • 1998-99 (V) Verbandsliga Bremen 6de
  • 1999-00 (V) Verbandsliga Bremen 4de
  • 2000-01 (V) Verbandsliga Bremen 7de
  • 2001-02 (V) Verbandsliga Bremen 5de
  • 2002-03 (V) Verbandsliga Bremen 5de
  • 2003-04 (V) Verbandsliga Bremen 3de
  • 2004-05 (V) Verbandsliga Bremen 6de
  • 2005-06 (V) Verbandsliga Bremen 7de
  • 2006-07 (V) Verbandsliga Bremen 5de
  • 2007-08 (V) Verbandsliga Bremen 5de
  • 2008-09 (V) Oberliga Bremen 3de
  • 2009-10 (V) Oberliga Bremen

Eksterne skakels wysig

Oberliga Bremen 2009/10-seisoen

Blumenthaler SVVfL 07 BremenSV Werder Bremen IIISV Türkspor Bremen-NoordBremer SV
FC BremerhavenOSC BremerhavenBrinkumer SVSV Grohn - Habenhauser FV
TSV Blouwit MelchiorshausenFC Oberneuland IITSV Osterholz-Tenever - TuS Schwachhausen
SG Aumund VegesackTSV Wulsdorf