Maak hoofkeuseskerm oop

Frank Walter Waring (Kaapstad, 7 November 1908 - Kaapstad, 24 Januarie 2000) was eers 'n Volksraadslid van die Verenigde Party en later een van die eerste twee Engelssprekende kabinetsministers van die Nasionale Party.

Frank Waring
Frank Waring
Frank Waring in 1962

Minister van Indiërsake
Ampstermyn
1968 – 1972
Eerste minister John Vorster
Voorafgegaan deur Alfred Trollip
Opgevolg deur Alfred Trollip

Minister van Sport
Ampstermyn
1966 – 1972
Eerste minister John Vorster
Voorafgegaan deur Amp geskep
Opgevolg deur Piet Koornhof

Minister van Bosbou
Ampstermyn
1964 – 1968
Eerste minister Hendrik Verwoerd
John Vorster
Voorafgegaan deur W.A. Maree
Opgevolg deur Fanie Botha

Minister van Toerisme
Ampstermyn
1963 – 1972
Eerste minister Hendrik Verwoerd
John Vorster
Voorafgegaan deur Amp geskep
Opgevolg deur Owen Horwood

Minister van Inligting
Ampstermyn
1961 – 1966
Eerste minister Hendrik Verwoerd
John Vorster
Voorafgegaan deur Amp geskep
Opgevolg deur Jan de Klerk

Persoonlike besonderhede
Gebore 7 November 1908
Kaapstad, Kaapkolonie
Sterf 24 Januarie 2000 (op 91)
Kaapstad, Suid-Afrika
Politieke party Verenigde Party
Nasionale Party

AgtergrondWysig

Hy is gebore in die Kaapstadse voorstad Kenilworth en het sy skoolloopbaan aan die South African College School (SACS) voltooi waarna hy studeer aan die Universiteit van Kaapstad. Hy speel provinsiale rugby vir die Westelike Provinsie en vir die klubs UCT en Maitland. In Transvaal het hy vir die Pirates gespeel. Hy het later ook vir die Collegians in Durban gespeel.

Politieke loopbaanWysig

Hy is in die algemene verkiesing van 1943, 1948 en 1953 onbestrede verkies in die kiesafdeling Orange Grove in Johannesburg. Hy verloor egter met 4 945 stemme teen die V.P. se J.M. Connan in 1958 in Kaapstad-Tuine en kom tweede, weer as onafhanklike, in 1961 in Maitland toe die dienende Volksraadslid, dr. Zach de Beer, slegs derde kom nadat hy in 1959 by die Progressiewe Party aangesluit het. A. Hickman van die V.P. het gewen met 4 610 stemme.

Waring sluit hom later aan by die Nasionale Party, word in 1962 in 'n tussenverkiesing onbestrede in Vasco vir die N.P. verkies en word een van die eerste twee Engelssprekende ministers in dr. H.F. Verwoerd se kabinet.

SportloopbaanWysig

 
Frank Waring in die dae toe hy Springbokrugby gespeel het.

Waring was ook 'n rugbyspeler vir die Westelike Provinsie en van 1931 tot 1933 vir die Springbokke. Hy speel sy eerste toetswedstryd op 19 Desember 1931 teen Ierland en sy laaste toetswedstryd teen Australië op 2 September 1933. Hy neem deel aan die Springbokke se toer na Groot Brittanje en Ierland van 1931 tot 1932. Hulle klop Wallis met 8-3 in Swansea en vir Ierland met dieselfde telling. Teen Engeland wen die Bokke met 7-0, en die Bokke klop die Skotte 6-3. Waring het in twee van die wedstryde gespeel en 'n drie aangeteken. Die Wallabies toer in 1933 die eerste keer in Suid-Afrika vir 'n reeks van vyf wedstryde. Die Springbokke wen die reeks toe hulle seëvier in drie van die vyf wedstryde. Waring het in al vyf wedstryde gespeel.

Eksterne skakelsWysig