Hallo Petterual, hartelik welkom op die Afrikaanse Wikipedia!
Dankie vir jou belangstelling in Wikipedia. Ons werk hier aan die ideaal van ’n gratis en vrylik beskikbare, vrylik bewerkbare, neutrale en volledige ensiklopedie.
Die Afrikaanse Wikipedia bestaan al sedert Desember 2001 en bevat reeds 115 424 artikels. Vanaf die begin van die projek het die gebruikers ’n aantal riglyne en uitgangspunte vir artikelbewerking en onderlinge samewerking opgestel. Nuwelinge kan hieruit voordeel trek. Jy mag dit behulpsaam vind om van die skakels in hierdie raampie te volg en met die projek vertroud te raak voordat jy begin bydra. Indien jou vingers jeuk om te eksperimenteer, kan jy gerus ons Sandput besoek: dit is juis vir die rede daar. Uiteindelik wil ons dat al ons gebruikers vry voel om hulle gang te gaan, maar dit doen natuurlik geen kwaad om ’n bietjie houvas te kry voor mens in die diep kant in spring nie! Besoek gerus ook ons Geselshoekie, ons gebruikers staan gereed om hand by te sit, of bloot net hand te skud.
Verifieerbaarheid
Die eerste van Wikipedia se drie kernbeleide
Geselshoekie
Die gewilde bymekaarkomplek
Geen oorspronklike navorsing
Die tweede van Wikipedia se drie kernbeleide
Sandput
Eksperimenteer na hartelus
Neutrale standpunt
Die derde van Wikipedia se drie kernbeleide
Redigeringsinstruksies
Hoe maak ek: teks wat skuinsgedruk is? ’n opskrif? tabelle?
Wat Wikipedia nie is nie
Daar is ook ’n paar dinge wat ons nié hier doen nie
Beelde
As jy jou kiekies wil oplaai
Beleefdheid
Ken jou maniere
Wenke vir die skryf van ’n goeie artikel
Soms sê die naam alles

Hierdie bladsy, wat nou op jou skerm staan, is trouens jou persoonlike besprekingsbladsy. Die plek waar ander Wikipediane jou in die toekoms kan kontak en jy hulle dan kan beantwoord. Elke gebruiker het so ’n bladsy. Jy kan dus ook boodskappe op ander gebruikers se besprekingsbladsye los. Sluit boodskappe en besprekings altyd af met ~~~~ of deur op die handtekeningknop in die wysigingsvenster te kliek: sodoende word jou boodskap onderteken met jou gebruikersnaam en die datum en tyd waarop die boodskap voltooi is. Kliek dan as laaste op "Stoor bladsy" om enige bewerkings te stoor.

Verwelkoming wysig

Geagte Professor Pretorius

Indien niemand u persoonlik welkom geheet het nie, doen ek dit nou.

Eerstens wil ons almal u hartlik bedank vir u belangstelling en betrokkenheid by die Afrikaanse Wikipedia.

Tweedens, soos u seker reeds op die Geselshoekie opgemerk het, is ons bewus van u rede wat u op 2 deser (vandag) by die Akademie gevoer het. Baie dankie vir die bekendstelling van die Afrikaanse Wikipedia aan die Afrikaanse akademici daarbuite.

Derdens brand ons almal hier natuurlik van nuuskierigheid wat u onafhanklike bevindinge was, asook die voorstelle en die moontlikhede wat u vir die Afrikaanse Wikipedia in die toespraak uitwys en in die vooruitsig stel. Deur hierdie kritiese assessering kan ons, sonder om gekwets te voel, voorbrand maak vir die toekoms, sy dit vir ons lesers en gebruikers, sy dit vir die Afrikaanse woordeskatuitbreiding, sy dit behulpsaam wees met u eie vertalingsprojek aan die Universiteit van Suid-Afrika (my alma mater).

Sal u miskien, indien Unisa se reëls dit toelaat, so vriendelik wees om iewers 'n skakel te deel waar ons u toespraak kan aflaai? As gemeenskap stel ons enige kritiek hoog op prys om die beste onbaatsugtige diens moontlik aan ons medemens en taalgenote te lewer.

Met vriendelike Wikipediagroete,
Suidpunt (kontak) 14:24, 2 Oktober 2015 (UTC)Beantwoord

Piran wysig

Hallo Petterual,

Ek het die sjabloon:Verwysings toegevoeg en party kategorieë gewysig. Ek hoop dat dit die probleem oplos. Jcwf (kontak) 15:04, 16 Oktober 2016 (UTC)Beantwoord

Skryfweek Maandag, 23 September 2019 – Sondag, 29 September 2019 wysig

Hallo, Petterual, onthou asb. om onderwerpe te nomineer vir volgende week se skryfweek! Namibië loop tans voor, met Indonesië in die tweede plek! – K175 (gesels met my | my bydraes) 17:02, 22 September 2019 (UTC)Beantwoord

Boeing B-17 Flying Fortress wysig

Prof, as jy niks het om te doen nie, ek is besig om bogenoemde uit Engels te vertaal as my eerste voorbladartikel. Dit is harde werk! Dit gaan nog 'n tydjie neem... Ek sal 'n bietjie proeflees van jou kant waardeer... Groete! Oesjaar (kontak) 17:09, 22 September 2019 (UTC)Beantwoord

Taaldinge op RSG: 28 November 2021 wysig

@Petterual:, geluk met 'n uitstekende onderhoud gister op Taaldinge! Ons waardeer jou insette! Groete! Oesjaar (kontak) 07:47, 29 November 2021 (UTC)Beantwoord