Gordonsbaai is 'n dorp en vakansieoord aan die Valsbaai, Wes-Kaap, met sowat 17 000 inwoners.

Gordonsbaai
Dorp
Gordonsbaai, soos gesien vanaf Clarence-rylaan wat na Hermanus lei.
Gordonsbaai, soos gesien vanaf Clarence-rylaan wat na Hermanus lei.
Gordonsbaai is in Wes-Kaap
Gordonsbaai
Gordonsbaai
Koördinate: 34°07′S 18°49′O / 34.117°S 18.817°O / -34.117; 18.817Koördinate: 34°07′S 18°49′O / 34.117°S 18.817°O / -34.117; 18.817
LandVlag van Suid-Afrika Suid-Afrika
ProvinsieWes-Kaap
Metropolitaanse MunisipaliteitStad Kaapstad
Stigter:Robert Jacob Gordon
Oppervlak
 • Totaal9,67 km2 (3,73 vk. myl)
Hoogte
2,7 m (8,9 ft)
Bevolking
 • Totaal16 776[1]
 • Digtheid1 700/km2 (4 000/vk. myl)
TydsoneUTC+2 (SAST)
Poskode
Busse: 7151
Strate: 7140
Skakelkodes021

In die jaar 1778 vaar kolonel Jacob Gordon van die Kaap om Kaap Hangklip en noem die baai na hom. Die dorpie kom oorspronklik as 'n vissershawe tot stand, maar het intussen tot 'n gewilde vakansieoord ontwikkel. Sedert die nuwe munisipale bedeling van 2000 is Gordonsbaai deel van die Stad Kaapstad Metropolitaanse Munisipaliteit.

Die hawe van Gordonsbaai, wat in 1936 gebou is, word nou ook deur seiljagte aangedoen. Digby die hawe lê die Generaal Botha-kollege van die Suid-Afrikaanse Vloot, met 'n groot G B teen die berghange as sy opvallende teken. Die strand is as 'n Blouvlagstrand gesertifiseer.

Naam wysig

Gordonsbaai is vernoem na Robert Jacob Gordon (1743–1795), die Nederlandse ontdekkingsreisiger van Skotse afkoms.[2]

Wapen wysig

Gordonsbaai was vanaf 1961 tot 1996 'n munisipaliteit. Die raad het in 1962 'n wapen aangeneem. Dit is later by die Kaapse Provinsiale Administrasie (in 1962) en die Buro vir Heraldiek (in 1988) geregistreer : Kepersgewys verdeel, die skildhoof golwend gedwarsbalk van silwer en blou en die skildvoet groen, in die skildhoof twee ankers en in die skildvoet 'n gestingelde en geblaarde protea, alles goud. Die helmteken was 'n seiljag en die wapenspreuk "Sol et salubritas".[3][4] Schalk Pienaar het die wapen ontwerp.

Sien ook wysig

Verwysings wysig

  1. Hoofplek Gordonsbaai 2011-sensus
  2. Robert Jacob Gordon 1743-1795: The Man and His Travels at the Cape - Patrick Cullinan Winchester Struik (1992)
  3. Kaap die Goeie Hoop Amptelike Koerant 3161 (23 November 1962).
  4. National Archives of South Africa: Data of the Bureau of Heraldry.


 

Provinsie Wes-Kaap

Hoofstad:

Kaapstad

Streke:

Kaapse Skiereiland | Kaapse Wynlande | Sentraal Karoo | Overberg | Tuinroete | Weskus

Grootste stede en dorpe:

Kaapstad | George | Mosselbaai | Knysna | Oudtshoorn | Paarl | Robertson | Stellenbosch | Swellendam | Vredenburg | Worcester

Munisipaliteite:

Beaufort-Wes | Bergrivier | Bitou | Breedevallei | Kaap Agulhas | Cederberg | Drakenstein | George | Hessequa | Kaapstad | Kannaland | Knysna | Laingsburg | Langeberg | Matzikama | Mosselbaai | Oudtshoorn | Overberg | Overstrand | Prins Albert | Saldanhabaai | Sentraal Karoo | Stellenbosch | Swartland | Swellendam | Theewaterskloof | Tuinroete | Weskus | Witzenberg