Zoeloe-lipvis

Die Zoeloe-lipvis (Halichoeres zulu) is 'n vis wat voorkom in die westelike Indiese Oseaan aan die ooskus van Suid-Afrika. In Engels staan dit bekend as die Zulu wrasse. Dit word maklik verwar met Halichoeres nebulosus. Hierdie spesie is eers in 2009 geïdentifiseer deur die igtioloog John E. Randall.

Zoeloe-lipvis
Afbeelding van 'n naverwante spesie
Bewaringstatus
Datagebrekkig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Halichoeres (Rüppell, 1835)
Spesie:	H. zulu
Binomiale naam
Halichoeres zulu Randall & King, 2010

Identifikasie

Die vis het 'n klein, slanke lyf en word tot 12 cm lank. Die volwasse visse se lyf is liggroen met pienkerige, sig-sag, horisontale strepe. Die kop is oranje met kenmerkende liggroen c-vormige merke op die wange. Daar is 'n swart kol op die kieudeksel en die onderkant van die vis is wit.

Die jong visse en volwasse wyfies lyk bykans dieselfde en is ligter as die volwasse visse met pienk merke. Die c-vormige merk is ligter en daar is ook 'n oogvlek in die middel van die dorsale vin en 'n rooi streep op die basis van die dorsale vin.

Die visse leef in rotskusareas wat onderhewig is aan strominge in water wat tot 3 m diep is. Hulle is alleenlopers of kom soms in pare voor en vreet klein skaaldiere.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Halichoeres-zulu.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3