Maak hoofkeuseskerm oop

Leon van Nierop (gebore 18 Februarie 1953 in Brakpan) is 'n Suid-Afrikaanse akteur, vervaardiger, skrywer en rolprentresensent. Hy skryf resensies vir verskeie publikasies soos Huisgenoot, The Citizen, Rapport, De Kat, LIG asook Radio Sonder Grense (RSG) se Monitor. Hy skryf ook rubrieke, verhale en artikels onder verskeie skuilname. As voorbeeld, gee hy sy liefdesverhale onder die skuilnaam Jacqueline Brink uit.[1] Hy is al sedert 1975 omroeper by die Suid-Afrikaanse Uitsaaikorporasie (SAUK), en tans as vryskutomroeper en -nuusleser, asook regisseur by RSG. Hy tree op as medevervaardiger van DEKAT TV op SABC3 in 2009, en skep en bied 'n reeks van 26 episodes oor die geskiedenis van die Afrikaanse rolprentwese, DAAR DOER IN DIE FLIEK op kykNET aan in 2011. Hy werk tans aan 'n opvolg van die reeks.

Leon van Nierop
Gebore 18 Februarie 1953 (1953-02-18) (66 jaar oud)
Brakpan
Nasionaliteit Vlag van Suid-Afrika Suid-Afrika
Beroep Rolprentvervaardiger, skrywer, resensent

Inhoud

BiografieWysig

Van Nierop begin sy skoolloopbaan in 1959 by Kommando Laerskool in Brakpan, Transvaal waar sy moeder ook 'n onderwyseres was. Ná hy matriek voltooi het, doen hy sy diensplig in Kimberley. Hierna studeer hy tale en drama aan die Universiteit van Stellenbosch waar hy sy B.A.-graad in 1974 behaal. In Januarie 1975 begin hy as omroeper en regisseur by die SAUK en later by Springbokradio werk. Hy skryf verskeie treffer-radioverhale, waaronder byna 900 episodes van Wolwedans in die skemer (debuut in Augustus 1979), Herberg vir 'n vlugteling, Stralerjakkers en Die huis in Hertestraat. Sedert 1984 skryf hy ook verskeie TV-dramas en TV-reekse soos Ballade vir 'n enkeling I en II, skep die TV-reeks Villa Rosa, Wolwedans in die skemer, Huisjakker en Moord op die lug.

Hy het vir 20 jaar klas gegee in rolprentontleding en was vir vier jaar lank hoof van die Rolprentakademie (filmskool) by die Tegnikon Pretoria waar hy jong rolprentmakers opgelei het.

BibliografieWysig

Van sy boeke:

  • Hotel Shwalane (1980)
  • Die Huis in Hertestraat (1981) en (1988, Grootdruk)
  • Die Mense van Hertestraat, opvolg van Die huis in Hertestraat (1982 en 1989, Grootdruk)
  • Wolwedans in die skemer, as vervolgverhaal op Springbokradio uitgesaai vanaf 4 Augustus 1979 – 30 Januarie 1982 (1982)
  • Laksman (1998)
  • Seeing Sense (1998)
  • Adrenalien (1995)
  • Die Sielsmokkelaar (1996)
  • Die Plesierengel (1997)
  • Seeing Sense: On Film Analysis, 2000
  • Skrikkelkind – Girly se storie (2000)
  • Goëlfabriek (2001)
  • Doodloopstraat (2002)
  • Uitsig op die stad (2003)
  • Die nagreisiger (2004)
  • Paradys (2005)
  • Buitestander op Ouplaas (2006)
  • Movies Made Easy: A Practical Guide to Film Analysis (2008)
  • Leon van Nierop oor die filmstudie (2010)
  • Vuurvreter (2010)
  • Verklikker (2011)
  • Ratels
  • Plesierengel (nuwe weergawe)
  • Ballade vir 'n enkeling (roman) 2014.
  • Kabaret: Girly Lubbe se Konstitusie Kwellings
  • Stralerjakkers – radiovervolgverhaal

Onder sy skuilnaam, Jacqueline Brink:

  • Spel van betowering (1994 en 2002, Grootdruk)
  • Silwermaan (1995 en 2001, Grootdruk)
  • Verbode paradys (1996 en 2002, Grootdruk)
  • Venus (1996)
  • Liefdesrapsodie (2001 en 2004, Grootdruk)
  • Paradys van begeerte (2002 en 2004; Grootdruk)
  • Prins van harte (2003)
  • Romanse op Rondommooi (2003)
  • Safari van die liefde (2004)

PryseWysig

In Desember 1999 ontvang hy die Twilight Life Time Achievement Award van 'n reklame-agentskap vir sy bydrae as veral resensent tot die rolprentbedryf in Suid-Afrika die vorige 25 jaar.

Hy het in 2009 die Caxton-toekenning gekry as beste skrywer van die jaar en in 2011 ook dieselfde toekenning. En sy drama Twyfelberg is met die tweede prys vir die RSG-Sanlam-radiodrama-skryfkompetisie bekroon. Hy word ook met 'n ATKVeertjie in 2011 bekroon as beste radioregisseur vir sy regie van Hirosjima, mon amour.

In 2011 word hy met 'n ATKV-MediaVeertjie bekroon vir die beste dokumentêre program of programreeks vir Die Afrikaanse rolprent gister en vandag.

VerwysingsWysig

Eksterne skakelsWysig