Poeierbaskatjiepiering

Die poeierbaskatjiepiering (Gardenia ternifolia) is 'n meerstammige struik of klein boompie wat voorkom in die noordooste van Limpopo tot ver noord in Afrika. Buite Suid-Afrika is die plant inheems in Angola, Benin, Botswana, Burkina Faso, Burundi, Demokratiese Republiek die Kongo, Ethiopië, Gaboen, Gambië, Ghana, Guinee, Guinee-Bissau, Ivoorkus, Kameroen, Kenia, Malawi, Mali, Mosambiek, Namibië, Nigerië, Republiek die Kongo, Rwanda, Senegal, Sentraal-Afrikaanse Republiek, Sierra Leone, Soedan, Tanzanië, Togo, Tsjad, Uganda, Zambië en Zimbabwe.

Poeierbaskatjiepiering
Bewaringstatus
Ongeëvalueer  (IUCN 2.3)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Gentianales
Familie:	Rubiaceae
Genus:	Gardenia
Spesie:	G. ternifolia
Binomiale naam
Gardenia ternifolia Schumach. & Thonn., (1827)

Die boom groei in ruigtes, bosveld, oewerbos of droë woud. Die bas is glad en poeierig en kan afvryf. Dit skilfer ook af, in ronderige stukkies.

'n Poeierbaskatjiepiering in Kirstenbosch.

Die spesie het drie subspesies:

• Gardenia ternifolia var. goetzei (Stapf & Hutch.) Verdc.
• Gardenia ternifolia subsp. jovis-tonantis (Welw.) Verdc.
• Gardenia ternifolia subsp. ternifolia

Sien ook

• Alfabetiese lys van Suid-Afrikaanse bome

Bronne

• Watter Boom is dit? Eugene Moll 2013 ISBN 978 1 77007 832 1
• Plants of the World Online

Eksterne skakels

• Wikimedia Commons het meer media in die kategorie Poeierbaskatjiepiering.
• Wikispecies het meer inligting verwant aan Poeierbaskatjiepiering