Stormers (Verenigde Rugbykampioenskap)
Die Stormers (weens borgskapredes ook bekend as die DHL Stormers) is ’n Suid-Afrikaanse rugbyspan wat van 1996 tot 2020 aan Superrugby deelgeneem het, en sedert 2021 aan die Verenigde Rugbykampioenskap. Die Stormers het laasgenoemde toernooi in 2021 gewen, nadat hulle reeds twee keer in die halfeindronde van Superrugby gespeel het, in 1999 en 2004, en een keer in die Superrugbyeindstryd. Die huidige kaptein van die span is Steven Kitshoff.
| Stormers | ||||
| ||||
| Stigting | 1997 (as Westelike Provinsie) | |||
| Ligging | Kaapstad | |||
| Streek | Kaapstad, Kaapse Wynlande, Weskus | |||
| Stadion | Kaapstad-stadion | |||
| Kapasiteit | 51 900 | |||
| Afrigter(s) | John Dobson | |||
| Kaptein(s) | Salmaan Moerat Ernst van Rhyn | |||
| Liga(s) | Verenigde Rugbykampioenskap | |||
| 2021 | 1ste | |||
          Tuiskleure
|
     Weg kleure
| |||
Statistiek
| ||||
|---|---|---|---|---|
| Eerste wedstryd | ||||
| Natal 28 – 22 Westelike Provinsie (2 Maart 1996) | ||||
| Grootste oorwinning | ||||
| Stormers 56 – 18 Lions (14 Maart 2009) | ||||
| Grootste nederlaag | ||||
| Bulls 75 – 14 Stormers (28 April 2005) | ||||
| Amptelike webwerf | ||||
| www.thestormers.com | ||||
Die span se basis is in Kaapstad en is gesentreer om die Westelike Provinsie se Curriebekerspan, maar trek ook soms spelers van die Boland (wat die gebiede van die Kaapse Wynlande en die Weskus dek met hul tuiswedstryde in Welllington). In 2005 het die Stormers ook spelers van die Suidwestelike Distrikte in George gebruik, wat beteken het dat hulle spelers van al drie unies in die Wes-Kaap gebruik het. Met die herskikking van die konsessiegebiede wat gevolg het op die uitbreiding van die kompetisie, het die SWD-spelers oorgeskuif na die konsessiegebied van die Southern Spears, wat oorspronklik in 2007 tot die Super 14 sou toetree, maar later onttrek is.
Voor 1998 het Suid-Afrika nie van ’n konsessiestelsel gebruik gemaak vir die Super-12 nie. Die sterkste 4 spanne in die Curriebekerkompetisie is eerder genooi om in die Super-12 te speel. In 1996 het die Stormers gekwalifiseer en deelgeneem in die kompetisie as die Westelike Provinsie. In 1997 het hulle egter nie gekwalifiseer nie en moes plek maak vir die Vrystaat.
Kleure
wysigDie heel eerste Stormerstrui en kenteken in 1998 het bestaan uit die kleure van die drie unies wat deel van die streekskonsessie was: die WP, SWD en Boland. Daar was vyf kleure vervat in die trui - blou, wit, rooi, groen en goud - en ’n driehoekige kenteken met ’n golfeffek daarin. Een koerant het dit as volg beskryf: "Dit lyk soos roereier waarin ’n boksie Smarties gegooi is."
In 1999 het die trui drasties verander na ’n eenvoudige en treffende swart trui en broek met swart en wit "barbarian"-kouse, groot nommers en die nou bekende weerligstraallogo op die bors. Die skuif na swart is gedoen om die spel aantrekliker te maak vir ’n breër Kaapse ondersteunerspubliek en swart het een van die hoofonderdele van die Stormers-handelsmerk geword.
In 2007 is die trui weer verander, hierdie keer van swart na vlootblou om die sameloping van die Stormers en die WP aan te toon.
Geskiedenis
wysigMet die bekendstelling van die Super-12 in 1996 het Australië en Nieu-Seeland konsessiegebaseerde modelle vir hul provinsiale spanne in die nuwe toernooi geskep. Suid-Afrikaanse spanne is egter bepaal deur die uitslag van die vorige seisoen se Curriebekerkompetisie, met die top-vier-spanne wat aan die Super-12 sou deelneem. Nuweland het die Super-12 ervaar in die era toe hierdie model gebruik is toe die Westelike Provinsie gekwalifiseer het die vir eerste seisoen. Die span het egter nie baie goed gevaar nie en kon slegs drie uit elf wedstryde wen. Hulle het tweede laaste op die punteleër geëindig. Die Transvaal en Wellington Hurricanes het ewe veel wedstryde gewen, maar het meer bonuspunte gehad en dus bo die Stormers geëindig.
Die volgende seisoen, in 1997, het die Westelike Provinsie nie weer gekwalifiseer vir die Super-12 nie. Die Suid-Afrikaanse spanne vir daardie jaar was Natal, Transvaal, Vrystaat en Noord-Transvaal. Vir die volgende seisoen het Suid-Afrika ook geskuif na ’n konsessiegebaseerde model soortgelyk aan dié van Australië en Nieu-Seeland. Daar is vier konsessies gestig en die vorige model, waar spanne deur middel van die Curriebeker kon kwalifiseer, is laat vaar. Een van die konsessies wat gestig is, was die Western Stormers. Die Stormers se eerste seisoen was soortgelyk aan dié van die Westelike Provinsie in 1996 met drie seges, maar hierdie keer ’n negende plek op die algehele punteleër.
Die 1999-seisoen was meer suksesvol vir die Stormers en hulle het slegs drie wedstryde verloor; teen die ACT Brumbies, Otago Highlanders en die Golden Cats. Die Stormers het hierdie seisoen tweede geëindig, onder die Reds, en sodoende vir die eerste keer gekwalifiseer vir die uitspeelrondes. Hulle het, weens hul posisie op die punteleër, ’n tuishalfeindstryd verdien teen die Highlanders. Hulle het egter vasgeval en die wedstryd met 33-18 verloor.
In 2000 het die Stormers die uitspeelrondtes net-net gemis met ’n vyfde plek op die punteleër op 31 punte (slegs een punt minder as die Cats en die Highlanders wat dit tot in die uitspeelrondtes gemaak het met 32 punte). In die volgende seisoen het die Stormers egter swakker gevaar en kon hulle slegs vyf wedstryde wen en hulle het uiteindelik sewende geëindig op die punteleër. Die 2003-seisoen verloop ook nie juis beter vir die Stormers nie, ten spyte van hulle sege van 40-18 oor die Sharks. Hulle het die seisoen afgesluit met ’n negende plek.
Die 2004-seisoen het dieselfde sukses as die 1999-seisoen gehad toe die Stormers gekwalifiseer het vir die uitspeelrondes. Hulle het algeheel derde geëindig met sewe seges en 34 punte (een punt meer as die Chiefs, wat in die vierde plek was). Die Stormers het na die Jadestadion gereis vir hul halfeindstryd teen die Crusaders. Die tuisspan het gewen met 27-16. In die 2005-seisoen het die Stormers teruggeval na ’n negende plek op die punteleër en kon hulle dus nie aanspraak maak op die titel van laaste Super-12-kampioene nie.
Met die uitbreiding van die Super-12 na die Super-14 in 2006 en die toevoeging van twee spanne (die Western Force van Perth in Australië en die Cheetahs van Bloemfontein in Suid-Afrika) het die Stormers nie goed gevaar nie en elfde geëindig nadat hulle slegs vier wedstryde gewen het.
Die 2008-seisoen was een van vernuwing vir die Stormers met die afdanking van Kobus van der Merwe en die aanstelling van die oud-Cheetahafrigter Rassie Erasmus as die nuwe afrigter en voorsitter van WP Rugby. Erasmus het gemik vir ’n posisie in die boonste helfte van die punteleër, maar dinge het nie goed afgeskop nie. Die Stormers het hul eerste drie wedstryde verloor, maar daarna verbete teruggeveg om uiteindelik vyfde te eindig. Hulle het dieselfde hoeveelheid punte as die Hurricanes (in vierde plek) gehad, maar het ’n groter punteverskil gehandhaaf.
2009 het baie belofte vir die Stormers ingehou, maar hulle kon dikwels nie munt slaan uit geleenthede nie en moes uiteindelik tevrede wees met ’n tiende plek nadat hulle slegs vyf uit dertien wedstryde kon wen. Die Stormers het egter vir die 2010-seisoen die dienste van die Springbokke Jaque Fourie en Bryan Habana en die Springboksewespeler Fabian Juries bekom om hul span te versterk vir die seisoen.
Tuisstadion
wysig
- Die hoofartikel vir hierdie afdeling is: Nuwelandstadion.
Die eerste amptelike rugbywedstryde is reeds in 1890 op Nuweland gespeel. Die stadion is deur die loop van die afgelope eeu deurlopend ontwikkel deur die Westelike Provinsie-rugbyvoetbalunie en sy administrateurs. Die stadion het oor die jare verskillende name gehad (hoofsaaklik om borgskapredes), maar staan deesdae slegs as Nuweland bekend (die besluit is geneem deur Investec, ’n vorige borg van die Stormers). DHL het sedertdien die borgskap oorgeneem van die span en die stadion, maar het besluit om nie die stadion se naam te verander nie. Nuweland het tradisioneel die grootste skares gelok van die Super-kompetisie. In 2002 het die Stormers hul miljoenste toeskouer deur die hekke verwelkom. Die terrein waarop die stadion gebou is, is in 1888 gekoop en die stadion het tans sitplek vir 51 900 mense.
Ná etlike jare op Nuweland het die Westelike Provinsie-rugbyadministrateurs in 2021 besluit om die span se tuisveld na die Kaapstad-stadion te verskuif.
Seisoenuitslae
wysigSuper-12
wysigDie volgende tabel som die Stormers se Super-12-uitslae op:[1]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 1996 11de 11 3 1 7 251 353 -101 1 15 As Westelike Provinsie 1998 9de 11 3 0 8 248 364 -116 6 18 1999 2de 11 8 0 3 290 244 +46 4 36 Verloor in halfeindrondte teen Otago Highlanders 2000 5de 11 6 1 4 298 276 +22 5 31 2001 7de 11 5 0 6 278 285 -7 6 26 2002 7de 11 5 0 6 310 314 -4 7 27 2003 9de 11 5 0 6 255 354 -99 3 23 2004 3de 11 7 0 4 286 260 +26 5 33 Verloor in halfeindrondte teen Crusaders 2005 9de 11 3 1 7 215 320 -105 4 18
Super-14
wysigDie volgende tabel som die Stormers se Super-14-uitslae op:[1]
Seisoen Pos Gespeel Gewen Gelyk Verloor Punte vir Punte teen +/- BP Pte Notas 2006 11de 13 4 1 8 263 334 -71 5 23 2007 10de 13 6 0 7 249 326 -77 3 27 2008 5de 13 8 1 4 269 211 +58 7 41 2009 10de 13 5 0 8 235 249 -14 7 27 2010 2de 13 9 0 4 365 171 194 8 44 Verloor in eindstryd teen Bulls
Superrugby
wysigDie volgende tabel som die Stormers se Superrugby-uitslae op:
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 2de 16 12 0 4 400 257 +143 7 63 Verloor in halfeindrondte teen Crusaders 2012 1ste 16 14 0 2 350 254 +96 2 66 Verloor in halfeindrondte teen Sharks 2013 7de 16 9 0 7 346 292 +54 6 50 2014 11de 16 7 0 9 290 326 −36 4 32 2015 3de 16 10 1 5 373 323 +50 3 45 Verloor in kwalifiserende rondte teen Brumbies
1 Punte toegeken vir ’n loslootjie is nie hierby ingereken nie.
Die volgende tabel som die Stormers se Superrugby-uitslae vir die uitgebreide toernooi van agtien spanne op:
Huidige span
wysig
Stormers 2023-groep:
Damian Willemse; Clayton Blommetjies; Tristan Leyds; Seobela Senatla; Angelo Davids; Leolin Zas; Suleiman Hartzenberg: Chris Hollis; Alapati Leuia; Cornel Smit; Daniel du Plessis; Ruhan Nel; Sacha Feinberg-Mngomezulu; Manie Libbok; Kade Wolhuter; Jean-Luc du Plessis; Godlen Masimla: Imad Khan; Stefan Ungerer; Paul de Wet; Herschelle Jantjies; Steven Kitshoff; Frans Malherbe; Brok Harris; Neethling Fouché; Ali Vermaak; Leon Lyons; Sazi Sandi; Kwenzo Blose; Lee-Marvin Mazibuko; Josepph Dweba; André-Hugo Venter; JJ Kotze; Scarra Ntubeni; Chad Solomon; Marvin Orie; Salmaat Moerat; Adré Smith; Ruben van Heerden; Gary Porter; Connor Evans; Ernst van Rhyn; Simon Miller; Ben-Jason Dixon; Deon Fourie; Nama Xaba; Marcel Theunissen; Junior Pokomela; Paul de Villiers; Willie Engelbrecht; Evan Roos; Hacjivah Dyamani; Keke Morabe
Verwysings
wysig- ↑ 1,0 1,1 "Superrugby spanbesonderhede (Stormers)" (in Engels). Lassen Creative Technologies Ltd. Geargiveer vanaf die oorspronklike op 2 November 2019. Besoek op 10 Desember 2007.
Bronne
wysig- McIlraith, Matt (2005). Ten Years of Super 12. Auckland, New Zealand: Hodder Moa. ISBN 1-86971-025-8.
Eksterne skakels
wysig| Wikimedia Commons bevat media in verband met Stormers. |
- (en) Amptelike webblad
- (en) Latest Stormers SuperRugby news
- (en) Western Province Rugby
- (en) sarugby.net
- (en) Statistics op itsrugby.co.uk