Maanstert-lipvis
Die Maanstert-lipvis (Thalassoma lunare) is 'n vis wat voorkom in die Indiese-Pasifiese area, die Rooisee en aan die ooskus van Afrika vanaf Oman tot by Algoabaai. In Engels staan die vis bekend as die Crescent-tail wrasse.
| Maanstert-lipvis | |
|---|---|
| |
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | Cuvier, 1816
|
| Genus: | (Swainson, 1839)
|
| Spesie: | T. lunare
|
| Binomiale naam | |
| Thalassoma lunare | |
Voorkoms
wysigEers is die visse olyfgroen van kleur met pers vertikale strepe oor die lyf en die lyf is blou aan die onderkant. Die kop is pienkerig met onreëlmatige blou strepe op. Daar is 'n swart kol net bo die sylyn op die stertvin se basis en 'n swart oogvormige kol amper in die middel van die dorsale vin. Die stertvin is meer geel en die buitenste rante is blou-pers. Die pektorale vinne in pienk met blou rante. Die dorsale en anale vinne is ligpers. In die laaste fase word die mannetjies meer blouerig of groen, veral by die kop. Die vis word tot 25 cm groot.
Habitat
wysigDie vis leef in koraal- en rots riwwe in water wat 1 – 32 m diep is en vreet bodem ongewerweldes en vis. Hulle bly normaalweg in klein groepies saam. Hulle is nie bang vir skubaduikers nie en kan oorleef in akwariums.
Sien ook
wysigBron
wysig- Coastal Fishes of Southern Africa. Phil & Elaine Heemstra. 2004. ISBN 1-920033-01-7
