Dorie-snapper

Die Dorie-snapper (Lutjanus fulviflamma) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf die Persiese Golf tot by Oos-Londen. In Engels staan die vis bekend as die Dory snapper.

Dorie-snapper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Familie:	Lutjanidae
Genus:	Lutjanus (Bloch, 1790)
Spesie:	L. fulviflamma
Binomiale naam
Lutjanus fulviflamma (Forsskål, 1775)
Sinonieme
Centropomus hober (Lacépède, 1803)

Voorkoms

Die vis is oor die algemeen silwerwit, groen, pienk of geel aan die rugkant en daar is een swart kol op die sylyn regoor die agterkant van die dorsale vin. Die vis word tot 35 cm lank.

Habitat

Die vis leef in koraal- en rotsriwwe in water wat 3–35 m diep is en word ook gevind oor modderige bodems. Die onvolwasse visse leef in wortelboom moerasse, strandmere en seegras. Hulle vreet vis en skaaldiere en leef in skole saam. Die vis broei gedurende Augustus tot Desember oor die riwwe.

Die vis lyk baie soos die swartkol-snapper (Lutjanus ehrenbergii).

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Lutjanus-fulviflamma.html