Vet boeknameWysig

Hallo, Pieter, let asb. daarop dat die naam van boeke, ens. lig kursief op Wikipedia is. Gebruik dus asb. Rapport van den Vaendrich Olof Bergh op hare reyse na de Cralie van de Namaquas, nie “Rapport van den Vaendrich Olof Bergh op hare reyse na de Cralie van de Namaquas” nie. Laasgenoemde lyk verskriklik, veral as daar baie name is. Winston (kontak) 07:59, 23 September 2016 (UTC)

Dankie ek neem kennis sal dit so doen. Pieter1960 (kontak) 08:43, 23 September 2016 (UTC)

Spasie in name!Wysig

Pieter, plaas asb 'n spasie tussen die voorletters en van van die artikels waaroor jy skryf. Groete! Oesjaar (kontak) 11:56, 30 September 2016 (UTC)

Stylaanpassings (aanhalingstekens en 'n..)Wysig

Hallo Pieter,

Ons waardeer jou mooi bydraes hier, maar jy moet dit asb self proeflees voor publikasie (stoor) op die Afrikaanse wiki. As voorbeeld gaan kyk terug na die korreksies wat aangebring is aan jou nuutse artikels. Dit is noodsaaklik dat ons dieselfde skryfstyl (komma's aanhalingstekens en 'n..) gebruik, anders gaan ons wiki soos 'n mynveld begin lyk.

Weereens, dankie --Aliwal2012 (kontak) 11:59, 4 Oktober 2016 (UTC)

Ek neem kennis en sal dit so doen baie dankie Pieter1960 (kontak) 13:24, 4 Oktober 2016 (UTC)
Haai Pieter, jy doen nog steeds verkeerde goed! Hoekom begin jy elke nuwe artikel met hoofletters in elke woord? Bv. met "Helene De Kock", maar jy weet die korrekte spelling is "Helene de Kock" soos jy dit later in die artikel gebruik? Aggenee man, skrik nou wakker! --Aliwal2012 (kontak) 08:03, 5 Oktober 2016 (UTC)

Wiki-gemeenskapWysig

Pieter, jou kommentaar op jou gebruikersblad is ietwat onverantwoordelik. As 'n gebruiker vorm jy deel van die Wiki gemeenskap wat al 15 jaar bestaan, sekere gebruike en protokolle ontwikkel het. Toe jy geregistreer het as gebruiker het jy ingestem om deel van die gemeenskap te raak en die gebruike en protokolle te aanvaar. Verskeie administrateurs het nou reeds met jou gekommunikeer oor dinge waar jy nie die gebruike en protokolle volg nie. Dit neem baie tyd van die administrateurs in beslag om al die veranderinge te maak wat jy nou kan voorkom. Help ons asb deur saam te werk! Groete! Oesjaar (kontak) 07:02, 10 Oktober 2016 (UTC)

Dagsê Oesjaar
Ek het nou eers die teks op my gebruikerblad gesien. Neem asseblief kennis dat ek dit nie daarop geskryf het nie. Iemand met die IP adres 197.77.8.215 het dit daar geplaas. Kan julle asseblief verdere stappe neem met daardie IP adres? Ek leer ook nog om te werk te gaan op Wikipedia en ek neem wel kennis van die terugvoer wat julle vir my gee en pas dit toe tot die beste van my vermoëns. Pieter1960 (kontak) 07:42, 10 Oktober 2016 (UTC)

VerbeteringWysig

Dankie Pieter! Dit lyk al beter! Groete! Oesjaar (kontak) 09:39, 10 Oktober 2016 (UTC)

Ons drink daarop! Hou dit so vol Pieter! --Aliwal2012 (kontak) 06:09, 11 Oktober 2016 (UTC)
Pieter, moet asseblief nie <nowiki> gebruik rondom verwysings/internetadresse nie! Ek sal jou later sê waarom nie! --Aliwal2012 (kontak) 13:54, 12 Oktober 2016 (UTC)
Ek werk glad nie aan die bronteks met die markup nie, ek werk aan die voorkant. Ek kan glad nie sien hoe <nowiki> bygevoeg word of hoe dit afgehaal word nie. Wat veroorsaak dit? Op die stadium kopiëer ek die artikel vanuit 'n teks-dokument en paste dit in Wikipedia in. Enige raad hoe ek hierdie kan verbeter? Pieter1960 (kontak) 16:29, 12 Oktober 2016‎ (UTC)
Dankie vir jou bydraes Pieter! Jou nuutste artikels se formaat lyk veel beter! Ons ander ruim maar op waar daar nog haakplekke voorkom. Groete! --Aliwal2012 (kontak) 07:31, 27 Oktober 2016 (UTC)

Net 'n vinnige regstellinkie by R.R. RygerWysig

Baie dankie vir julle harde werk om die outeurs van veral Afrikaanse wetenskapsfiksie op te spoor. Sulke werk sal jy nêrens vind in enige "Perspektief en Profiel" nie.

Ek word egter gedwing om 'n verandering aan te bring by die sin "Onder sy eie naam skryf hy hoofsaaklik jeuglektuur."

Die "Projek X"-reeks van Perskor was sonder twyfel jeugliteratuur, die hoofkarakters was studente of hoërskoolleerlinge. Maar "Geheime Dossiere" was 'n reeks van Perskor op sy eie. Ek het die boeke self gelees; dit is 'n duidelike parodie van The X-files met 'n Suid-Afrikaanse geurtjie. Ek sou sê dit is eerder op volwassenes gemik:

  1. Daar is 'n swaar hand van satire waar die NG kerk, politiek (sowel Nazi's as die ANC), swart ekonomiese bemagtiging in die staatsdiens, wannabe-Vampyr-subkulture, ens., asook literatuur oor Siener van Rensburg benader word. Ook Christus kry 'n Dan Brown-perspektief (van menslike nalatenskap en bloedlyn), hoewel subtiel (en duisende jammer-jammer-jammers in die slotwoord). Die boeke bespreek hoogs aktuele sake by die millenniumwending in Suid-Afrika. Natuurlik word die spot openlik met die macho-tipe mans gedryf. En met homoseksuele. Geweld op die Quentin Tarantino-manier (gaan YouTube hom...) drup uit die boeke: die geweld is so absurd (omdat die betrokkenes mekaar so tussendeur die klappe met woorde probeer vermaak, of die verkeerde ding op die verkeerde tyd sê, of so verdomp eksplisiet is), jy lag van skok. Gepaardgaande hiermee kry jy ook 'n oordosis nuttelose inligting (wat heeltemal irrelevant is in die doodernstige marteltonele, bv. "Donner, hierdie burger/melkskommel smaak nou vorentoe"), karakters wat mekaar die lieflikste komplimente gee (wat ras betref, gewoonlik uit die slagoffer se mond wanneer die karakter juis sy mond moet hou), asook verdere parodieë van aksiefilms en slapstick.
  2. Elke tiende blad maak gebruik van die fok-woord.
  3. Daar is skerp verwysings na seks (en uitbeelding) - in al sy vorme: mondelings, anaal, kantoorseks, tot sielkundiges wat hul pasiënte verlei, ens. Asook openlike verwysings na manlike en vroulike skaamdele. (Sweetdruppels loop langs Suidpunt se slape af)
  4. Maar die hoofsaak: Nie een van die hoofkarakters is jeugdiges of kinders nie.
  5. Die Wes-Kaapse biblioteekdiens kategoriseer die boeke as: Afrikaans adult fiction.

Ek gaan die sin dus in landsbelang skrap... Suidpunt (kontak) 09:38, 2 November 2016 (UTC)

W.J. PienaarWysig

Kyk asb of die artikel volledig is. Die afdeling "Skryfwerk" is leeg. Groete. Frank (kontak) 08:20, 6 November 2016 (UTC)

Inligtingskasse & uitlegWysig

Goeiedag Pieter, ek kyk gereeld na jou wysigings en sien jy verwyder inligtingskasse of skuif dit binne die artikel. Die inligtingskas is immers die eerste ding van 'n artikel, as daar nie 'n dubbelsinnigheid is nie. Aansluitend volg die inleiding en die res van die artikel. Die verwydering van ou inhoud sonder rede is nie wenslik nie. Dit kan probleme met ander gebruikers skep.

By Willem Conradie het jy die beelde van Gebruiker:Morne sonder rede verwyder, by Abraham H. de Vries die inligtingskas wat deur Gebruiker:Naudefj ingesit is, by Stefans Grové die inligtingskas wat ek ingesit het, by Hetta Hager en Marlise Joubert is die inligtingskas op die verkeerde plek. Wikipedia is ook geen bron vir Wikipedia nie, moenie die Afrikaanse of Engelse Wikipedia by bronne aanhaal nie. Ons het nie tyd om al jou wysigings dop te hou nie, dus sal dit nuttig wees as jy self hierdie foute vermy en ook regstel. Groete. -- JCIV (Besprekings | Bydraes) 13:45, 8 November 2016 (UTC)

C.M. van der Heever bestaan reeds!Wysig

Pieter, asb. tog, dit is asof jy nie wil luister of saamwerk nie. Hierdie artikel bestaan reeds. Maak 'n plan asb. Groete! Oesjaar 11:36, 11 November 2016 (UTC)

Dagsê Oesjaar
Verwyder asseblief hierdie artikel: https://af.wikipedia.org/wiki/C.M.Van_den_Heever. Pieter1960 is besig om die inligting (wat gestoor is in 'n teks-dokument) te versmelt met die oorspronklike artikel.
Dankie en groetnis! -MilanBye 10:37, 14 November 2016 (UTC)

  Uitgevoer

Nerina FerreiraWysig

Hallo Pieter

By bogemelde artikel staan die volgende sin: In Londen saai sy vir die uit. Sal u asseblief daarna kyk?

Vriendelike groete, Suidpunt (kontak) 15:11, 13 Januarie 2017 (UTC)

VersoekWysig

Naandsê Pieter ― As ek Wikipedia blad met my naam reg verstaan, is jy die bron wat die stuk geplaas het met my kort lewensverloop. Ek wil groot asseblief, met nederigheid vra dat jy dit sal verwyder. Volgens my hoef daar geen verwysing van of na my gemaak te word op Wikipedia nie. Daar is heelwat chronologie en feit foute ― wat nie jou skuld is nie want die media het dit verkeerd en as die bron (fontein) brak is dan loop die res van die rivier ook suur. Hoop jy verstaan. Kontak my gerus op terblanche1@telkomsa.net Groete Terblanche Jordaan NeoSpektrum2020 (kontak) 19:16, 5 Februarie 2020 (UTC)

Ek vermoed hierdie gebruiker is oorlede. Praat met my asb op my besprekingsblad. Groete. Oesjaar (kontak) 19:36, 5 Februarie 2020 (UTC)