Juweellipvis

Die Juweellipvis (Halichoeres lapillus) is 'n vis wat voorkom in die westelike Indiese Oseaan en aan die ooskus van Afrika vanaf Oman tot by die Aliwal-bank langs KwaZulu-Natal. In Engels staan die vis bekend as die Jewelled wrasse.

Juweellipvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Labridae Cuvier, 1816
Genus:	Halichoeres (Rüppell, 1835)
Spesie:	H. lapillus
Binomiale naam
Halichoeres lapillus (Smith, 1947)

Voorkoms

Die vis se lyf is reghoekig en dun met 'n bolronde stert. Die sylyn is aaneenlopend. Die wyfie is rooi met klein wit kolletjies en swart vlekke op die lyf. Die mannetjie is oranjerooi met pers en geel of liggroen merke op die lyf en strepe op die kop en lyf. Die vis word tot 14 cm lank.

Habitat

Die vis leef in koraal en rotsriwwe waar daar baie alge is in water wat 5 – 18 m diep is. Die visse is alleenswemmers of kom in klein groepies oor.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakels

• http://fishbase.org/summary/Halichoeres-lapillus.html