Salomonseilande
Die Salomonseilande (Engels: Solomon Islands; Pijin: Solomon Aelan) is 'n eilandstaat in die Stille Oseaan en Oseanië suid van die ewenaar met 'n oppervlakte van 28 896 km² en 'n bevolking van 726 799 in 2024. Die Salomonseilande is oos van Papoea-Nieu-Guinee, suid van Nauru, wes van Tuvalu, noord van Vanuatu en noordoos van Australië geleë. Die hoofstad en grootste stad is Honiara, geleë op die eiland Guadalcanal.
| |||||
| Nasionale leuse: To Lead is to Serve (Engels vir: "Om te lei is om te dien") | |||||
| Volkslied: God Save Our Solomon Islands[1][2] (Engels vir: "God beskerm ons Salomonseilande") Koninklike volkslied: God Save the King (Engels vir: "God beskerm die koning") | |||||
.svg)
| |||||
| Hoofstad | Honiara | ||||
| Grootste stad | Honiara | ||||
| Amptelike tale | Engels en Pijin | ||||
| Regering | Unitêre parlementêre grondwetlike monargie Charles III David Tiva Kapu Jeremiah Manele | ||||
| Onafhanklikheid • van die Verenigde Koninkryk
|
7 Julie 1978 | ||||
| Oppervlakte - Totaal - Water (%) |
28 896[3] km2 (143ste) 11 157 myl2 3,2 | ||||
| Bevolking - 2024-skatting - 2019-sensus - Digtheid |
726 799[3] (167ste) 720 956 24,2 / km2 (200ste) 62,7 / myl2 | ||||
| BBP (KKP) - Totaal - Per capita |
2024-skatting | ||||
| BBP (nominaal) - Totaal - Per capita |
2024-skatting | ||||
| MOI (2022) |  0,562[5] (156ste) – medium
| ||||
| Gini (2012) | 37,1[6] – medium | ||||
| Geldeenheid | Dollar (SBD)
| ||||
| Tydsone - Somertyd |
(UTC+11) nie toegepas nie (UTC+11) | ||||
| Internet-TLD | .sb | ||||
| Skakelkode | +677 | ||||
Die Salomonseilande bestaan uit ses hoofeilande en meer as 900 kleiner eilande. Dié land se naam is afgelei van die gelyknamige argipel, wat tot Melanesië behoort en nog die Noordelike Salomonseilande rondom Bougainville insluit, wat tot Papoea-Nieu-Guinee behoort. Die Salomonseilande word deur die Koraalsee in die weste en die Salomonssee in die suide begrens. In die noorde is die oop Suidelike Stille Oseaan geleë.
In 1568 het die Spaanse ontdekkingsreisiger Álvaro de Mendaña de Neira die eilande vir Europa ontdek en na die Bybelse koning Salomo Islas Salomón genoem.[7] In Junie 1893 het die Salomonseilande onder Britse invloed gekom, nadat die Suidelike Salomonseilande deur kaptein Gibson R.N. van die HMS Curacoa tot Britse protektoraat verklaar is.[8] Tydens die Tweede Wêreldoorlog het gedurende die Salomonseilande-veldtog (1942–1945) tussen die Verenigde State en die Japannese Keiserryk hewige gevegte plaasgevind, soos die Slag van Guadalcanal. Op 7 Julie 1978 het die Salomonseilande van die Verenigde Koninkryk onafhanklik geword. Die Salomonseilande is 'n grondwetlike monargie binne die Britse Statebond met Charles III van die Verenigde Koninkryk as staatshoof.
Geografie
wysigDie Salomonseilande bestaan uit tien administratiewe gebiede, waarvan nege provinsies is wat deur verkose provinsiale gemeentes geadministreer word en die tiende die hoofstad Honiara is wat deur die Honiara Stadsraad geadministreer word.
| # | Provinsie | Hoofstad | Premier | Oppervlak (km²) |
Bevolking 1999-sensus |
Bevolking per km² (2009) |
Bevolking 2009-sensus |
|---|---|---|---|---|---|---|---|
| 1 |  Sentrale Provinsie |
Tulagi | Patrick Vasuni | 615 | 21 577 | 42,4 | 26 051 |
| 2 |  Choiseul |
Taro-eiland | Jackson Kiloe | 3 837 | 20 008 | 6,9 | 26 371 |
| 3 |  Guadalcanal |
Honiara | Anthony Veke | 5 336 | 60 275 | 17,5 | 93 613 |
| 4 |  Isabel |
Buala | James Habu | 4 136 | 20 421 | 6,3 | 26 158 |
| 5 |  Makira-Ulawa |
Kirakira | Stanley Siapu | 3 188 | 31 006 | 12,7 | 40 419 |
| 6 |  Malaita |
Auki | Peter Ramohia | 4 225 | 122 620 | 32,6 | 137 596 |
| 7 |  Rennell en Bellona |
Tigoa | George Tuhaika | 671 | 2 377 | 4,5 | 3 041 |
| 8 |  Temotu |
Lata | Fr. Charles Brown Beu | 895 | 18 912 | 23,9 | 21 362 |
| 9 |  Westelike Provinsie |
Gizo | Wyne Maepio | 5 475 | 62 739 | 14,0 | 76 649 |
| – |  Hoofstadgebied |
Honiara | Mua (burgemeester) | 22 | 49 107 | 2 936,8 | 64 609 |
| Salomonseilande | Honiara | – | 28 400 | 409 042 | 14,7 | 515 870 |
Verwysings
wysig- ↑ (en) "Solomon Islands National Anthem Lyrics". Lyrics On Demand. Geargiveer vanaf die oorspronklike op 4 Januarie 2019. Besoek op 8 Julie 2019.
- ↑ (en) "National Parliament of Solomon Islands Daily Hansard: First Meeting – Eighth Session Tuesday 9th May 2006" (PDF). www.parliament.gov.sb. 2006. p. 12. Geargiveer (PDF) vanaf die oorspronklike op 30 Oktober 2012. Besoek op 8 Julie 2019.
- ↑ 3,0 3,1 (en) "Solomon Islands". Central Intelligence Agency. Besoek op 6 Mei 2024.
- ↑ 4,0 4,1 4,2 4,3 (en) "Solomon Islands". Internasionale Monetêre Fonds. April 2024. Besoek op 6 Mei 2024.
- ↑ (en) "Human Development Report 2023/2024" (PDF). United Nations Development Programme. 13 Maart 2024. Besoek op 6 Mei 2024.
- ↑ (en) "Gini index – Solomon Islands". Wêreldbank. Besoek op 6 Mei 2024.
- ↑ (en) "Alvaro de Mendaña de Neira, 1542?–1595". Princeton University Library. Geargiveer vanaf die oorspronklike op 17 April 2019. Besoek op 8 Julie 2019.
- ↑ (en) Commonwealth and Colonial Law by Kenneth Roberts-Wray, London, Stevens, 1966. bl. 897
Bronnelys
wysig- Algemeen
- (en) "Solomon Islands". Encyclopædia Britannica. Besoek op 6 Mei 2024.
- (en) "Solomon Islands". Central Intelligence Agency. Besoek op 6 Mei 2024.
Eksterne skakels
wysig
Wikimedia Commons het meer media in die kategorie Salomonseilande.- (en) Toerisme-inligting oor Salomonseilande op Wikivoyage
