Leucadendron

Genus van Proteaceae
(Aangestuur vanaf Tolbosse)

Leucadendron (tolbosse) is 'n struikgenus wat hoort tot die familie Proteaceae en is die tweede grootste genus van dié familie. Daar is ongeveer 84 spesies wat tot die genus hoort.[1] Die genus is endemies aan Suid-Afrika en vorm deel van die fynbos plantegroei. Die meeste spesies kom in die Wes-Kaap voor. Die Silwerboom is die bekendste spesie in die genus. Die boom se blare het kenmerkende silwer kleur wat veroorsaak word deur digte, reguit, syagtige haartjies. Die naam Leucadendron is van die Silwerboom boom afgelei, dit beteken letterlik wit boom.

Leucadendron
Leucadendron argenteum
Wetenskaplike klassifikasie e
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Orde: Proteales
Familie: Proteaceae
Subtribus: Leucadendrinae
Genus: Leucadendron
Spesies

Sien teks

Natuurlike voorkoms van die genus
Sinonieme
  • Lepidocarpus Adans.
  • Protea L.
  • Chasme Salisb.
  • Euryspermum Salisb.
  • Gissonia Salisb. ex Knight
  • Vionaea Neck.

Beskrywing wysig

Spesies in die genus is klein boompies of struike wat regop groei maar ook kan rank.[2] Die meeste spesies is struike wat ongeveer 1 m hoog word, sommige word 2 tot 3 m hoog. Die blare het meestal 'n elliptiese vorm, sommige is naaldvormig in 'n spiraal georganiseer, is eenvoudig en gewoonlik groen. Sommiges word bedek met 'n wasagtige laag.

Spesies in die genus is tweehuisig, met ander woorde die manlike en vroulike blomme word aan afsonderlike plante gedra. Die vroulike blommetjies sit aan die buitekant van 'n tol, elkeen binne 'n skutblaar. Die manlike blommetjies vorm ʼn digte hofie, wat meestal soos ʼn pompon lyk.

Die blare net onder die blomkoppe vorm dikwels kranse om die blomkoppe en verkleur meestal in die blomtyd na geel, oranje of rooi. Die feit dat die blare rondom die blomkoppe gedurende die jaar verskillende kleure kan aanneem, en die variasie wat daar tussen verskillende eksemplare van dieselfde spesies kan bestaan, is faktore wat die klassifikasie van tolbosse bemoeilik en daar bestaan tans heelwat verwarring oor die taksonomie van hierdie groep plante.

Spesies wysig

Verwysings wysig

  1. https://powo.science.kew.org/taxon/urn:lsid:ipni.org:names:331712-2
  2. Manning, John; Paterson-Jones, Colin (2008). Field Guide to Fynbos. Struik Publishers, Cape Town. p. 254. ISBN 978-1-77007-265-7.