Amerikaanse Maagde-eilande

eilandgroep in Noord-Amerika en 'n eilandgebied van die Verenigde State van Amerika

Die Amerikaanse Maagde-eilande (Engels: United States Virgin Islands, USVI, ook American Virgin Islands), amptelik die Maagde-eilande van die Verenigde State (Virgin Islands of the United States), is 'n eilandgroep in Noord-Amerika en 'n eilandgebied van die Verenigde State van Amerika. Dit beslaan 'n oppervlakte van 346,36 km² en het 'n bevolking van 106 405 in 2010 gehad.

Virgin Islands of the United States
Maagde-eilande van die Verenigde State
Vlag van die Amerikaanse Maagde-eilande Seël van die Amerikaanse Maagde-eilande
Vlag Seël
Nasionale leuse: United in Pride and Hope
(Engels vir: "Verenig in trots en hoop")
Volkslied: The Star-Spangled Banner
(Engels vir: "Die sterbesaaide vaandel")

Nasionale volkslied: Virgin Islands March
(Engels vir: "Maagde-eilande-mars")
Ligging van die Amerikaanse Maagde-eilande
Hoofstad Charlotte Amalie

18°21′N 64°56′W / 18.350°N 64.933°W / 18.350; -64.933

Grootste stad Charlotte Amalie
Amptelike tale Engels
Regering

President
• Goewerneur
• Luitenant-goewerneur
• Afgevaardigde
Niegeïnkorporeerde
georganiseerde grondgebied
Joe Biden (D)
Albert Bryan (D)
Tregenza Roach (D)
Stacey Plaskett (D)
Onafhanklikheid
Stigting
• Deens-Wes-Indië-verdrag
• Hersienende Organisasiewet

Amerikaanse eilandgebied
31 Maart 1917
22 Julie 1954
Oppervlakte
 - Totaal
 
 - Water (%)
 
346,4 km2  ()
133,7 myl2
feitlik niks
Bevolking
 - 2010-sensus
 - Digtheid
 
106 405[1]
297 / km2 ()
769,2 / myl2
BBP (KKP)
 - Totaal
 - Per capita
2015-skatting

$4,580 miljard
$36 350[2]

MOI (2008) Green Arrow Up Darker.svg 0,894 (59ste)  –  baie hoog
Geldeenheid Amerikaanse dollar ($) (USD)
Tydsone
 - Somertyd
AST (UTC-4)
nie toegepas nie (UTC-4)
Internet-TLD .vi
Skakelkode +1-340
Nasa-Satellietbeeld van die Amerikaanse Maagde-eilande
Kaart van die Amerikaanse Maagde-eilande
Politieke kaart van die Maagde-eilande:

   Amerikaanse Maagde-eilande

   Britse Maagde-eilande

   Spaanse Maagde-eilande (Puerto Rico)

   Puerto Rico (VSA)

Die Amerikaanse Maagde-eilande behoort geografies aan die Maagde-eilande[3] van die Klein-Antille. Dit is in die noordoostelike Karibiese See op die grens met die Atlantiese Oseaan geleë. Die Amerikaanse Maagde-eilande grens in die weste aan Puerto Rico en in die ooste aan die Britse Maagde-eilande. Dit bestaan uit die hoofeilande Saint Croix, Saint John, Saint Thomas en ander eilande. Die hoofstad en grootste stad is Charlotte Amalie, wat op die eiland Saint Thomas geleë is.

Die Maagde-eilande is in 1493 deur Christophorus Columbus tydens sy tweede reis vir Europa ontdek en ná die heilige Ursula van Keulen en haar maagd-volgelinge Santa Ursula y las Once Mil Vírgenes ("St. Ursula en haar 11 000 maagde") genoem. Dié naam is later verkort tot "die Maagde-eilande". Alhoewel die Maagde-eilande deur die Spaanse Ryk opgeëis is, is dié eilande nooit deur Spanjaarde gekoloniseer nie. Tydens die volgende twee eeu was die Maagde-eilande onder beheer van verskeie Europese magte soos Groot-Brittanje, Nederland, Frankryk en Denemarke-Noorweë.

Die Deense Wes-Indiese Kompanie het in 1672 Saint Thomas gekoloniseer, gevolg deur Saint John in 1694; Saint Croix is in 1733 van Frankryk gekoop. Terselfdertyd het Groot-Brittanje die nabygeleë eilande Anegada, Jost van Dyke, Tortola en Virgin Gorda van Nederland verower. Die Deense Maagde-eilande is volgens die Deens-Wes-Indië-verdrag op 31 Maart 1917 vir VS$25 miljoen aan die Verenigde State verkoop. Dié eilande is onder die Hersienende Organisasiewet van 22 Julie 1954 georganiseer en vorm tans 'n nie-geïnkorporeerde, georganiseerde grondgebied van die Verenigde State. Die Amerikaanse Maagde-eilande word deur die Verenigde Nasies as 'n gebied sonder eie regering beskou.[4] Die Amerikaanse Maagde-eilande is gesogte vakansieplekke en die ekonomie is veral op toerisme gebaseer.[5]

HoofeilandeWysig

Naam Oppervlakte
(km²)
Bevolking
(2008)
Bevolkingsdigtheid
Saint Croix 213 km² 53 234 250/km²
Saint John 50,8 km² 4 197 82,6/km²
Saint Thomas 80,9 km² 51 181 632,6/km²

SportWysig

Krieket was eens die gewildste sportsoort in die Amerikaanse Maagde-eilande, maar Amerikaanse sportsoorte soos Amerikaanse voetbal, basketbal en bofbal word nou meer beoefen. Die Amerikaanse Maagde-eilande is een van die gebiede wat met ander Karibiese state spelers beskikbaar stel vir die Wes-Indiese nasionale krieketspan, een van die "nasionale spanne" in internasionale krieket met toetsstatus. Die Wes-Indiese nasionale krieketspan het aan elke Krieketwêreldbeker deelgeneem en die eerste twee toernooie in 1975 en 1979 gewen.

VerwysingsWysig

  1. (en) "U.S. Virgin Islands – 2010 Census Results" (PDF). census.gov. U.S. Census Bureau. Geargiveer (PDF) vanaf die oorspronklike op 12 Desember 2019. Besoek op 20 Januarie 2020.
  2. (en) "Gross Domestic Product Per Capita for U.S. Virgin Islands". 5 Mei 2017. Besoek op 20 Januarie 2020. Cite journal requires |journal= (help)
  3. (en) "United States Virgin Islands". Encyclopædia Britannica. Geargiveer vanaf die oorspronklike op 29 April 2020. Besoek op 20 Januarie 2020.
  4. (en) "Non-Self-Governing Territories". Algemene Vergadering van die Verenigde Nasies. Geargiveer vanaf die oorspronklike op 13 September 2019. Besoek op 21 Mei 2018.
  5. (en) "Virgin Islands". CIA World Factbook. Central Intelligence Agency. Geargiveer vanaf die oorspronklike op 26 April 2020. Besoek op 21 Mei 2018.

BronnelysWysig

Algemeen

Eksterne skakelsWysig

Wiki-webtuistes

Toerisme


  Verenigde State van Amerika  
StateAlabamaAlaskaArizonaArkansasColoradoConnecticutDelawareFloridaGeorgiaHawaiiIdahoIllinoisIndianaIowaKaliforniëKansasKentuckyLouisianaMaineMarylandMassachusettsMichiganMinnesotaMississippiMissouriMontanaNebraskaNevadaNew HampshireNew JerseyNieu-MeksikoNew YorkNoord-CarolinaNoord-DakotaOhioOklahomaOregonPennsilvaniëRhode IslandSuid-CarolinaSuid-DakotaTennesseeTexasUtahVermontVirginiëWashingtonWes-VirginiëWisconsinWyoming
Federale distrikDistrik Columbia (Washington, D.C.)
EilandgebiedeAmerikaanse Maagde-eilandeAmerikaans-SamoaGuamNoordelike Mariana-eilandePuerto Rico
Klein afgeleë eilandeBakerHowlandJarvisJohnstonKingmanMidwayNavassaPalmyraWake
Geassosieerde landeGefedereerde State van MikronesiëMarshalleilandePalau