Wikipedia:Beeld van die week/2008
Hierdie is die argief van al die beelde wat tydens 2008 as spogbeelde op die voorblad gepryk het.
2008
wysigWeek 1
Joseph Kittinger spring uit 'n gondel op 'n hoogte van 31 300m (in die stratosfeer) as deel van die Excelsior-projek.
Die projek was 'n reeks hoë vryvalspronge deur Kaptein Kittinger van die Lugmag van die Verenigde State van Amerika in 1959 en 1960. Die doel van die projek was om die Beaupre-meertrappige valskermstelsel te toets. Tydens die geïllustreerde sprong het Kittinger die wêreldrekord vir die hoogste valskermsprong gestel, asook die rekords vir die langste valskermvryval en die vinnigste vryval. Met die ingang van 2007 is dié rekords steeds nie gebreek of geëwenaar nie.
Foto-erkenning: Lugmag van die VSA
besigtig
Week 2
Die Cassini-wenteltuig kry sy eerste hoë-resolusie blik van die helder agterste hemisfeer van Saturnus se maan, Iapetus, in September 2007.
Giovanni Cassini het dié natuurlike satelliet reeds in 1671 ontdek en aangeneem dat een kant van Iapetus baie donkerder is as die ander kant. Hy het hierdie aanname baseer op die feit dat hy Iapetus slegs aan een kant van Saturnus kon waarneem. Die aanname is dan ook in 1981 bevestig deur Voyager 2, wat foto's van die maan op 'n afstand van 966 000 km van die planeet af geneem het. Die rede vir hierdie verskil in die kleur van die oppervlak is tans nog onbekend.
Die prominentste topografiese eienskap van hierdie aansig is die 450 km-wye impakbekken; een van ten minste nege sulke groot bekkens op Iapetus. Die bekken oorvleuel met 'n ouer, ongeveer ewe groot bekken aan sy suidooste.
Foto-erkenning: NASA/JPL/Space Science Institute
besigtig
Week 3
Die Halfronde of L'Hemisfèric, ontwerp deur die Valenciese argitek, Santiago Calatrava, vorm deel van die Ciudad de las Artes y las Ciencias ("Stad vir Kuns en Wetenskappe") in Spanje en huisves (onder andere) 'n Imax-filmteater en 'n planetarium.
Die kompleks of "stad" is 'n kultureel-wetenskaplike kompleks wat beskou word as 'n indrukwekkende voorbeeld van moderne argitektuur. Ander geboue sluit 'n operahuis, 'n wetenskapmuseum en 'n oseanografiese park in. L'Hemisfèri was die eerste gebou wat sy deure geopen het tydens die kompleks se inwyding op 16 April 1998.
Foto-erkenning: David Iliff
besigtig
Week 4
'n Panoramiese nagaansig van San Diego. San Diego is 'n hawestad in die suide van Kalifornië met sowat 1,3 miljoen inwoners. Dit is die tweede grootste stad in Kalifornië en die sewende grootste in die Verenigde State.
Hierdie foto is geneem met 'n lange beligtingstyd vanaf Shelter-eiland na die ooste, met die middestad as uitsig.
Foto-erkenning: Ted "Rufus" Ross
besigtig
Week 5
Geanimeerde meetkundige bewys van die Stelling van Pythagoras.
Volgens die stelling is die kwadraat van die lengte van die skuinssy (c) van enige reghoekige driehoek gelyk aan die som van die kwadrate van die lengtes van die reghoekige sye (a en b). Alhoewel die resultaat van die stelling reeds aan ander antieke volke bekend was, was Pythagoras die eerste wat die stelling kon bewys.
Beelderkenning: Joaquim Alves Gaspar
besigtig
Week 6
Die Grootwitreier (Ardea alba) is, soos sy naam aandui, 'n groot, wit reier, wat in die meeste van die tropiese en warmer dele van die wêreld gevind kan word. Die voël kan tot 101 cm lank word en tot 1,5 kg weeg. Die Grootwitreier kan van ander wit reiers onderskei word deur sy geel snawel en swarte bene en voete.
Hierdie Grootwitreier was afgeneem langs die Merritt-meer in Oakland, Kalifornië.
Foto-erkenning: Calibas
besigtig
Week 7
Die Broadway-toring is 'n siergebou wat uit 1797 dateer en geleë is op Broadway-heuwel naby die dorpie Broadway, in Worcestershire, Engeland, in die Cotswolds. Die toring se basis is 312 meter bo seespieël en die toring self is 17 meter hoog. Op 'n mooiweersdag kan dertien graafskappe van Engeland van die bokant van die toring gesien word. Die uitsig sluit in die Severn-vallei tot by die Walliese berge.
Hierdie foto was deur Wikimediane verkies tot die Beeld van die jaar vir 2007.
Foto-erkenning: User:Newton2
besigtig
Week 8
Bewegende sandduine in die Sahara, in die suidweste van Libië (90% van die land is woestyn). Duine se beweging is aan die wind te danke en daar is al duine in verskeie dele van die wêreld aangeteken wat meer as 100 m per jaar beweeg.
Foto-erkenning: Luca Galuzzi
besigtig
Week 9
Laat skemer in Keulen, Duitsland. In die voorgrond is die Hohenzollern-spoorwegbrug, met die Katedraal van Keulen in die agtergrond en die Museum Ludwig aan sy linkerkant.
Foto-erkenning: Thomas Robbin
besigtig
Week 10
.jpg)
Wolk-tot-wolk weerlig in Zwickau, Duitsland. Weerlig is 'n kragtige natuurlike elektrostatiese ontlading wat tydens 'n donderstorm ontstaan. Die skielike ontlading gaan gepaard met die uitstraling van sigbare lig asook ander vorme van elektromagnetiese straling. Die elektriese stroom wat deur die lug vloei verhit die lug baie vinnig en laat die lug uitsit in die vorm van 'n plasma wat akoestiese skokgolwe (donder) in die atmosfeer veroorsaak.
Foto-erkenning: André Karwath
besigtig
Week 11
Joodse burgers in Warskou word gevange geneem tydens 'n opstand in die Joodse Ghetto. Dié foto, een van die bekendste foto's uit die Tweede Wêreldoorlog, het deel gevorm van Jürgen Stroop se bekende "Stroop-verslag" aan Heinrich Himmler in Mei 1943.
besigtig
Week 12
'n Blok ys gestrand naby Jökulsárlón, Ysland. Jökulsárlón is die bekendste en die grootste van 'n aantal gletsermere in ysland. Gletsermere het hulle ontstaan in gesmelte gletsers.
Foto-erkenning: Andreas Tille
besigtig
Week 13
Dr. Wernher von Braun, 'n pionier van Amerika se ruimteprogram, staan langs die vyf F-1-enjins van die Saturn V-lanseringsvoertuig. Hierdie voertuig is 'n werklike toetsvoertuig wat voorheen by die U.S. Space Rocket Center in Alabama vertoon is. Die enjins was 5 meter lank en het 15 ton vloeibare suurstof en keroseen per sekonde verbrand om 3 401 942 kilogram stukrag te gee.
Week 14
Die astrolabium is 'n outydse sterrekundige meetinstrument wat deur die klassieke sterrekundiges, navigators en sterrewiggelaars gebruik is. Dit was vir 1200 jaar die vernaamste instrument vir navigasie, van sy uitvinding in die 4de eeu tot ongeveer die 16de tot 18de eeu, waartydens dit langsamerhand deur die sekstant vervang is.
Foto-erkenning: Andrew Dunn
besigtig
Week 15
'n Hawelose man in Parys, Frankryk. Ondanks die feit dat Parys een van die welvarendste gebiede in die Europese Unie is, is armoede nie onbekend nie, met sowat tien persent (7,5 persent in die metropolitaanse gebied) van die bevolking wat werkloos is. Na ramings is daar meer as 50 000 dakloses wat skuiling in die metrostasies en ander plekke moet vind.
Foto-erkenning: Eric Pouhier
besigtig
Week 16
'n Uitsig oor die hawebrug in Sydney, Australië. Die bekende Sydney-operahuis kan links gesien word en vorm saam met die brug 'n ikoniese beelde van die stad. Tot en met 1967 was die brug die stad se hoogste struktuur, met 'n hoogte van 139 meter. Die brug is 1149 meter lank en 49 meter breed, wat dit dan ook die breedste boogbrug ter wêreld maak.
Foto-erkenning: David Iliff
besigtig
Week 17
Ghadames, 'n antieke woestyndorpie in Libië, is ontwerp om die uiters warme Sahara-klimaat teë te staan. Huise is gebou uit modder, kalk en die stamme van palmbome. Die stegies tussenin word bedek om die inwoners beskerming teen die hitte te bied.
Foto-erkenning: Luca Galuzzi
besigtig
Week 18
'n Satellietbeeld van Skandinawië: Noorweë, Swede en Finland is sigbaar. Met 'n landskap wat hoofsaaklik deur gletsers gevorm is, is die Skandinawiese skiereiland beeldskoon tydens die winter, dog uiters koud.
Foto-erkenning: Jacques Descloitres van NASA.
besigtig
Week 19
Die jagluiperd (Acinonyx jubatus) is 'n atipiese lid van die katfamilie wat spoed gebruik om te jag, eerder as sluipmetodes of taktiek. Dit is die vinnigste van alle landdiere en kan 'n spoed van tot 120 km/h behaal. Die jagluiperd is bekend vir sy merkwaardige versnelling: 0 tot 100 km/h in 3,5 sekondes, wat vinniger is as die Mercedes-Benz SLR McLaren, die Lamborghini Murciélago en die F/A-18 Hornet.
Foto-erkenning: Mark Probst
besigtig
Week 20
Die maan is die enigste natuurlike satelliet van die aarde en die vyfde grootste in ons sonnestelsel. Dit het geen ander formele naam as die "maan" nie, alhoewel dit soms "Luna" (Latyn vir "maan") genoem word om dit te onderskei van die algemene term "maan".
Met die Apollo 11-maansending van Julie 1969 het die maan die eerste hemelliggaam in ons sonnestelsel geword waarop mense geland het.
Foto-erkenning: Luc Viatour
besigtig
Week 21
Koffie is 'n wyd genuttigde stimulerende drankie wat met geroosterde sade voorberei word. Hierdie sade, wat algemeen bekend staan as koffiebone, is afkomstig van die koffieplant. Koffie is vir die eerste keer in die 9de eeu gedrink, toe dit in die hooglande van Ethiopië ontdek is. Van daar het dit na Egipte en Jemen versprei en teen die 15de eeu het dit ook Persië, Turkye en Noord-Afrika bereik. Vanuit die Moslemwêreld het koffie na Italië versprei, en toe na die res van Europa en die Amerikas. Vandag is koffie een van die gewildste drankies ter wêreld.
Foto-erkenning: Julius Schorzman
besigtig
Week 22
'n Modefoto uit 1947 geneem in die Weeki Wachee-rivier, Florida, deur Toni Frissell. Alhoewel haar werk ook die daaglikse samelewing en ander sosiale kwessies weerspieël het, word sy hoofsaaklik onthou vir haar modefoto's: sy was een van die eerste fotograwe wat modelle uit die studio geneem het en in die natuur geplaas het.
Foto-erkenning: Toni Frissell
besigtig
Week 23
Die 2004-Indiese Oseaan-tsoenami tref die klein kusdorpie, Ao Nang, in Thailand. Dié tsoenami is deur 'n aardbewing veroorsaak, maar tsoenami's kan ook die gevolg wees van aard- of grondverskuiwings, vulkaniese uitbarstings, ontploffings en die impak van buiteaardse liggame soos meteoriete.
Foto-erkenning: David Rydevik
besigtig
Week 24
'n Mens se oog is die orgaan in die liggaam wat inligting uit die lig-omgewing aan die brein oordra. Lig word op die netvlies (ook retina genoem) gefokus deur die lens. Die netvlies is 'n laag gespesialiseerde senuweeselle wat lig omskakel in senuwee-seine. Die oog kan sy fokusafstand verander deur spiere wat die vorm van die lens verander.
Week 25
'n Nagtelike uitsig oor die Promenade des Anglais (Frans vir "Promenade van die Engelse") in die Franse kusstad, Nice. Die stad is geleë langs die Middellandse See, tussen Cannes en Monaco, en is na Parys die belangrikste toeristestad in Frankryk.
Foto-erkenning: William M. Connolley
besigtig
Week 26 {{Omraam|Isaac Asimov on Throne.png|275px|left|Isaac Asimov}} 'n Kopie van 'n skildery van Isaac Asimov, 'n gewilde skrywer van wetenskapfiksie. Onlangse rolprente soos I, Robot en Bicentennial Man is op sy werke gebaseer. In die beeld kan simbole van sy werke op die troon gesien word.
Foto-erkenning: Rowena Morrill
besigtig
Week 27
Die gewone troupant (wetenskaplike naam: Coracias caudata) soos afgeneem in Botswana.
Foto-erkenning: David Meeker
besigtig
Week 28 'n 1€-muntstuk.
Die Euro (simbool: €, ISO-geldeenheidkode: EUR) is die geldeenheid van die Europese Ekonomiese en Monetêre Unie (EMU) - die sogenaamde Eurosone - en ná die Amerikaanse Dollar die belangrikste munteenheid wêreldwyd.
besigtig
Week 29
Die Vlag van Noorweë behels 'n donkerblou kruis met wit boorde op 'n rooi agtergrond. Die vertikale arm van die kruis is in die rigting van die vlagpaal verskuif volgens die patroon van die ander Skandinawiese vlae. Lees Meer..
besigtig
Week 30
Die Koninginprotea (Protea magnifica, voorheen Protea barbigera).
Foto-erkenning: Lollie-Pop van Kaapstad, Suid-Afrika.
Lees meer oor proteas...
besigtig
Week 31
Die rooimeerkat, ook bekend as die witkwasmuishond, is 'n soogdiertjie wat in Suider-Afrika voorkom.
Foto-erkenning: Feuerdante (Wikipedia-gebruiker).
besigtig
Week 32
'n Sonsondergang op Mars, soos afgeneem deur die Spirit-swerwer in 2005. Omdat Mars verder van die Son is as die Aarde, lyk die Son omtrent twee derdes so groot as wat dit tydens 'n sonsondergang hier lyk.
Foto-erkenning: NASA/JPL
besigtig
Week 33
'n Snawelvlieg (spesie: Rhagio scolopaceus) op 'n nat blaar. Die foto is naby München in Duitsland afgeneem.
Foto-erkenning: Richard Bartz
besigtig
Week 34
Vuurwerke oor die Beijing Nasionale Stadion tydens die openingseremonie van die 2008 Olimpiese Somerspele in Beijing, China.
Foto-erkenning: Chris Greenberg
besigtig
Week 35
Skouspel in die Beijing Nasionale Stadion tydens die openingseremonie van die 2008 Olimpiese Spele in Beijing, China. Die Olimpiese vlam in die agtergrond is op 24 Augustus 2008 uitgedoof en die Olimpiese vlag is aan Londen oorhandig, waar die 2012 Spele aangebied gaan word.
Foto-erkenning: papparazzi (Flickr-gebruiker).
besigtig
Week 36
Die Atlantis-ruimtetuig word stadig vanaf sy konstruksieplatform na lanseerplatform 39A geskuif. Die dramatiese uitsig van bo is vanaf die konstruksieplatform se dak, 160 meter bo die grond geneem.
Foto-erkenning: NASA, GRIN Databasis Nommer: GPN-2000-001877
besigtig
Week 37
Die baardaasvoël of lammervanger is 'n ou-wêreldse aasvoël, die enigste lid van die genus: Gypaetus. Dit is 'n bedreigde spesie in Suider-Afrika.
Soos ander aasvoëls, is die spesie 'n aasvreter wat die karkasse van dooie diere vreet. Dit laat val bene uit die lug om die murg in die hande te kry as die been breek. Soortgelyk word lewende skilpaaie ook uit die lug laat val om hulle te laat oopbars.
Foto-erkenning: Richard Bartz
besigtig
Week 38
Foto van die Coloradorivier naby Page, in Arizona, VSA. Die Coloradorivier is 2333 km lank en ontstaan in die Rocky Mountain National Park in Colorado. Die rivier loop deur die suid-westelike state: Utah, Arizona, Nevada en Kalifornië.
Foto-erkenning: Adrille
besigtig
Week 39
Fontein in die Cudahy-tuine naby die kunsmuseum in Milwaukee, Wisconsin in die Verenigde State van Amerika.
Week 40
.jpg)
Die AH-2 Rooivalk, 'n moderne, Suid-Afrikaans ontwerpte aanvalshelikopter wat deur Denel Aerospace Systems vervaardig word.
Foto-erkenning: Warren Rohner van Kaapstad, Suid-Afrika.
besigtig
Week 41
Hierdie animasie beeld uit hoe mens 'n sekstant gebruik om die hoogte van die son bo die horison te meet. Kliek gerus op die beeld vir 'n groter weergawe.
Beelderkenning: Joaquim Alves Gaspar, Afrikaanse vertaling deur Renier Maritz.
besigtig
Week 42
Berg Etna is 'n vulkaniese berg in Suid-Italië, op die eiland van Sisilië.
Foto-erkenning: NASA
besigtig
Week 43
Die witkopaasvoël is 'n ietwat skaars aasvoël wat endemies (inheems) aan Afrika is. Die voël het 'n kenmerkende wit-pienk, veerlose kop.
Foto-erkenning: Luc Viatour
besigtig
Week 44
'n Ou roeibootjie dryf op die waters naas die panoramiese Vauban-weg in die buurt van Straatsburg wat as "Klein Frankryk" bekend staan.
Foto-erkenning: Rèmi Leblond
besigtig
Week 45
Die rooipoot-goue wawielwebspinnekop is 'n Suider-Afrikaanse spinnekop wat 'n uiters sterk web spin. Soms word selfs klein voëls in die web vasgevang, alhoewel hulle oor die algemeen nie deur die spinnekop geëet word nie.
Foto-erkenning: David Monniaux
besigtig
Week 46
'n Diagram van 'n skeepsekstant, wat gebruik word om hemelliggame waar te neem.
Beelderkenning: Joaquim Alves Gaspar, vertalings deur Renier Maritz
besigtig
Week 47
Die graatjiemeerkat (Suricata suricatta) is 'n soogdiertjie wat in Suider-Afrika voorkom. Die kleur van die dier se pels hang van sy woongebied af: in die suidelike deel van die verspreidingsgebied het die meerkat 'n donkerder pels, terwyl die meerkatte in die noorde van die verspreidingsgebied 'n ligter pels het
Beelderkenning: Olaf Leillinger
besigtig
Week 48
Opkoms van die aarde, soos gesien vanaf die maan.
Beelderkenning: NASA-ruimtevaarder Frank Borman
besigtig
Week 49
'n Naguitsig oor Wellington, Nieu-Seeland. Geneem vanaf die piek van Mount Victoria. (Kliek op die beeld vir 'n groter weergawe.)
Foto-erkenning: Donovan Govan
besigtig
Week 50
Die brilpikkewyn (Spheniscus demersus) is 'n klein pikkewyn wat endemies is aan die wes- en suidooskuste van Suider-Afrika en die enigste pikkewyn wat in dié area se gebiedswater broei.
Beelderkenning: Salim Fadhley
besigtig
Week 51
Mahuri, 'n anime-karakter. Anime is 'n gewilde en kenmerkende vorm van animasie wat ongeveer 1917 in Japan ontstaan het.
Beelderkenning: Niabot
besigtig
Week 52
Die Atacamawoestyn in die noorde van Chili word as die droogste woestyn op aarde beskou. In sommige gebiede is die jaarlikse reënval slegs 1 mm per jaar, terwyl ander weerstasies in Atacama nog nooit 'n druppeltjie reën aangeteken het nie.
Beelderkenning: Luca Galuzzi
besigtig
Week 53
'n Eekhoring (Sciurus carolinensis) in die St. James-park in Londen, Engeland.
Beelderkenning: David Iliff
besigtig