Gebruikerbespreking:Aliwal2012/argief2017

Flying Boat vs Floatplane

Gert, as Flying Boat Vliegboot in Afr. is, wat is die korrekte vertaling vir Floatplane? Laasgenoemde is kleiner as eersgeneomde. Groete! Oesjaar (kontak) 07:18, 1 Februarie 2017 (UTC)

Joe, amper vra jy my vas! Die Tegniese woordeboek sê: Float sea-plane = drywervliegtuig in Afr. Cheers! --Aliwal2012 (kontak) 08:57, 1 Februarie 2017 (UTC)

Gert, nou weet ek! Dankie! Indien die romp in die water dryf is dit 'n vliegboot maar indien die vliegtuig net vlotters het en die romp is uit die water is dit 'n drywersvliegtuig! Groete! Oesjaar (kontak) 09:22, 1 Februarie 2017 (UTC)

Plesier Oesjaar, bly ek kon vinnig help. LET OP na die spelling: drywervliegtuig sonder die (s)! Gert

'n Float plane en 'n Flying Boat is dieselfde ding (en ook sea-plane). Float plane en Flying boat is meestals Amerikaans en sea-plane is meestals Brits. Martinvl (kontak) 09:53, 1 Februarie 2017 (UTC)

Oor beloftes wat ek byna skuld

Hallo oom Aliwal

Na aanleiding van die gesprek met mnr. Van Rooyen... (stylbreuk volg) wil ek net hoor, aangesien oom se websnuffelgeld so gou opraak, of dit nog die moeite werd is om afgetaste (scanned) foto's van ou woordeboeke uit die Staatstal (Bantoe-onderwys) op te laai. Meer spesifiek Tswana. Ek dink 'n enkele A4-blad kan tot 1 Megagreep groot wees (dubbelblaaie van die woordeboek word A4-grootte, dus, elke bladsytjie is so A5). Dit help egter nie ek laai die bladsye op as oom nie die geld het om so baie data te vermors om een bladsy af te trek nie. Dit is trouens seker een van die redes hoekom oom elke keer die Geselshoekie so leegmaak na die argief toe, want dit is lastig om elke keer geld te mors op lugtyd om ou boodskappe te lees. En my gesprek nou hier by oom se besprekingsblad moes ek eintlik korter geskryf het, en meer bondiger, sonder te veel parentese, waaraan ek so verslaaf is, want elke bis (dit wil sê karakter) kos geld. ;) Suidpunt (kontak) 10:55, 6 Februarie 2017 (UTC)

Korreksie, daar is 8 bisse in 'n greep. Een greep is een karakter. x. Suidpunt (kontak) 10:57, 6 Februarie 2017 (UTC)

Dankie vir jou moeite Suidpunt, maar ek glo nie ek sal gebruik maak daarvan nie! Ek kielie maar net op Tswana en Suid-Sotho wikipedia's as daar regtig iets baie simpel/algemeen is om te vertaal, soos "byl". Ek is nie juis daai tale magtig nie, meeste van my bydraes was op Noord-Sotho, waar ek ook maar die weg vd minste weerstand gevolg het, soos met dorpe se artikels, met min behoefte aan vertaalde inhoud (ek gee myself nou weg)! Maar dankie in elk geval.

Geniet jou week --Aliwal2012 (kontak) 13:24, 6 Februarie 2017 (UTC)

Joost van der Westhuizen

Besoek asb die skakel om te kyk wat die titel is: http://www.crainscleveland.com/article/20110728/BLOGS03/110729815 Groete. Frank (kontak) 20:18, 6 Februarie 2017 (UTC)

Frank, ja! Die subopskrif lui egter: Bad news, delivered from Cleveland. Dit maak baie meer sin as daai twak van "If you're flying out of Cleveland or Akron, you're probably paying more" wat regtig niks met Joost te doen het nie!

Reg, as jy die hoofopskrif met 'n subopskrif wil ruil is dit fyn met my. Lekker slaap! Frank (kontak) 20:24, 6 Februarie 2017 (UTC)

Plaagbeheer moet eintlik Plaagbestryding wees

Beste Suidpunt en Oesjaar - gaan asb voort met jul gesprek op die geselshoekie. Ek is van die lug af hier! (Jammer julle, iemand by die huis het my moer gestrip!) --Aliwal2012 (kontak) 19:40, 19 Februarie 2017 (UTC)

Draai hom net so 'n halwe draai terug.... Groete! Oesjaar (kontak) 19:45, 19 Februarie 2017 (UTC)

Superaanjaer...

Die kas is leeg hier... Groete! Oesjaar (kontak) 19:34, 8 Maart 2017 (UTC)

Dankie Oesjaar, ek sal 'n plan maak daarmee! Ek hou van jou Rolls-Royce Merlin‎ artikel! Groete, --Aliwal2012 (kontak) 06:48, 9 Maart 2017 (UTC)

Amper postuum

Dankie vir my ster. Ironies genoeg het ek, terwyl jy dit toegeken het, in die hospitaal lê en hyg na asem sowat ’n uur ná ’n longembolisme. Dit was so hittete of jy het dit postuum toegeken! Winston (kontak) 14:33, 26 Maart 2017 (UTC)

Jammer om te hoor man! Hoe het dit ontstaan, rook jy dalk? --Aliwal2012 (kontak) 14:36, 26 Maart 2017 (UTC)

Dankie. Ek het 'n maand gelede ophou rook, maar het toe reeds diepaartrombose gehad (wat verkeerdelik deur my dokter as sellulitis gediagnoseer is). My (en ons Wikipedia-)kollega Morné het my kom red en 'n ambulans gebel nadat ek vir hom 'n SMS gestuur het. Ek kon glad nie praat of asem kry nie. Winston (kontak) 14:41, 26 Maart 2017 (UTC)

Sjoe Winston! Baie sterkte met jou herstel, ons dink aan jou! Gert

Baie dankie. Winston (kontak) 15:30, 26 Maart 2017 (UTC)

Vandag in die verlede

Hoekom word my bydraes verwyder? Ek het ure se werk hier ingesit en die feite is korrek. Groete. Werni

Jou feite is korrek ja, maar jou Afr. taalgebruik is nie op standaard nie! Jy plaas 30 nuwe lyne by 2 Junie, en elke tweede lyn bevat rooi skakels na Duitse artikels, bv.

• Gerhard Rohlfs
• :de:Joachim Mrugowsky,
• Rudolf Brandt
• Al-Muwaffaq ens.

Dit is nie aanvaarbaar nie hoor!!..............Ek is nou moeg om elke dag jou knoeiwerk reg te maak. --Aliwal2012 (kontak) 22:33, 1 Junie 2017 (UTC)

Dankie vir jou kommentaar. Ek is ´n bietjie "tegnies gestremd" en moet eers die artikel publiseer sodat ek dan by die "wysing bron" kan uitkom om die skakels te kontroleer. Ek weet nie hoe om die skakels direk by die eerste plasing te verander nie. As jy die inligting wat ek plaas net ´n halfuur kan los (nadat ek dit gepubliseer het), sal ek wel daarby uitkom. Jy sal sien in die "wys geskiedenis" dat ek meestal nog besig is met die redigering as jy reeds begin redigeer. Kan ons asb ooreenkom dat jy die inligting vir 30 minute los, voordat jy dit begin redigeer? My groter plan is om elke dag se artikel aan te vul vir die volgende 365 dae sodat ek ´n raamwerk het om dan te begin om die artikels tov die gebeure/persone te begin vertaal. As jy iemand in die Pretoria-omgewing ken wat my kan leer oor die tegniese aspekte, sal ek graag met hom/haar skakel sodat ek meer tyd aan die inhoud en minder tyd aan die proses van plasing moet gee. Groete. Werni (kontak) 07:53, 2 Junie 2017 (SA)

n.s. Ek het sopas met Kraal Uitgewers gepraat. Hulle sal my plasings deurgaan die dag nadat ek hulle geplaas het (ek het plaas die meeste artikels laat in die aand). Ek sien vandag vir Protea Boekhuis en sal ook vir hulle vra. Sal dit help? Werni

Goeie môre Werni! Jammer dat ek so kras was met jou hierbo, dit was al bietjie laat in die nag toe ek dit geskryf het!

Ek wil graag my redigeerhulp aanbied aan jou, as ons altwee die tyd en geduld het daarvoor. Let wel, ek is ook nie alwetend nie, ek is maar een van die nuwer bydraers onder die 8 of wat admins tans op die af:wiki. Wat my wel besig hou hier, is om alle artikels op 'n goeie tegniese standaard (soos oormatige rooi skakels en spelfoute) te hou, sodat ons nie afbreuk doen aan die reeds bestaande wikipedia nie.

Ek antwoord jou later vandag met my raad en voorstelle, moet net gou by my werk kom. --Aliwal2012 (kontak) 06:49, 2 Junie 2017 (UTC)

N.S. Dit sal goed wees as jy eers in die sandput eksperimenteer, dan kan ek/iemand dit deurlees en "goedkeur" voor jy dit oordra na die "lewendige" bladsy. --Aliwal2012 (kontak) 11:30, 2 Junie 2017 (UTC)

Sjina->China

Is dit nou regtig nodig? Groete. Frank (kontak) 07:31, 15 April 2017 (UTC)

More Frank! Ek dink dis nodig. Geebee het daarmee begin by Volksrepubliek van Sjina→Volksrepubliek China.

Ek volg net die wetenskaplike beginsel van: As een naam verander is, moet almal verander word. Sterkte, --Aliwal2012 (kontak) 08:22, 15 April 2017 (UTC)

Hierdie skuif laat my ook koud want die skuiwers gaan waarskynlik nie al die nodige skuiwe uitvoer nie. Die artikel China wys reeds hoe die twee opsies deurmekaar raak. 'n Groot werk lê voor vir die skuiwers en ek twyfel of die tyd daaraan nuttig aangewend word. Wikipedia hoef nie noodwendig resente veranderinge op te volg nie, maar soos die Everest -> Denali geval getuig, is daar ook wikipediane wat dit welgeval. Ek is bevooroordeeld, want Sjina lyk myns insiens ver beter. En tog het ek my ook al op koerante beroep vir 'n spelkeuse. JMK (kontak) 18:02, 8 Junie 2017 (UTC)

Denali is nie die nuwe naam van Berg Everest nie, dit was Mount McKinley. Ek het dit geskuif, omdat dit die nuwe amptelike naam is. Wat Sjina/China betref, stem ek wel saam. Kan ons dit nou asb. amptelik besprek, Gert? Groete. -- SpesBona 18:30, 8 Junie 2017 (UTC)

Julle moet nou besluit wat julle wil doen met Sjina/China!! Soos julle kan sien het ek reeds begin skuif/redigeer. Laat weet my asb. dringend, anders moet ek dit eers stop en my ouer "edits" ook terugrol. Dankie, --Die perd se bek 19:43, 8 Junie 2017 (UTC)

Die bespreking het reeds 8 dae gelede hier begin. Ons kan nie eers redigeer en dan bespreek nie, dit loop eintlik andersom. Frank het gesê ons sal nie China in Sjina en vice versa verander nie en ek stem saam, Voyageur blykbaar ook. Groete. -- SpesBona 20:30, 8 Junie 2017 (UTC)

Sal ons dit nog bespreek of gaan jy met jou veranderinge voort? Hoekom is {{Saadjie}} by klein artikels verwyder? Groete. -- SpesBona 15:04, 9 Junie 2017 (UTC)

Hallo SpesBona! Ek wil graag voortgaan met Sjina→China, as ek nie iemand sal aanstoot gee nie! Ek het tyd daarvoor die naweek (dis yskoud hier)! Jy kan maar die saadjies terugplaas, ek wou dit net opruim ;) Groete --Aliwal2012 (kontak) 15:17, 9 Junie 2017 (UTC)

Voorstelle vir nuwe artikels op 'n koue naweek

Indien jy wil en tyd het: Daar is nog Suid-Afrikaanse dorpe met 100% Afrikaans sonder 'n artikel op die Afrikaanse Wikipedia, soos Buffelsrivier, Noord-Kaap en Koingnaas (99%). Sien Sjabloonbespreking:Suid-Afrikaanse distriksmunisipaliteit navbox. Dan kan ons die China/Sjina-saak dié naweek bespreek. Groete. -- SpesBona 15:31, 9 Junie 2017 (UTC) Uitgevoer

Hier kom nou al die Suid-Afrikaanse dorpe sonder artikel volgens {{Suid-Afrikaanse distriksmunisipaliteit navbox}}: Prins Albertweg, Hobeni, Bodiam, Relebohile, Florisbad, Danskraal, Zuurbekom, Ekangala, Nuwe Eersterus, Onderstepoort, Gauteng, Onverwacht, Gauteng Uitgevoer;

Baie dorpe van uMzinyathi-distriksmunisipaliteit (sien Nquthu=6), uMvoti Plaaslike Munisipaliteit=10 en "Suid-Afrikaanse distriksmunisipaliteit navbox|ETH". Lekker naweek! Groete. -- SpesBona 21:40, 9 Junie 2017 (UTC)

U wysigings aan MediaWiki:Common.css

[1] [2] Welke? Adriaan Joubert (kontak) 19:27, 21 Junie 2017 (UTC)

Hi, 1700 plekke in Suid-Afrika se boskrif is nou links gesentreer in die infokassie, na jou wysiging van "align left". Die spreekwoord sê: "Don't fix something that's not broken!". Groete! --Aliwal2012 (kontak) 19:34, 21 Junie 2017 (UTC)

Kan u asb. na 'n voorbeeld skakel? Adriaan Joubert (kontak) 19:35, 21 Junie 2017 (UTC)

Ek was besig met onderhoud aan my nuwe artikel Mkhonjane A, toe die hoofopskrif in die kassie skielik links verskuif het. Na ek jou "align left" teruggerol het, is die status quo herstel, dankie! --Aliwal2012 (kontak) 19:42, 21 Junie 2017 (UTC)

Ek sal ondersoek instel. Adriaan Joubert (kontak) 19:47, 21 Junie 2017 (UTC)

Indiese stede

Hallo Gert, verwyder asseblief die onnodige {{clear}} by al die Indiese stede. Ek hou nie daarvan nie soos jy nie van rooi skakels hou nie! Groete. -- SpesBona 14:15, 16 Julie 2017 (UTC)

Hi SpesBona, die {{clr}} forseer my "Indië saadjie" na die onderkant van die bladsy waar dit hoort, nie bo tussen die artikel se teks nie.

Het jy 'n beter oplossing? Groete, --Aliwal2012 (kontak) 14:20, 16 Julie 2017 (UTC)

Soos by {{Saadjie}} direk onder die teks/Eksterne skakels. Groete. -- SpesBona 14:30, 16 Julie 2017 (UTC)

🤔

[3] K175 (kontak) 18:57, 12 Augustus 2017 (UTC)

Hi, ek het die styl wat jy toegepas het by alle koerantname, bv. Die Burger ([[Die Burger|''Die Burger'']]) teruggerol in Orania. Ons gebruik tans verkieslik die styl [[Die Burger]], wat dit reeds in blou laat uitstaan, dus is “Die Burger” oorbodig. Groete, --Aliwal2012 (kontak) 09:06, 15 Augustus 2017 (UTC)

Ok. K175 (kontak) 21:21, 16 September 2017 (UTC)

Onderwaterduik

Hi Aliwal2012, Thanks for the copyediting on Onderwaterduik. As you can tell my Afrikaans is somewhat shaky in places due to lack of exercise. Nevertheless I wanted to do what I could to provide some good content as I brought the original article to FA on en: and I have been involved in diver education for a long time. One of the problems is that there are a lot of words which for all I can find out, may not yet officially exist. Please continue to improve the prose and when you cant find the right word, invent it as you think appropriate. Feel welcome to ask me for explanations when needed. Someone has to do these things. Are you a diver? Your username suggests the possibility. Cheers, Pbsouthwood (kontak) 19:30, 5 September 2017 (UTC)

Ney, I'm a driver, not a diver! Never dived or even snorkeled (aquaphobic). My username reflects my hometown, en:Aliwal North in the NE-Cape.

Thanks for your kind words on my copyediting, hope I didn't give u too many edit conflicts last night! Regards --Aliwal2012 (kontak) 21:42, 5 September 2017 (UTC)

Oddly enough, no edit conflicts at all so far. Pbsouthwood (kontak) 07:12, 6 September 2017 (UTC)

Taalversorging

Baie baie dankie vir die taalversorging by Donald Woods - het nie besef hoeveel ek mis as ek vinnig 'n artikel deurlees nie :-/ --Slashme (kontak) 13:29, 12 September 2017 (UTC)

Altyd 'n plesier Slashme! Ek het lekker gelag oor WOODS → BOS (masjienvertaling)! Groete, --Aliwal2012 (kontak) 13:44, 12 September 2017 (UTC)

Natriumsianaat

Hallo daar!

Weereens dankie vir die hulp by natriumsianaat. Ek het eintlik semi-bewustelik die laaste paragraaf van die Engelse artikel uitgelos, want ek het 'n vae gevoel gekry dat dit dalk 'n bietjie verby die bewese wetenskap uitreik, maar het nie gister tyd gehad om dit behoorlik na te gaan nie. Maar dis nie dringend nie - wanneer ek tyd kry sal ek meer daaroor lees. --Slashme (kontak) 07:02, 20 September 2017 (UTC)

Jou ou doring

Wat doen jy in die apteek dat jou naam nou in Kategorie:Pornosterre verskyn? Winston (kontak) 19:45, 15 Oktober 2017 (UTC)

Ek is mos 'n deeltydse pompjoggie! --Aliwal2012 (kontak) 20:01, 15 Oktober 2017 (UTC)

Drie aansoeke

Goeienaand Gert! Ek hoop maar dis veilig op jou plekkie daar. Die Rugbywêreldbeker 2023 is op pad en Suid-Afrika kort nou 'n tweede Nelson Mandela! Maar ek skryf nou vir ander dinge. Ons het reeds 'n klein artikel oor die state capture-Guptafamilie, maar ons kort nog iets oor Korrupsie en Bell Pottinger. Die mense moet weet wat daar aangaan. Inhoudsvertaling met aansluitende proeflees sal genoeg wees. Dis die eerste twee dinge. Nou vra ek nog vir 'n vertaling van die laaste onvertaalde versteekte stukkie teks by Vlag van die Volksrepubliek China. Aansluitend kan ek hom vir ons voorblad nomineer. Het jy miskien tyd vir hierdie dinge en kan help? Groete. -- SpesBona 21:50, 4 November 2017 (UTC)

Regso SpesBona, maar ek gaan Maandag Bosveld toe vir 2 weke op vakansie, glo nie ek sal i/net sein kry daar nie! Ek sal probeer doen met my tuiskoms. Groete daar, --Aliwal2012 (kontak) 06:16, 5 November 2017 (UTC)

Dan kies ek maar eers die vlag, omdat dit minder werk is en die aansluitende kandidatuur vier weke neem. Die ander dinge het glo meer tyd, maar ons sien wat nou in Saoedi-Arabië gebeur! Lekkerrr vakansie. Groete. -- SpesBona 22:40, 6 November 2017 (UTC)

Dis nou jammer vir Suid-Afrika, maar Frankryk is as gasheer vir die Rugbywêreldbeker in 2023 aangewys. Maar daar gebeur tans ander interessante dinge in Suider-Afrika. ;) Groete. -- SpesBona 19:32, 21 November 2017 (UTC)

Danke Sören! --Aliwal2012 (kontak) 20:14, 21 November 2017 (UTC)