15 Februarie

15 Februarie is die 46ste dag van die jaar in die Gregoriaanse kalender. Daar volg nog 319 dae in die res van die jaar (320 in skrikkeljare).

Gebeure

• 1145 – Pous Eugenius III volg Pous Lucius II op.
• 1288 – Pous Nicolaas IV volg Pous Honorius IV op.
• 1432 – Die konsilie van Basel bevestig dat die pous ondergeskik is aan 'n konsilie.
• 1621 – Pous Gregorius XV stel sy nefie Luduvico Ludovisi aan as kardinaal.
• 1666 – Pous Alexander VII stel vier nuwe kardinale aan, waaronder Giulio Spinola, titulêr aartsbiskop van Laodicea.
• 1683 – Pietro Vito Ottoboni (later Pous Alexander VIII) word kardinaal-biskop van Frascati.
• 1775 – Pous Pius VI volg Pous Clemens XIV op as pous van die Rooms-Katolieke Kerk.
• 1798 – Opstand van die burgerlikes in Lugano, Tessin teen die aanhangers van die Napoleon se Cis-Alpin Republiek.
• 1898 – Die Amerikaanse slagskip USS Maine ontplof en sink in Havana, Kuba - 260 mense sterf in 'n tragedie wat die Spaans-Amerikaanse Oorlog teweeg bring.
• 1900 – Tweede Vryheidsoorlog: Die Beleg van Kimberley eindig.
• 1903 – Morris Michtom en sy vrou, Rose stel die eerste teddiebere bekend aan die kinders van Amerika.
• 1942 – Tweede Wêreldoorlog: Generaal Tomojoeki Jamasjita lei die Japannese magte om die sogenaamde onneembare fort (Engels: impregnable fortress) van Singapoer in te neem.
• 1961 – 'n Boeing 707 vliegtuig stort neer in België. Drie en sewentig mense sterf, onder andere al die lede van die Verenigde State se figuurskaatsspan en 'n hele paar van hul afrigters.
• 1971 – 'n Nuwe pennie wat 1/100 in plaas van 1/240 van die pond sterling is, word in die Verenigde Koninkryk op Desimaaldag beskikbaar gestel.
• 1989 – Die Sowjetunie kondig amptelik aan dat al sy troepe Afghanistan reeds verlaat het.
• 2003 – Miljoene mense die wêreld oor neem deel aan die grootste massabetoging in die geskiedenis teen oorlog oor die algemeen en spesifiek die 2003 inval in Irak.
• 2013 – Die Meteoor van Tsjeljabinsk ontplof.
• 2018 – Cyril Ramaphosa word President van Suid-Afrika.

Geboortes

• 1472 – Piero di Lorenzo de' Medici, heerser van Florence vanaf 1492 tot sy ballingskap in 1494 († 1503).
• 1564 – Galileo Galilei, Italiaanse fisikus, wiskundige, sterrekundige en filosoof († 1642).
• 1612 – Paul Chomedey de Maisonneuve, Franse leëroffisier († 1676).
• 1710 – Lodewyk XV van Frankryk, Franse koning († 1774).
• 1853 – Alfred Beit, Brits-Suid-Afrikaanse diamant- en goudmagnaat en filantroop († 1906).
• 1861 – Alfred North Whitehead, Brits-Amerikaanse filosoof, fisikus en wiskundige († 1947).
• 1907 – Cesar Romero, Kubaans-Amerikaanse akteur en komediant († 1994).
• 1919 – Frans Claerhout, Belgiesgebore Suid-Afrikaanse skilder († 2006).
• 1919 – Tim Holt, Amerikaanse akteur († 1973).
• 1922 – Herman Kahn, Amerikaanse futuris († 1983).
• 1929 – Graham Hill, Britse F1-renjaer en tweemalige wêreldkampioen († 1975).
• 1934 – Tjaart van der Walt, rektor van die Potchefstroomse Universiteit († 2019).
• 1953 – Edwin Cameron, Regter van die Konstitusionele Raad en menseregte-aktivis.
• 1953 – Prinses Mantfombi Dlamini, eggenote van koning Goodwill Zwelithini († 2021).
• 1954 – Matt Groening, Amerikaanse akteur, skrywer, en vervaardiger.
• 1957 – Dawid van Lill, Suid-Afrikaanse vasvra spesialis en skrywer.
• 1964 – Chris Farley, Amerikaanse akteur († 1997).
• 1981 – Lee-Anne Pace, Suid-Afrikaanse beroepsgholfspeler.
• 1984 – Himarsha Venkatsamy, Suid-Afrikaans-Indiese model en aktrise.
• 1998 – George Russell, Britse beroepsmotorrenjaer.

Sterftes

• 706 – Leontios, keiser van die Bisantynse Ryk (* onbekend).
• 1145 – Pous Lucius II, die 166ste pous van die Rooms-Katolieke Kerk (* onbekend).
• 1667 – Petrus Wachtendorp, die derde predikant in Suid-Afrika (* circa 1629).
• 1900 – Adrien René Franchet, Franse plantkundige (* 1834).
• 1928 – Herbert Henry Asquith, liberale Britse politikus en eerste minister (* 1852).
• 1931 – Louis Mann, Amerikaanse akteur (* 1865).
• 1965 – Nat King Cole, Amerikaanse musikant (* 1919).
• 2023 – Raquel Welch, Amerikaanse aktrise en vervaardiger (* 1940).

Vakansies, vierings en waarnemingsdae

• Marialigmis (Oostelike Christendom)