Wikipedia

Koreaanse nasionale rugbyspan

Die Suid-Koreaanse nasionale rugbyspan (Koreaans: 대한민국 럭비 유니언 국가대표팀) is die nasionale rugbyspan wat Suid-Korea in internasionale wedstryde (toetswedstryde) verteenwoordig. Rugby word in Suid-Korea geadministreer deur die Koreaanse Rugbyunie (KRU) wat in 1948 gestig is. Suid-Korea word deur Wêreldrugby as ’n vlak drie-span erken. Die Suid-Koreaanse rugbyspan is tans (Januarie 2023) 32ste op Wêreldrugby se wêreldranglys gelys.[4] Die span word as een van die sterker rugbyspanne in Asië naas Japan en Hongkong beskou en neem aan die jaarlikse Asiatiese Rugbykampioenskap deel. Suid-Korea het op gereelde grondslag na die uitspeelwedstryde van die rugbywêreldbekerkwalifisering deurgedring.

Korea
Kenteken van die Koreaanse nasionale rugbyspan.png
Unie Koreaanse Rugbyunie (KRU)
Embleem die Roos van Saron
Stadion Incheon Namdong Asiad-rugbyveld, Incheon
Kapasiteit 4 968
Afrigter(s) Vlag van Suid-Korea Lee Myung Geun
Kaptein(s) Kim Jeong-Min
Spankleure
Alt. kleure
Statistiek
Meeste toetse Nick Hewson (58)[1]
Meeste toetspunte Oh-youn Hyung (39)[2]
Meeste drieë Rowan Varty (24)[3]
Eerste internasionale wedstryd
Vlag van Republiek van China Taiwan 15–9 Korea Vlag van Suid-Korea
(1934)
Grootste oorwinning
Vlag van Suid-Korea Korea 135–3 Vlag van Maleisië Maleisië
(20 September 1992)
Grootste nederlaag
Vlag van Tonga Tonga 119–0 Korea Vlag van Suid-Korea
(22 Maart 2003)
Amptelike webwerf
www.rugby.or.kr

Die Suid-Koreaanse span het hul hoogtepunt in die tagtigerjare bereik, toe hulle drie opeenvolgende Asiatiese Rugbykampioenskaptoernooie gewen het (en ook ’n volsterkte Japan verslaan het), en selfs daarin geslaag het om in ’n toetswedstryd teen die Wallabies te speel. Korea het die uitspeelwedstryd van die kwalifisering vir die rugbywêreldbekertoernooie in 1999, 2003 en 2007 bereik, maar is telkens deur Tonga uitgeskakel. Hulle kon ook nie kwalifiseer vir die rugbywêreldbekertoernooie van 2011, 2015, 2019 of 2023 nie.

BeheerliggaamWysig

Die hoofartikel vir hierdie afdeling is: Koreaanse Rugbyunie.

Die beheerliggaam vir rugby in Suid-Korea is die Koreaanse Rugbyunie (KRU). Die KRU is in 1948 gestig en het in 1988 by die Internasionale Rugbyraad (IRR, nou Wêreldrugby) aangesluit.[5] Daarbenewens het die KRU in 1968 ’n stigtingslid van die Asiatiese Rugbyvoetbalunie (Engels: Rugby Football Union, ARFU; nou Asian Rugby) geword.[6]

Naas die amptelike nasionale span roep die KRU ook ander keurspanne byeen. Nes ander rugbynasies beskik Suidkorea oor ’n o/20-nasionale span wat aan die Europese en Wêreldrugby o/20-kampioenskap deelneem.[7] Die Korea Sevens is die Hongkongse sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker en Olimpiese Somerspele deel. Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting.

GeskiedenisWysig

 
Japan teen Korea tydens die Asiatiese Rugbykampioenskap in 2016

Dit is onbekend wanneer rugby vir die eerste keer in Korea gespeel is. Gedurende die middel-19de eeu het Europese seemanne van die vroegste rugbywedstryde in Noordoos-Asiatiese hawestede soos Shanghai en Yokohama in die buurlande China en Japan gespeel, maar dit is onbekend wanneer dit in Korea begin het.

Korea was deur Japan beset, die vernaamste rugbynasie in Asië, en rugby is glo in die middel-20ste eeu deur Japan na Korea gebring. Suid-Korea handhaaf tot vandag toe ’n sterk rugbymededinging teen Japan.[8]

Ná die Tweede Wêreldoorlog, en later, gedurende die Korea-oorlog, het die groot instroming van troepe uit die lande van die Britse Statebond die sport se teenwoordigheid versterk.[8] Sedertdien word rugby in Suid-Korea veral deur die weermag gespeel.[8]

Suid-Koreaanse rugby het egter ook ’n tweede hupstoot gekry. Die sterk groei van dié land se ekonomie sedert die 1960’s het tot ’n sterk samewerking tussen Japannese en Suid-Koreaanse maatskappye gelei, en dit het die voormalige oorheersing van die weermag in rugby beëindig.[8] In 1968 was Suid-Korea een van Asiatiese Rugbyvoetbalunie se stigterslede; die ander was Japan, Hongkong, Maleisië, Singapoer, Sri Lanka en Thailand.[6]

Suid-Korea het probeer om van rugby weer ’n Olimpiese sport te maak, toe hulle die Olimpiese Somerspele 1988 in Seoel aangebied het.[9] Roh Tae-woo, die destydse Suid-Koreaanse president, was ’n voorstander van dié idee.[10] Suid-Korea het na vore gekom as ’n belangrike rugbynasie in Asië nadat hulle die Asiatiese kampioenskap in 1990 kon wen.[8]

RekordsWysig

Algehele rekordWysig

Suid-Korea het 95 van sy 155 toetswedstryde gewen, ’n wenrekord van 61,29%. Suid-Korea se statistieke in toetswedstryde teen alle lande, in alfabetiese volgorde, is soos volg (korrek in Januarie 2023)[11]

Teen Gespeel Gewen Verloor Gelykop % Gewen
  Arabië 3 1 2 0 33,33
  Australië 1 0 1 0 0,00
  Chili 2 1 1 0 50,00
  Filippyne 3 3 0 0 100
  Hongkong 34 16 18 0 47,05
  Japan 41 7 33 1 18,29
  Kasakstan 5 3 2 0 60,00
  Maleisië 12 12 0 0 100
  Nederland 2 1 1 0 50,00
  Nieu-Seelandse Universiteitspan 1 0 1 0 0,00
  Taiwan 14 14 0 0 100
  Samoa 1 0 1 0 0,00
  Singapoer 8 7 1 0 87,50
  Sri Lanka 9 9 0 0 100
  Thailand 10 8 1 1 85
  Tonga 6 0 6 0 0,00
  Verenigde Arabiese Emirate 2 2 0 0 100
  Volksrepubliek China 1 1 0 0 100
Algeheel 155 95 68 2 61,29

WêreldbekerrekordWysig

Jaar Uitslag
1987 Nie genooi nie
1991 Nie gekwalifiseer nie
1995 Nie gekwalifiseer nie
1999 Nie gekwalifiseer nie
2003 Nie gekwalifiseer nie
2007 Nie gekwalifiseer nie
2011 Nie gekwalifiseer nie
2015 Nie gekwalifiseer nie
2019 Nie gekwalifiseer nie
2027 N.v.t.
2031 N.v.t.

Asiatiese RugbykampioenskappeWysig

Die Koreaanse nasionale rugbyspan neem sedert 1969 aan die Asiatiese Rugbykampioenskap deel en het sedertdien vier titels gewen.

  • Toernooititels (4): 1986, 1988, 1990, 2002

SpelersWysig

Huidige spanWysig

Die volgende spelers het Korea se span tydens die Asiatiese Rugbykampioenskap 2015 gevorm:

Agterspelers

Speler Posisie Klub
Shin Ki-chul Skrumskakel POSCO
Lee Myung-jun Skrumskakel KAFAC
Park Wan-young Skrumskakel KEPCO
Lee Eu-dum Losskakel POSCO
Lee Eu-tteum Losskakel POSCO
Oh Youn-hyung Losskakel KEPCO
Jegal Bin Senter Urayasu D-Rocks
Kim Nam-uk Senter KEPCO
Kim Sung-soo Senter KEPCO
Kim Gwong-min Vleuel KEPCO
Park Han-gyul Vleuel Koreaanse Rugbyunie
Chang Yong-heung Vleuel Yonsei-universiteit
Jang Seong-min Heelagter KAFAC
Nam Young-soo Heelagter KAFAC

Voorspelers

Speler Posisie Klub Toetswedstryde
Kim Jeep Haker KAFAC
Na Kwan-young Haker KAFAC
Kim Min-kyu Haker KAFAC
Shin Dong-won Stut Kintetsu Liners
Son Young-ki Stut POSCO
Kim Kwang-sik Stut Mie Honda Heat
Koo Ji-Won Stut Sunwolves
Park Sung-ku Stut Kubota Spears Funabashi Tokyo Bay
Kim Ho-bum Slot Kubota Spears Funabashi Tokyo Bay
Han Kun-kyu Slot KEPCO
Youn Kwon-woo Slot Yokogawa Musashino Atlastars
Jang Seok-hwan Slot KAFAC
Park Soon-chai Slot NTT DoCoMo Red Hurricanes Osaka
Kim Hyun-soo Losvoorspeler KEPCO
Yun Il-han Losvoorspeler Dankook-universiteit
Hwan In-jo Losvoorspeler KEPCO
Kim Jeong-min   Losvoorspeler KEPCO
Son Min-su Losvoorspeler Kyung-Hee-universiteit
Lee Young-seung Agsteman Hino Red Dolphins

VerwysingsWysig

  1. ↑ (en) "Most matches". ESPNscrum. Besoek op 8 Januarie 2023.
  2. ↑ (en) "Most points". ESPNscrum. Besoek op 8 Januarie 2023.
  3. ↑ (en) "Most tries". ESPNscrum. Besoek op 8 Januarie 2023.
  4. ↑ (en) "World Rugby Rankings". Wêreldrugby. Besoek op 8 Januarie 2023.
  5. ↑ (en) "Korea". Wêreldrugby. Besoek op 8 Januarie 2023.
  6. ↑ 6,0 6,1 (en) "Korea Rugby Union". Asia Rugby. Besoek op 8 Januarie 2023.
  7. ↑ (en) "World Rugby U20 Championship". Wêreldrugby. Besoek op 8 Januarie 2023.
  8. ↑ 8,0 8,1 8,2 8,3 8,4 (en) Richard Bath (1997). The Complete Book of Rugby. Seven Oaks Ltd. p. 70. ISBN 1-86200-013-1.
  9. ↑ (en) "Rugby at the 1924 Olympics". Wesclark. Besoek op 8 Januarie 2023.
  10. ↑ (en) "Famous Ruggers by Wes Clark and others". Wesclark. Besoek op 8 Januarie 2023.
  11. ↑ (en) "International Rugby Union Statistics – Korea". ESPNscrum. Besoek op 31 Desember 2019.

Verdere leesstofWysig

  • (en) Huw Richards (2007). A Game for Hooligans: The History of Rugby Union. Edinburg: Mainstream Publishing. ISBN 978-1-84596-255-5.
  • (en) Richard Bath (1997). The Complete Book of Rugby. Seven Oaks. ISBN 1-86200-013-1.

Eksterne skakelsWysig

Ontsluit van "https://af.wikipedia.org/w/index.php?title=Koreaanse_nasionale_rugbyspan&oldid=2564861"