Maak hoofkeuseskerm oop

Strandlopers en snippe

(Aangestuur vanaf Scolopacidae)

Die strandlopers en snippe (Scolopacidae) is 'n familie van voëls in die orde van steltloperagtiges (Charadriiformes). Die familie omvat 93 spesies.[1]

Scolopacidae
Calidris-alpina-001 edit.jpg
Calidris alpina
Wetenskaplike klassifikasie
Domein:
Koninkryk:
Filum:
Klas:
Subklas:
Infraklas:
Orde:
Suborde:
Scolopaci
Familie:
Scolopacidae

Genera


Die naam strandloper word gebruik vir 'n verskeidenheid voëls van die families Charadriidae en Scolopacidae van die waadvoëls (orde Charadriiformes). By die familie Charadriidae is die snawel korter of net so lank as die kop en by die familie Scolopacidae is dit langer as die kop.

Strandlopers word byna altyd langs mere, panne, vleie en moerasse aangetref, waar hulle op moddervlaktes of in vlak water na insekte, kreefagtiges, slakkies, ensovoorts, soek. Die relatief lang snawel is 'n aanpassing by hierdie leefwyse en ook die voete is aangepas om op modder te loop. Die meeste Suid-Afrikaanse strandlopers is trekvoëls wat in die Noordelike Halfrond broei en in die winter (Noordelike Halfrond) na die suide trek.

Voëls in die familie het 'n lang liggaam met lang bene en smal vlerke. Die meeste spesies het 'n smal snawel, maar andersins is die vorm en lengte van die snawel baie veranderlik. Hulle is klein tot mediumgrootte voëls, ongeveer 12–66 cm in lengte.

Die voëls se snawels is sensitief, sodat hulle in die modder en sand vir kos kan rond voel. Hulle het gewoonlik vaal vere, met kriptiese bruin, grys, of gestreepte patrone, hoewel sommige met helder kleure in die broeiseisoen pronk.[2]

TaksonomieWysig

Sien ookWysig

VerwysingsWysig

  1. Gill, F., Wright, M. & Donsker, D. (2010). IOC World Bird Names (weergawe 2.6). (en)
  2. Harrison, Colin J.O. (1991). Forshaw, Joseph (red.). Encyclopaedia of Animals: Birds. London: Merehurst Press. pp. 103–105. ISBN 1-85391-186-0.