17 Januarie

17 Januarie is die sewentiende dag van die jaar in die Gregoriaanse kalender. Daar volg nog 348 dae in die res van die jaar (349 in skrikkeljare).

Gebeure

• 1566 – Pous Pius V word gekroon deur kardinaal Giulio Feltrio della Rovere.
• 1735 – Pous Clemens XII stel Giuseppe Spinelli, aartsbiskop van Napels aan as kardinaal.
• 1800 – Opstand van rojaliste in La Vendée, Frankryk.
• 1803 – Pous Pius VII stel sewe nuwe kardinale aan waaronder Jean-de-Dieu-Raymond de Boisgelin de Cucé, aartsbiskop van Tours, Frankryk.
• 1840 – Die Republiek van die Rio Grande verklaar onafhanklikheid van Meksiko.
• 1852 – Die Sandrivierkonvensie, waarvolgens Brittanje alle aansprake op mag anderkant die Vaalriver prysgee, word geteken.
• 1904 – Die laerliggende dele van Bloemfontein word na 'n hewige donderbui deur die Bloemspruit oorstroom. Sestig mense sterf en honderde is dakloos gelaat.
• 1934 – Jacobus Jonker, ’n delwer op die plaas Elandsfontein naby Pretoria, vind die vierde grootste diamant tot nog toe (ongeslyp 726 karaat), die Jonker-diamant.
• 1946 – Die Sekuriteitsraad van die Verenigde Nasies vergader vir die eerste keer in Church House in Londen.
• 1961 – Patrice Lumumba, die voormalige premier van die Demokratiese Republiek van die Kongo, sterf in 'n sluipmoordaanval in Katanga.
• 1991 – Irak: Operasie Desert Storm begin.
• 1994 – Die Northridge-aardbewing skud die Amerikaanse stad Los Angeles, Kalifornië op Martin-Luther-King-dag.
• 1995 – Groot Hansjin-aardbewing: 'n Aardbewing wat 7,2 op die Richterskaal registreer, vind naby Kobe, Japan, plaas met meer as 6 000 dood en meer as $100 miljard se skade aan eiendom.
• 2002 – Demokratiese Republiek van die Kongo: Die vulkaan Nyiragongo kom tot uitbarsting.

Geboortes

• 1463 – Frederik III van Sakse, Keurvors van Sakse († 1525).
• 1504 – Antonio Ghislieri (later Pous Pius V) († 1572).
• 1600 – Pedro Calderón de la Barca, Spaanse dramaturg († 1681).
• 1637 – Robert Fludd, Britse-natuurkundige, astroloog en mistikus († 1637).
• 1706 – Benjamin Franklin, Amerikaanse politikus en wetenskaplike († 1790).
• 1820 – Anne Brontë, Engelse skryfster (* 1849).
• 1834 – August Weismann, bioloog, grondlegger van erflikheidsleer († 1914).
• 1835 – Jan Ferguut, Vlaamse digter en skrywer († 1902).
• 1895 – Henning Klopper, Suid-Afrikaanse taalstryder († 1985).
• 1899 – Al Capone, Amerika se bekendste Chicago-gangster († 1947).
• 1922 – Betty White, Amerikaanse aktrise en sangeres († 2021).
• 1923 – Hannah Botha, Afrikaanse aktrise († 2007).
• 1927 – Solly Ozrovech, predikant en skrywer van Christelike boeke († 2015).
• 1927 – Eartha Kitt, Amerikaanse sangeres, danseres en aktrise († 2008).
• 1931 – James Earl Jones, Amerikaanse akteur († 2024).
• 1933 – Dalida, Franse sangeres en aktrise († 1987).
• 1940 – Tabaré Vázquez, Uruguaanse politikus en staatsman, president van Uruguay († 2020).
• 1942 – Muhammad Ali, voormalige Amerikaanse bokser en swaargewigwêreldkampioen († 2016).
• 1948 – Mick Taylor, Britse sanger en liedjieskrywer (The Rolling Stones).
• 1957 – Susanna Hoffs, Amerikaanse sangeres (The Bangles).
• 1962 – Jim Carrey, Amerikaanse akteur.
• 1964 – Michelle Obama, voormalige Amerikaanse presidentsvrou.
• 1968 – Ilja Leonard Pfeijffer, Nederlandse digter, romansier, polemikus en klassikus.
• 1978 – Mandoza, Suid-Afrikaanse kwaito-musikant († 2016).
• 1986 – Max Adler, Amerikaanse akteur en vervaardiger.

Sterftes

• 395 – Theodosius I, keiser van die Romeinse Ryk (* 347).
• 1598 – Fjodor I van Rusland, tsaar van Rusland (* 1557).
• 1751 – Tomaso Albinoni, Venesiese komponis (* 1671).
• 1893 – Rutherford B. Hayes, Amerikaanse staatsman, president van die Verenigde State (* 1822).
• 1900 – Ds. Philip Snyman, predikant in twee gemeentes van die Gereformeerde Kerk (* 1859).
• 1931 – Groothertog Pieter Nikolajewitsj van Rusland, seun van groothertog Nikolaas Nikolajewitsj van Rusland (* 1864).
• 1942 – Walter von Reichenau, veldmaarskalk in die Duitse Leër (* 1884).
• 1961 – Patrice Lumumba, Kongolese staatsman, premier van die Demokratiese Republiek van die Kongo (* 1925).
• 1962 – Gerrit Achterberg, Nederlandse digter (* 1905).
• 1997 – Clyde Tombaugh, Amerikaanse sterrekundige wat Pluto ontdek het (* 1906).
• 1991 – Olaf V van Noorweë (* 1903).
• 2005 – Virginia Mayo, Amerikaanse aktrise (* 1920).
• 2005 – Zhao Ziyang, Chinese politikus, premier van die Volksrepubliek China (* 1919).
• 2008 – Bobby Fischer, Amerikaanse skaakspeler (* 1943).
• 2012 – Johnny Otis, Amerikaanse sanger en liedjieskrywer (* 1921).
• 2018 – Roy Bennett, Zimbabwiese politikus (* 1957).
• 2023 – Sandra Seacat, Amerikaanse aktrise en leermeesteres (* 1936).