22 November

22 November is die 326ste dag van die jaar in die Gregoriaanse kalender (327ste in skrikkeljare). Daar volg nog 39 dae in die res van die jaar.

Die Afrikaanse Wikipedia word geskep.

Sluipmoord op J.F. Kennedy

Gebeure

• 498 – Pous Simmachus volg Pous Anastasius II.
• 498 – Teenpous Laurentius word verkies.
• 545 – Pous Vigilius vertrek na Konstantinopel.
• 1184 – Pous Lucius III stel die Cisterciënser monnike vry van belasting.
• 1220 – Pous Honorius III kroon Frederik II tot keiser van die Heilige Romeinse Ryk.
• 1307 – Pous Clemens V laat alle Tempeliers in Europa arresteer.
• 1718 – Die Engelse seerower Edward Teach (beter bekend as Blackbeard) sterf aan die kus van Noord-Carolina in 'n seeslag met die Britse skip HMS Pearl.
• 1720 – Lorenzo Corsini (later Pous Clemens XII) word prefek van die Tribunaal van die Apostoliese Signatura.
• 1899 – Anglo-Boereoorlog: die tweedaagse Slag van Willow Grange vind in Natal plaas.
• 1900 – Pres. Paul Kruger kom aan boord van die Gelderland in Marseille, Frankryk, aan.
• 1975 – Juan Carlos word koning van Spanje ná die afsterwe van Francisco Franco.
• 2003 – Engeland klop Australië in die eindstryd met 20–17 en wen sodoende die vyfde Rugbywêreldbeker in Australië.

Geboortes

• 1579 – Johannes Stalpaert van der Wiele, Nederlandse priester, skrywer en digter († 1630).
• 1709 – Franz Benda, violis en komponis van Boheme († 1786).
• 1710 – Wilhelm Friedemann Bach, Duitse komponis († 1784).
• 1812 – Jan Renier Snieders, Vlaamse skrywer en broer van August Snieders († 1888).
• 1819 – George Eliot (pennaam van Mary Anne Evans), Engelse skrywer, joernalis en vertaler († 1880).
• 1890 – Charles de Gaulle, Franse militêre generaal en staatsman († 1970).
• 1891 – Edward Bernays, Amerikaanse teoretikus, beskou as 'n pionier op die gebied van openbare betrekkinge en propaganda. († 1995).
• 1901 – Joaquín Rodrigo, Spaanse komponis († 1999).
• 1930 – Owen K. Garriott, Amerikaanse ingenieur en ruimtevaarder († 2019).
• 1957 – Alan Stern, Amerikaanse planetêre wetenskaplike en deel van die New Horizons-projek.
• 1961 – Stephen Hough, Britsgebore Australiese klassieke pianis, komponis en skrywer.
• 1984 – Scarlett Johansson, Amerikaanse aktrise.
• 1986 – Oscar Pistorius, Suid-Afrikaanse paralimpiese atleet, veroordeelde moordenaar.
• 1996 – Madison Davenport, Amerikaanse aktrise.
• 2000 – Auliʻi Cravalho, Amerikaanse rolprentaktrise.

Sterftes

• 365 – Teenpous Felix II (* onbekend).
• 1617 – Ahmet I, sultan van die Ottomaanse Ryk (* 1590).
• 1718 – Edward Teach, ook bekend as Swartbaard, Engelse seerower (* 1680).
• 1907 – Asaph Hall, Amerikaanse sterrekundige en ontdekker van Fobos en Deimos (* 1829).
• 1924 – Herman Heijermans, Nederlandse skrywer (* 1864).
• 1963 – John F. Kennedy, 35ste President van die Verenigde State (* 1917).
• 1963 – C.S. Lewis, Britse skrywer (* 1898).
• 1963 – Aldous Huxley, Engels-Amerikaanse skrywer en digter (* 1917).
• 1980 – Mae West, Amerikaanse aktrise en draaiboekskrywer (* 1893).
• 1988 – Raymond Dart, Australies-gebore Suid-Afrikaanse professor en een van die wêreld se voorste antropoloë (* 1893).
• 1989 – Lt-genl Nicolaas Johan Nieuwoudt, geneesheer-generaal en bevelvoerder van die Suid-Afrikaanse Geneeskundige Diens van 1977–1988 (* 1929).
• 1993 – Anthony Burgess, Britse skrywer (* 1917).
• 1997 – Michael Hutchence, Australiese sanger (* 1960).
• 1998 – Harlan Parker Banks, Amerikaanse paleobotanis (* 1913).
• 2007 – Maurice Béjart, Franse choreograaf (* 1927).
• 2015 – Kim Young-sam, Suid-Koreaanse politikus en sewende president van dié land (* 1927).