Olimpiese Winterspele 2022

Die artikel beskryf ’n sportgebeurtenis wat in die toekoms gaan plaasvind.
Die inligting is moontlik spekulatief en kan vinnig verander soos data beskikbaar raak.

XXIVe Olimpiese Winterspele

Gehou in	Beijing, China
Deelnemende lande	95
Deelnemende atlete
Items	109 in 7 sporte
Openingseremonie	4 Februarie 2022
Sluitingseremonie	20 Februarie 2022
Amptelik geopen deur	President Xi Jinping (verwag)
Atlete-eed
Beampte-eed
Olimpiese vlam
Vorige Spele	2018: Pyeongchang (Suid-Korea)
Volgende Spele	2026: Milaan/Cortina d'Ampezzo (Italië)

Die Olimpiese Winterspele 2022 (Chinees: 第二十四届冬季奥林匹克运动会; pinyin: Dì Èrshísì Jiè Dōngjì Àolínpǐkè Yùndònghuì), amptelik bekend as die XXIVste Olimpiese Winterspele, sal tussen 4 en 20 Februarie 2022 in Beijing, China, aangebied word.^[1]

Die Nasionale Stadion van Beijing

Beijing sal daarmee die eerste stad word wat beide die Olimpiese Somerspele en Olimpiese Winterspele sal hou. Verder sal dit ná Pyeongchang (2018) en Tokio (2020) die derde agtereenvolgende Olimpiese Spele wees, wat in 'n Asiatiese stad aangebied word. Daarbenewens sal Beijing ná Sapporo (1972), Nagano (1998) en Pyeongchang (2018) die vierde Asiatiese stad word, waar Olimpiese Winterspele gehou word.

Die opening- en sluitingseremonies sal in die Beijing Nasionale Stadion plaasvind. Soos gebruiklik sal die lande in alfabetiese volgorde die stadion instap met Griekeland die eerste en die gasheer die Volksrepubliek China die laaste, maar aangesien die plaaslike taal Chinees is, sal dié taal se alfabet gebruik word om die volgorde te bepaal.

Die Paralimpiese Winterspele 2022 sal tussen 4 en 13 Maart in Beijing gehou word.

Inhoud

ToewysingWysig

Setel van die Chinese bod-komitee

Logo van die Chinese bod vir die Olimpiese Winterspele 2022

Beijing is op 31 Julie 2015 in Kuala Lumpur deur die Internasionale Olimpiese Komitee gekies as die gasheer vir die Olimpiese Winterspele in 2022. Die enigste ander kandidaat was Almati.

Die stemming het as volg verloop:

Stemming vir gasheer van die Olimpiese Winterspele 2022^[2]
Stad	Land	Rondte 1
Beijing	Volksrepubliek China	44
Almati	Kasakstan	40

SportplekkeWysig

BeijingWysig

Kaart van die sportplekke

Die Olimpiese swembad met die Nasionale Stadion in die agtergrond

Die Beijing Nasionale Binnestadion

Olimpiese groenplekke

Beijing Nasionale watersportsentrum – ysbal / 4 000 bestaan/opgeknap
Beijing Nasionale Binnestadion – yshokkie / 18 000 bestaan
Beijing Nasionale Stadion – opening- en sluitingseremonies / 80 000 bestaan
Beijing Olimpiese Winterdorp – nuut
Nasionale langbaanskaatsovaal – langbaanskaats / 12 000 nuut
China Nasionale Vergaderingsentrum – Internasionale Uitsendingsentrum / bestaan

Ander plekke

Hoofstedelike Binnestadion – kunsskaats, kortbaanskaats / 15 000 bestaan
Wukesong Sportsentrum – yshokkie / 10 000 bestaan
Shijingshan-distrik – sneeuplankry (Big Air), vryski (Big Air) – n.v.t.^[3]^[4] nuut

YanqingWysig

Xiaohaituo Alpeskiveld – alpeski 15 000
Xiaohaituo bobslee, skeleton en rodelbaan – bobslee, skeleton, rodel / 5 000 nuut
Yanqing MMC: Internasionale Uitsendingsentrum
Yanqing Olimpiese dorp / nuut

ZhangjiakouWysig

Kuyangshu Nordiese en Tweekampsentrum – Heg-en-steg-ski, Noorse kombinasie (Heg-en-steg-ski) 15 000
Kuyangshu Ski Jumping Field – skansspring, Noorse kombinasie (skansspring) 10 000
Hualindong Ski Resort – tweekamp 15 000
Genting Hotel – Internasionale Uitsendingsentrum
Genting Sneeupark – sneeuplankry (hellingstyl, halfpipe), vryski 5 000
Taiwu Ski Resort – sneeuplankry (kruispad), vryski 10 000
Wanlong Ski Resort – sneeuplankry (parallele slalom) 5 000
Zhangjiakou Olimpiese dorp