T.T. Spoelstra

Ds. Tjibbe Thomas Spoelstra (13 April 1900 – 28 Augustus 1987) was van 1925 tot 1965 predikant in vier gemeentes van die Gereformeerde Kerke in Suid-Afrika, naamlik Gereformeerde kerk Johannesburg-Oos (1925–1927), Petrusburg (in kombinasie, 1927–1941), Pretoria-Oos (1950–1958) en Pretoria-Sunnyside (1958–1965). Hy was die eerste predikant van beide Johannesburg-Oos en Pretoria-Sunnyside. Van al vier sy werkkringe bestaan nog net Petrusburg nadat al drie die ander ontbind het. Van 1941 tot 1949 was hy sekretaris-penningmeester van die Administratiewe Buro op Potchefstroom.

Ds. Tjibbe Thomas Spoelstra
Ds. T.T. Spoelstra
Naam	Tjibbe Thomas Spoelstra
Geboorte	13 April 1900
Sterfte	28 Augustus 1987 (op 87)
Kerkverband	Gereformeerd
Gemeente(s)	Johannesburg-Oos, 1925–1927 Petrusburg, 1927–1941 Pretoria-Oos, 1950–1958 Pretoria-Sunnyside, 1958–1965
Jare aktief	1927–1965
Kweekskool	Potchefstroom

Di. J.V. Coetzee en T.T. Spoelstra.

Herkoms en opleiding

H.G. Stoker (links) en T.T. Spoelstra (middel) in gesprek met 'n medestudent in die teologie, Potchefstroom, omstreeks 1922.

Die Potchefstroomse Studentekorps Veritas Vincet. 1e ry: A.J.H. van der Walt, H.G. Schultze, T.T. Spoelstra, P.J.S de Klerk, J. Lugtenburg, M.J. Coetsee, J.C. van Rooy, Gilland. 2de ry: H.J. Venter, W. Postma, W.J. Snyman, A. Duvenage, N.K. Steyn, N. van der Walt, Frans du Toit. 3de ry: D. Los, W. de K. Kruger, C.W.M. du Toit. 4de ry: J. Aucamp.

Personeel en kuratorium van die Hammanskraalse Teologiese Skool, 1963. Voor: Di L.J. Botha (rektor), T.T. Spoelstra (voorsitter) en H.S. Pelser (skriba). Agter: Di. P.J. Coetzee (administrasie), J.L. Helberg (dosent), dr. J.A. Schutte (kurator), G.H.J. Kruger (kurator) en H.F.V. Kruger (visevoorsitter).

Ds. Spoelstra is tydens die Driejarige Oorlog gebore en het ná laerskoolopleiding deur sy vader ('n onderwyser) gematrikuleer aan die Hoërskool Gimnasium te Potchefstroom en sy teologiese studies in 1924 voltooi.

Gemeentebediening

Ds. Spoelstra is in 1925 in sy eerste gemeente, Johannesburg-Oos, bevestig. Omdat predikante destyds skaars was en die jong gemeente net 250 belydende lidmate gehad het, wat nie tot die gegoede stand behoort het nie, was die gemeente in kombinasie met Bethal in Oos-Transvaal, wat ook die verre Swaziland ingesluit het.

Sy tweede werkkring was minder uitgestrek, want in 1927 is hy bevestig as leraar van die kombinasie Petrusburg/Boshof. In 1941 is hy aangestel as sekretaris-penningmeester van die Administratiewe Buro op Potchefstroom, maar in 1950 keer hy terug na die bediening as leraar van Pretoria-Oos, nadat hy in 1949 enkele maande lank die lidmate van die Gereformeerde kerk Eldoret in Kenia bedien het. In dié tyd was hy grondlegger van die Gereformeerde Stigting. In 1958 was hy weer ’n gemeente se eerste leraar, dié keer van Pretoria-Sunnyside, wat in daardie jaar van Pretoria-Sunnyside afgestig het.

Voor hy in 1972 finaal afgetree het, was ds. Spoelstra ook nog van 1965 af sekretaris-penningmeester en later registrateur van die Hammanskraalse Teologiese Skool.

Breër betrokkenheid

Tydens sy lang bediening het ds. Spoelstra in baie deputategroepe gedien en 'n leidende rol in die kerkverband gespeel. Hy was al in 1930 kurator van die Teologiese Skool Potchefstroom waar hy bykans 35 jaar getroue en vrugbare diens gelewer het. In 1961 het hy die voorsitter geword van die eerste kuratorium van die Hammanskraalse Teologiese Skool. Hy was twee maal voorsitter van die Nasionale Sinode, waarvoor hy uitmuntend toegerus was (hy was geskool in die kerkreg en o.m. medeskrywer van 'n verklaring van die Kerkorde), volgens ds. De Vos.

Op die breëre maatskaplike terrein het hy nie lyf weggesteek nie en was hy (om maar 'n voorbeeld te noem) raadslid en later burgemeester van Potchefstroom. Dit was juis toe dat deur sy bemiddeling die grond waarop die Teologiese Skool vandag staan, van die Raad verkry is.

Huwelikslewe

Ds. Spoelstra is trou bygestaan deur sy vrou, Hester Sophia, gebore Van der Walt, met wie hy op 15 Desember 1925 getroud is. Uit die huwelik is sewe kinders gebore en die nageslag het tydens sy afsterwe reeds 32 kleinkinders en 11 agterkleinkinders getel.

Ds. Spoelstra het die laaste 15 jaar van sy lewe op Potgietersrus gewoon, waar die predikante en gemeentes oorvloedig kon put uit sy rype ervaring en ryke skat van kennis.

Waardering

Ds. W. de Vos noem ds. Spoelstra in sy lewensberig in die 1989-uitgawe van die GKSA se Almanak ’n "begaafde" en "’n merkwaardige, geëerde en begenadigde dienaar van die Here" en sê dit is onmoontlik om "waarlik reg te laat geskied" aan die "geweldige omvang van sy onbaatsugtige diens en gróót bydrae in belang van die kerk en die koninkryk van God" in die beperkte ruimte tot sy beskikking.

"Almal wat hom geken het," vervolg ds. De Vos, "spreek van hom met die grootste liefde, eerbied en respek."

Galery

• 
  Ds. Spoelstra in 1926 op huisbesoek te Rolspruit, Bethal. Hy het die Gereformeerde kerk Bethal van 1925 tot 1927 in kombinasie met Johannesburg-Oos bedien.
• 
  1927: Die Algemene Sinode van die GKSA op Reddersburg. 1ste ry: D. Rumpff, N.H. van der Walt, J.G.H. van der Walt, prof. J.A. du Plessis, prof. C.J.H. de Wet, T. Hamersma, L.P Vorster, J.A. van Rooy, H.P.J. Pasch. 2de ry: H.S. van Jaarsveld, H. Venter, F.P.J. Snyman, J.C. van der Walt, D.G Venter, C.W.M. du Toit, I.D Krüger, H.J.R. du Plessis. 3de ry: J.V. Coetzee, G.H.J. Kruger, E.L.J. Venter, D. Postma, D.P. du Plessis, A.S.E Yssel, D.N. Kotze. 4de ry: J.H. Boneschans, T.T. Spoelstra, W.J. Postma, W.J. Snyman, A. Duvenage, P.J.S. de Klerk, B.J. de Klerk.
• 
  1930: Die Algemene Sinode van die GKSA in sitting op Burgersdorp. 1e ry: S. van der Walt, Jacs van Rooy. 2de ry: Dr. E. Venter, J.C. van der Walt, H.J. Venter, J.G.H. van der Walt, G.H.J. Kruger, W.J. Postma, W.J. Snyman, Dirk Postma, D.N. Kotzé, J.H. Boneschans, A. Duvenage. 3de ry: H.P.J. Pasch, N.H. van der Walt, W.J. de Klerk, T. Hamersma, J.A. van Rooy, J.V. Coetzee, D.P. du Plessis, H.S. van Jaarsveld en D.G. Venter. 4de ry: H. du Plessis, A.S.E. Yssel, J.P. Jooste, A. Postma, I.D. Krüger, W.F. Venter, T.T. Spoelstra, F.P.J. Snyman, dr. P.J.S. de Klerk, prof. J.A. du Plessis, H.J.R. du Plessis, Derk Rumpff.
• 
  1933: Die Algemene Sinode van die GKSA in sitting Pretoria, afgeneem op die trap van die Uniegebou. Eerste ry: A. Postma, P.G.W. Snyman, Derk Rumpff, J.G.H. van der Walt, I.D. Krüger, prof. J.C. Coetzee, T.T. Spoelstra, A.S.E. Yssel, D.N. Kotzé, W.J. Postma, J.P. van den Berg, I.J. van der Walt. Tweede ry: H.F.V. Kruger, J.H. Boneschans, J.M. de Wet. Tweede ry: W.J. de Klerk, P.J.S. de Klerk, B.J. de Klerk, B. de Klerk, S.J. van der Walt, L.S. van der Walt, J. Schutte, N.H. van der Walt, E.I.J. Venter, H.S. van Jaarsveld, H.J. Venter, D.G Venter, J.V. Coetzee. Vierde ry: J. van Rooy, A. Aucamp, H.P.J. Pasch. Vyfde ry: J.A. van Rooy, J.H. Kruger, G.H.J. Kruger, W.F. Venter, I.J. Lessing, J.B. du Plessis, S.P. van der Walt, J.P. Jooste, J.L. de Bruin, S. du Toit, D.P. du Plessis, F.P.J. Snyman.
• 
  Die Nasionale Sinode van die GKSA van 1939 voor die Vrouemonument in Bloemfontein. Eerste ry: H.S. van Jaarsveld, F.N. Lion Cachet, W.J. Postma, B. de Klerk, H.J. Venter, J. van Rooy, P.W. van der Walt, P.G.W. Snyman. Tweede ry: N.H. van der Walt, J.G.H. van der Walt, D. Postma, dr. J.D. Du Toit, J.A. van Rooy, dr. C.J.H de Wet, dr. S.O. Los, dr. J.P. Jooste, J.V. Coetzee, I.D Kruger, J.C. van der Walt. Derde ry: J.P. van der Berg, G.H.J. Kruger, A.L Aucamp, M. Postma, J.M. de Wet, I.J. Lessing. Vierde ry: Jacs van Rooy, J.L. de Bruin, J.A. Schutte, A. Postma, E.L.J. Venter, D.G. Venter, J.L. Vorster, T.T. Spoelstra, Derk Rumpff, H. du Plessis. Vyfde ry: dr. B.J. de Klerk, P.J. de Klerk, J.J. Venter, J.H. Boneschans, L.S. van der Walt, S. du Toit, J.F. du Plooy, A.S.E. Yssel. Sesde ry: H.F.V. Kruger, P.J.S. de Klerk, D.N. Kotze, W.J. Snyman, W.F. Venter, S.P. van der Walt, J.W.J. van Ryssen, N.J. Snyman, B.R. Krüger, D.J. van der Walt.
• 
  Studente, dosente en besoekende predikante neem in April 1949 tydens die Sinode van die GKSA afskeid van Totius by die Teologiese Skool Potchefstroom. Eerste ry: D.F. Malan, G.P. Scheepers, C. Hatting, L.J. Botha, P.W. Buys, S.C.W. Duvenage, P.W. van der Walt, W.J. Postma, G.P.L. van der Linde, J.J.S. Venter, G.C.P. van der Vyver, M.J. Booyens, S.J. du Plessis, K.S. van Wyk de Vries. Tweede ry: J.V. Coetzee, P.J. Venter, P.J. Coetzee, J.W.J. van Ruyssen, D.J. van der Walt, H.G. Stoker, J.C. van der Walt, J.H. Boneschans, prof. J.D. du Toit, B.J. de Klerk, D.G Venter, A.S.E. Yssel, H.S. van Jaarsveld, H.J. Venter, D.N. Kotzé, N.T. Snyman. Derde ry: D.C.S. van der Merwe, B.R. Krüger, J. Postma, R.S.J. van Wyk, M. Postma, J.L. de Bruin, C.E.G. Malan, J.J.H. Booysen, B.J. de Klerk, A.L. Aucamp, J.A. Schutte, I.J. van der Walt, L.S. van der Walt, S. du Toit, A. Duvenage, W.J. Snyman, P.J.S. de Klerk, T.T. Spoelstra. Vierde ry: D.J. Delport, J.L. Vorster, J.P. Jooste, A.A. Venter, J.F. du Plooy, H.F.V. Kruger, Jacs van Rooy, I.J. Lessing, J.M. de Wet, S.P. van der Walt, P.J. de Klerk.

Bron

• De Vos, ds. W. in De Bruyn, ds. F.R.P. 1989. Die Almanak van die Gereformeerde Kerke in Suid-Afrika vir die jaar 1989. Potchefstroom: Administratiewe Buro.