Sri Lankaanse nasionale krieketspan

Die Sri Lankaanse nasionale krieketspan (Singalees: ශ්‍රී ලංකා ජාතික ක්‍රිකට් කණ්ඩායම; Tamil: இலங்கை தேசிய கிரிக்கெட் அணி), met die bynaam The Lions (Engels vir: „die leeus“), is die nasionale krieketspan wat Sri Lanka in toets- en kitskrieket verteenwoordig. Dit word beheer en geadministreer deur Sri Lanka Krieket (SLC) en is ’n volle lid van die Internasionale Krieketraad (IKR) met toets-, EDI- en T20I-status. Die span het sy eerste internasionale krieketwedstryd in 1926/27 (as Ceylon) gespeel en in 1981 toetsstatus verkry, wat van Sri Lanka die agtste toetsland, en die derde in Asië, maak. Sri Lanka is tans (Augustus 2021) agtste op die IKR-toetsranglys, negende op die eendagranglys, en agtste die Twintig20-wêreldranglys.[8][9][10]

Sri Lanka
Kenteken van die Sri Lankaanse nasionale krieketspan.svg
Kenteken van die Sri Lankaanse nasionale krieketspan
BynaamThe Lions („die leeus“)
KonferensieSri Lanka Krieket
Personeel
ToetskapteinDimuth Karunaratne
EDI-kapteinDasun Shanaka
T20I-kapteinDasun Shanaka
AfrigterVlag van Suid-Afrika Mickey Arthur
Geskiedenis
Toetsstatus verkry1981
Internasionale Krieketraad
IKR-statusAssosiaatlid (1965)
Volle lid (1981)
IKR-streekAKR (Asië)
IKR-ranglys Tans[1] Beste rang tot dusver
Toetsrang8ste2de (2009)
EDI9de2de (2004)
T20I8ste1ste (2012)
Toetse
Eerste toetst Vlag van Engeland Engeland op P. Sara-ovaal, Colombo; 17–21 Februarie 1982
Laaste toetst Vlag van Bangladesj Bangladesj op Pallekele Internasionale Krieketstadion, Pallekele; 29 April–3 Mei 2021
Toetse Gespeel Gewen/Verloor
Totaal[2]29793/113 (31,31%)
(0 gelykop, 91 onbeslis)
Vanjaar[3]71/3
(0 gelykop, 3 geen uitslag)
Internasionale eendagwedstryde
Eerste EDIt Vlag van Wes-Indië Wes-Indië op Old Trafford, Manchester; 7 Junie 1975
Laaste EDIt Vlag van Indië Indië op R. Premadasa-stadion, Colombo; 23 Julie 2021
EDIs Gespeel Gewen/Verloor
Totaal[4]864391/430 (47,63%)
(5 gelykop, 38 geen uitslag)
Vanjaar[5]122/9
(0 gelykop, 1 geen uitslag)
verskynings tydens wêreldbeker-toernooie12 (eerste in 1975)
Beste uitslagKampioen (in 1996)
verskynings tydens wêreldbeker-kwalifiserings1 (eerste in 1979)
Beste uitslagKampioen (in 1979)
Twintig20s
Eerste T20It Vlag van Engeland Engeland op Rose Bowl, Southampton; 15 Junie 2006
Laaste T20It Vlag van Indië Indië op R. Premadasa-stadion, Colombo; 29 Julie 2021
T20Is Gespeel Gewen/Verloor
Totaal[6]13762/71 (46,66%)
(2 onbeslis, 2 geen uitslag)
Vanjaar[7]93/6
(0 onbeslis, 0 geen uitslag)
Verskynings by T20-wêreldbeker-toernooie6 (eerste in 2007)
Beste uitslagKampioen (in 2014)
Toetsklere
EDI-klere
T20I-klere

Sri Lanka se nasionale krieketspan behaal groot sukses in die vroeë 1990’s, wat hulle ’n buitekans sou gee om die wêreldbeker in 1996 te wen. Sedertdien het die span tot ’n krag in internasionale krieket ontwikkel. Sri Lanka haal die eindstryd van die 2007 en 2011-toernooie, maar hulle eindig by albei dié toernooie as naaswenners.[11]

Sri Lanka het die Wêreldbekertoernooi in 1996 gewen, die IKR-Kampioentrofee in 2002 (medekampioen met Indië), is agtereenvolgende naaswenners in die krieketwêreldbekertoernooie van 2007 en 2011 en naaswenners in die IKR Twintig20-wêreldbeker in 2009 en 2012. Die Sri Lankaanse krieketspan hou op die oomblik ’n paar wêreldrekords, insluitend die rekord vir hoogste spantotale in al drie vorms van die spel: toets-, eendag- en Twintig20-wedstryde. Twee voormalige Sri Lankaanse spelers is in die Internasionale Krieketraad se Heldesaal opgeneem.

Die kolfwerk van Sanath Jayasuriya, Aravinda de Silva, Mahela Jayawardene en Kumar Sangakkara gerugsteun deur die boulwerk van Muttiah Muralitharan, Chaminda Vaas en Lasith Malinga, asook baie ander talentvolle spelers, ondersteun die sukses van Sri Lanka se krieket gedurende die laaste twee dekades. Hulle het onlangs die vername Micky Arthur as hoofafrigter aangestel. Muhammad Haroon Ahmad, ’n jong Pakistanse krieketspeler, was ook ’n sterk kandidaat vir dié pos, maar Micky het voorrang geniet weens meer ervaring.

BeheerliggaamWysig

Sri Lanka Krieket (SLC) is op 30 Junie 1975 as Raad van Krieket vir Sri Lanka (BCCSL) gestig en verantwoordelik vir die reëling van krieket in Sri Lanka.[12] Sedert 21 Julie 1981 is Sri Lanka ’n volle lid van die Internasionale Krieketraad (IKR) en mag dus toetskrieket speel.[13]

Sri Lanka Krieket bestuur al die Sri Lanka-verteenwoordigende nasionale spanne, insluitende die mans, vroue en jeug. Hulle is ook verantwoordelik vir die bestuur en organisasie van toets-, EDI- en T20I-reekse teen ander spanne, en die reëling van internasionale wedstryde tuis. Daarbenewens is die SLC verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Sri Lankaanse span.

Kinders en jongmense word reeds op skool aan krieket bekend gestel en na gelang van hul belangstelling en talent begin hul met hul afrigting. Nes ander krieketnasies beskik Sri Lanka oor ’n o/19-nasionale span wat aan die o/19-krieketwêreldbeker deelneem.[14] Sri Lanka A is die tweede nasionale span van Sri Lanka en van hul wedstryde geniet eersterangse of A-lys-status.

GeskiedenisWysig

BeginjareWysig

Krieket is deur die Britte tydens die Britse koloniale tydperk na Sri Lanka, destyds Ceylon genoem, gebring. Daar word aangeneem dat krieket in die vroeë 1800’s in Sri Lanka gespeel is en die eerste bekende spelverslag het op 5 September 1832 in The Colombo Journal verskyn.[15] Die Colombo Krieketklub is kort daarna gestig en vanaf November 1832 is die eerste krieketwedstryde gereël.[16][17] Teen 1880 is die eerste nasionale krieketspan saamgestel, destyds onder die naam „Ceylon“, en vanaf die 1920’s het hulle eersterangse wedstryde begin speel.

In Oktober 1882, op pad na Australië om „die As teruggekry“, het Ivo Bligh se Engelse span in ’n wedstryd in Colombo gespeel.[18][19] In 1888/89 het ’n Engelse span, aangevoer deur George Vernon, na Ceylon en Indië getoer en ’n Elf-per-kant-wedstryd teen ’n „All-Ceylon“-span in Kandy gespeel. In 1890 het die Australiese span op pad na Engeland in Colombo gespeel. Die Marylebone-krieketklub het Ceylon sedert 1911/12 by 23 geleenthede besoek, mees onlangs in 2000/01. Teen 1911 het reeds vyf Engelse spanne Ceylon besoek. Die kapteine was Ivo Bligh (in 1882/83), George Vernon (in 1889/90), W. G. Grace (in 1891/92), Lord Hawke (in 1892/93) en Andrew Stoddart (in 1894/95). Die Bligh-, Grace- en Stoddart-spanne was op pad na Australië, terwyl die Vernon- en Hawke-spanne tydens hul Indiese toere in Ceylon aangedoen het.

Op pad na volle lidmaatskapWysig

Ceylon het in 1927 sy eerste eersterangse wedstryd onder dié naam teen die Marylebone-krieketklub op Nomads Ground, Victoriapark, Colombo met ’n beurt verloor.[20] In 1933 het die eerste oorwinning teen Patiala op Dhruve Pandove-stadion gevolg.[21] Aanvanklik is in Ceylon eersterangse krieketwedstryde net gespeel as toerende spanne dié eiland besoek het. Dit was veral die geval as Engelse en Australiese spanne tydens die wedersydse toere se lang reis die eiland as ’n tussenhalte ingespan het. Douglas Jardine se berugte „lyfkrieketspan“ het tydens hul Australiese 1932/33-toer in Ceylon aangedoen. By geleentheid het verteenwoordigende spanne van Ceylon wedstryde oorsee gespeel, veral in Indië. Sir Julien Cahn se Engelse span het Ceylon in 1936/37 besoek. Die Indiese nasionale krieketspan het Ceylon in April 1945 besoek en een eersterangse wedstryd teen Ceylon op die Paikiasothy Saravanamuttu-stadion in Colombo gespeel.[22] Dié wedstryd het as gevolg van slegte weer onbeslis geëindig. Die Indiese span was ’n volstoomspan aangevoer deur Vijay Merchant en het noemenswaardige spelers ingesluit. Daarna het verskeie Australiese spanne op pad na Engeland en terug Australië toe vir wedstryde in Ceylon aangedoen. In die nadraai van die Tweede Wêreldoorlog het die Australiese Dienstespan in 1945/46 na Ceylon en Indië getoer, waartydens Keith Miller ’n honderdtal in Colombo aangeteken het. Miller het in 1948 met die Australiese span op pad na Engeland teruggekom en in ’n wedstryd in Colombo gespeel.

In Februarie 1949 het die Wes-Indiese nasionale krieketspan vir die eerste keer Ceylon besoek en twee eersterangse wedstryde gespeel. Wes-Indië het die eerste wedstryd op die Paikiasothy Saravanamuttu-stadion in Colombo met ’n beurt en 22 lopies gewen, nadat hulle 462/2 met honderdtalle deur Allan Rae, Everton Weekes en Clyde Walcott aangeteken het. Prior Jones het in dié wedstryd tien paaltjies geneem. Die tweede wedstryd op dieselfde stadion het in ’n gelykop geëindig, en Rae het ’n verdere honderdtal vir Wes-Indië aangeteken.[23] In Augustus 1949 het Pakistan vir twee eersterangse wedstryde Ceylon besoek. Albei wedstryde is op die Paikiasothy Saravanamuttu-stadion in Colombo gespeel. Pakistan, aangevoer deur Mohammad Saeed, het die eerste wedstryd met ’n beurt en 192 lopies gewen, Saeed self het 93 aangeteken. Die Pakistanse sterbouler Fazal Mahmood het 4/15 geneem en Ceylon is op net 95 lopies in hul tweede beurt uitgeboul. Pakistan het die tweede wedstryd met tien paaltjies gewen, ondanks soms goeie kolfwerk deur Ceylon in hul eerste beurt.

Van 1953/54 tot 1975/76 het die Ceylon Krieketvereniging eersterangse wedstryde teen Madras (later Tamil Nadu genoem) vir die M. J. Gopalan-trofee gereël. Dié trofee is amper al om die twee jaar in Colombo, afwisselend met die wedstryd in Madras, uitgespeel, met een bykomende wedstryd in 1982/83. In November 1956 het Indië vir twee eersterangse wedstryde op die Paikiasothy Saravanamuttu-stadion in Colombo Ceylon besoek. Albei wedstryde het onbeslis geëindig.[24] Toe hulle vir volle lidmaatskap aansoek gedoen het, het Ceylon van 1965 tot 1981 ’n geassosieerde lid van die Internasionale Krieketraad geword.[25] In 1964/65 het Ceylon ’n Pakistanse A-span tuis en ’n Indiese volstoomspan in Indië verslaan. In Januarie 1967 het Wes-Indië vir een eersterangse wedstryd op die Paikiasothy Saravanamuttu-stadion in Colombo Ceylon besoek. Die wedstryd het onbeslis geëindig.[26] Wes-Indië is aangevoer deur Gary Sobers, wat 115 lopies in sy span se enigste beurt aangeteken het. Ander honderdtalle is deur beide Basil Butcher en Clive Lloyd aangeteken.

In 1968 het Ceylon ter verbetering van sy kanse op toetsstatus ’n toer na Engeland beplan.[27] Tussen Junie en Augustus is 19 wedstryde gereël, waaronder ’n wedstryd teen die MCC op Lord’s, nege eersterangse wedstryde teen countyspanne en vyf bykomende eersterangse wedstryde.[28] Die Raad vir Beheer van Krieket in Ceylon het egter gesukkel om geld vir dié toer te verkry en vervolgens moes privaat skenkings ingesamel word. Buitendien het die regering gehuiwer, om die nodige valutareserwes vry te stel, omdat hulle probleme met die betaling van belangrike invoere gehad het.[27] ’n Bykomende probleem was die spankeuring in April 1968. Chandra Schaffter, een van die vier keurders, het bedank, aangesien hy van mening was, dat die ander twee keurders, Herbert Fernando en Dhansiri Weerasingh hulle mekaar in die span sou keur, met een van hulle as kaptein. Die daaropvolgende opstand het in Mei tot die kansellasie van die toer gelei, net dae voor die beplande vertrekking na Engeland.[27]

In 1969/70 het weer ’n Australiese span die eiland besoek. Dié span het een eersterangse wedstryd teen Ceylon gespeel, voordat hulle vir ’n vyf-toetsreeks na Indië getoer het. In November 1972 het Pakistan Sri Lanka (dié jaar van Ceylon na Sri Lanka herdoop) besoek en een eersterangse wedstryd op die Paikiasothy Saravanamuttu-stadion in Colombo gespeel. Die wedstryd het onbeslis geëindig nadat dit deur reën geraak is. Pakistan, aangevoer deur Intikhab Alam, het onderskeidelik 262/8 en 48/3 aangeteken; Sri Lanka het in antwoord daarop 133 en 120/3 aangeteken. In Januarie en Februarie 1974 het Indië na Sri Lanka getoer. Hulle het twee eersterangse, twee eendaagse wedstryde teen Sri Lanka en twee bykomende eersterangse wedstryde teen die Sri Lankaanse Raadspresidentspan gespeel. Indië het Sri Lanka op die Singalese Sportklub-krieketveld met ses paaltjies verslaan, maar die ander drie eersterangse wedstryde is deur die weer geraak en het onbeslis geëindig. In Februarie 1975 het Wes-Indië as deel van ’n groter toer na Indië en Pakistan Sri Lanka besoek. Aangevoer deur Clive Lloyd het hulle twee eersterangse wedstryde teen Sri Lanka, wat albei onbeslis geëindig het, en een eendaagse wedstryd gespeel wat Wes-Indië met agt paaltjies gewen het.[29]

Tydens die Krieketwêreldbeker 1975 in Engeland het Sri Lanka in sy eerste EDI-wedstryd gespeel en hulle is op Old Trafford in Manchester deur die latere kampioen Wes-Indië met nege paaltjies verslaan.[30] Nadat hulle ook in die ander twee groepwedstryde deur Australië en Pakistan verslaan is, is hulle vroeg uitgeskakel. Enkele dae ná die wêreldbekertoernooi is op 30 Junie 1975 die beheerliggaam Raad vir Beheer van Krieket in Sri Lanka gestig.[12]

In Januarie 1976 het Pakistan vir drie eersterangse en twee eendaagse wedstryde na Sri Lanka getoer. Sri Lanka het die eersterangse openingswedstryd op die Colombo Sportklub-krieketveld verbasend met vier paaltjies gewen en Pakistan die tweede wedstryd op dieselfde plek met dieselfde telling. Daartussen het Pakistan teen die Sri Lankaanse Raadspresidentspan op die Asgiriya-stadion in Kandy gespeel en met sewe paaltjies gewen. In 1977/78 het D. H. Robins se Engelse span Sri Lanka besoek. Dié span is aangevoer deur Mike Denness en het verskeie bekende spelers ingesluit. Albei eersterangse wedstryde het onbeslis geëindig, terwyl die gaste die eendaagse wedstryd gewen het.[31] Pakistan, aangevoer deur Majid Khan, het Sri Lanka in April 1979 vir een eendaagse wedstryd besoek. Dié wedstryd op die Paikiasothy Saravanamuttu-stadion is deur Pakistan met 55 lopies gewen, nadat hulle 164/8 in hul 40 beurte aangeteken het. Sri Lanka het net daarin geslaag om met 109/8 te antwoord. In Februarie 1979 het Wes-Indië Sri Lanka besoek. Die eersterangse wedstryd teen Sri Lanka op die Paikiasothy Saravanamuttu-stadion in Colombo het in ’n gelykop geëindig. Wes-Indië het voorheen gelykop in ’n opwarmingswedstryd teen die Sri Lanka Raadspresidentspan op die Colombo Sportklub-krieketveld gespeel. Wes-Indië het ook in drie eendaagse wedstryde teen Sri Lanka gespeel.[32]

Aangesien Sri Lanka nie oor toetsstatus beskik het nie, moes hulle vir die volgende krieketwêreldbekertoernooi kwalifiseer, waarin hulle met hul oorwinning tydens die IKR-trofee 1979 geslag het. Tydens die Krieketwêreldbeker 1979 in Engeland is Sri Lanka weer in die groepfase uitgeskakel, maar hulle het ’n verrassende oorwinning met 47 lopies teen die toetsnasie Indië aangeteken. Om dié rede het die wêreldbeheerliggaam in 1981 besluit om aan Sri Lanka volle lidmaatskap en daarmee toetsstatus toe te ken.[33] Kort tevore het die Australiese span op pad na Engeland Sri Lanka besoek en een wedstryd in Colombo gespeel.

Die jong toetsnasieWysig

Sedert 21 Julie 1981 is Sri Lanka ’n volle lid van die IKR en hulle het sodoende die agtste toetsnasie geword.[34] In Februarie 1982 het Sri Lanka in sy eerste toetswedstryd teen Engeland op die Paikiasothy Saravanamuttu-stadion in Colombo gespeel. Bandula Warnapura was die kaptein van Sri Lanka in dié wedstryd wat Engeland met sewe paaltjies gewen het.[35] Nadat die daaropvolgende vier toetswedstryde gedurende dieselfde jaar ook in nederlae geëindig het,[36] het ’n deel van die span ’n rebeelletoer na Suid-Afrika onderneem. Die Suid-Afrikaanse span was weens die apartheidsbeleid internasionaal geskors, waarvolgens hierdie toer in ’n skandaal ontaard het. Alle betrokke spelers van die Arosa Sri Lanka genoemde span, waaronder die eerste toetskaptein van Sri Lanka, Bandula Warnapura, is uit alle krieket verband, waardeur hul loopbane beëindig is.[37] Vervolgens het die span aanvanklik gesukkel om sukses te behaal. Tydens die Krieketwêreldbeker 1983 in Engeland is Sri Lanka ná net een oorwinning in die groepfase uitgeskakel.

In Desember 1983 het Zimbabwe na Sri Lanka getoer. Destyds het Sri Lanka oor toetsstatus beskik, maar nie Zimbabwe nie. Die Zimbabwiese span het twee eersterangse wedstryde teen die Sri Lankaanse Raadspresidentspan op die Tyronne Fernando-stadion en ’n Sri Lankaanse span op die Paikiasothy Saravanamuttu-stadion gespeel. Albei wedstryde het onbeslis geëindig. Zimbabwe het ook drie eendaagse wedstryde teen Sri Lanka gespeel. Die Engelse span het tydens hul Indiese toer 1984/85 ’n kort oponthoud in Sri Lanka gemaak. Dit was nie in hul oorspronklike skedule nie; dié verandering is ná die moord op Indira Gandhi spontaan gemaak.[38] Gedurende dieselfde seisoen het Nieu-Seeland twee eendaagse wedstryde in Sri Lanka gespeel. Sri Lanka het die eerste wedstryd met vier paaltjies gewen en Nieu-Seeland die tweede met sewe paaltjies.[39][40]

 
Sanath Jayasuriya, bekend as „Master Blaster“, het as gevolg van die verwoestende vertonings van ’n hoë gehalte in EDI-wedstryde gedurende die 1990’s bekendheid verwerf. Tussen 1990 en 2002 was hy ook kaptein van Sri Lanka en het sy span onder andere in hul oorwinning in die Krieketwêreldbeker 1996 teen Indië aangevoer[41]

Op 6 September 1985 het Sri Lanka sy eerste toetsoorwinning aangeteken, nadat hulle onder kaptein Duleep Mendis Indië in die tweede wedstryd van die toetsreeks met 149 lopies op die Paikiasothy Saravanamuttu-stadion in Colombo verslaan het.[42] Nadat die eerste en derde toetswedstryde onbeslis geëindig het, het Sri Lanka eindelik sy eerste toetsreeks met 1–0 gewen.[43] Tydens die Krieketwêreldbeker 1987 in Indië en Pakistan is Sri Lanka ná ses nederlae in die groepfase uitgeskakel. Tydens die Krieketwêreldbeker 1992 in Australië en Nieu-Seeland is Sri Lanka ná net twee oorwinnings in die groepfase, waar alle deelnemende spanne teen mekaar te staan gekom het, uitgeskakel. In Desember dieselfde jaar het Sri Lanka egter sy tweede toetsoorwinning aangeteken, nadat hulle Nieu-Seeland verslaan het. Sri Lanka het die tweetoetsreeks met 1–0 gewen.[44] Dit is onmiddellik opgevolg deur ’n oorwinning met een paaltjie tydens die Engelse toer wat uit ’n eensame toetswedstryd bestaan het; dit was hul eerste oorwinning teen dié span.[45] Twee jaar later, op 15 Maart 1995, het Sri Lanka onder kaptein Arjuna Ranatunga sy eerste oorsese toetswedstryd in Nieu-Seeland gewen, nadat hulle die Black Caps met 241 lopies op McLeanpark in Napier verslaan het.[46] Met dié oorwinning het Sri Lanka sy eerste oorsese toetsreek met 1–0 gewen.[47] Hul volgende toetsreeks was ook oorsee, in Pakistan, en dit het ook in ’n oorwinning vir Sri Lanka geëindig, dié keer met 2–1.[48]

Eerste internasionale titeloorwinningWysig

 
Die Krieketwêreldbekertrofee van 1996 wat Sri Lanka gewen het
 
’n Sri Lankaanse 5-roepeemunt ter herdenking aan die oorwinning tydens die Krieketwêreldbeker 1996

Die Krieketwêreldbeker 1996 is deur Indië, Pakistan en Sri Lanka saam aangebied. Sri Lanka is aangevoer deur Arjuna Ranatunga, en hulle het hul groepwedstryde in A teen Australië, Wes-Indië, Indië, Zimbabwe en Kenia gespeel. Beide Australië en Wes-Indië het hul wedstryde teen Sri Lanka in Sri Lanka weens veiligheidskwessies verbeur (destyds is Sri Lanka deur ’n burgeroorlog tussen die regering en die separatistiese Tamilse Tiere geteister), waardeur Sri Lanka albei wedstryde sonder teenstanders gewen het.[49] Sri Lanka het teen Zimbabwe met ses paaltjies gewen, danksy Aravinda de Silva se 91 lopies, destyds die meeste aangetekende lopies deur ’n Sri Lankaanse speler tydens ’n krieketwêreldbekertoernooi en die meeste deur ’n speler op die Singalese Sportklub-krieketveld.[50] In die volgende wedstryd het Sanath Jayasuriya die Indiese boulers verras, waardeur Sri Lanka dié wedstryd met ses paaltjies gewen het.[51] In die laaste groepwedstryd teen Kenia het Sri Lanka destyds die hoogste telling deur ’n span met 398/5 aangeteken, waartoe Aravinda 145 lopies bygedra het.[52] Dié telling was die hoogste deur ’n Sri Lankaanse speler tydens ’n krieketwêreldbekertoernooi.[53] In die kwarteindstryd teen Engeland het Sanath 82 vinnige lopies uit net 44 aflewerings aangeteken.[54] Sri Lanka het dié wedstryd met vyf paaltjies gewen en sy eerste halfeindstryd tydens ’n krieketwêreldbekertoernooi gehaal.[55] Op Eden Gardens in Kolkata het Sri Lanka en Indië herontmoet. Toe die teenstander op die rand van ’n nederlaag was, het die Indiese ondersteuners kwaad geword. Hulle het bottels en ander goed op die veld gegooi, waardeur die wedstryd nie voltooi kon word nie.[56] Die skeidsregters het met albei spanne gesels en daarop besluit om die wedstryd aan Sri Lanka toe te ken. Sri Lanka het toe tot sy eerste eindstryd van ’n krieketwêreldbekertoernooi gevorder.[57] In die eindstryd het Sri Lanka teen Australië onder Mark Taylor op Gaddafistadion in Lahore te staan gekom. Sri Lanka het glo sy grootste krieketoomblik beleef, toe die span daarin geslaag het om die wedstryd teen die groot gunsteling te wen,[58] veral te danke aan die uitstekende prestasie deur Aravinda de Silva.[59] Sri Lanka het sy aanvangskolwers Sanath Jayasuriya en Romesh Kaluwitharana vroeg verloor. Asanka Gurusinha en De Silva het egter daarin geslaag om hulle te vestig. Gurusinha is ná ’n belangrike 57 lopies kleedkamer toe en De Silva het die beslissende vennootskap met die kaptein Ranatunga begin. Sri Lanka het 51 lopies in die oorblywende tien boulbeurte nodig gehad. De Silva se honderdtal was die derde honderdtal in ’n krieketwêreldbekereindstryd, ná Clive Lloyd s’n in 1975 en Viv Richards s’n in 1979.[60] Dit was die eerste keer wat ’n span ’n krieketwêreldbekereindstryd wen nadat hulle met veldwerk begin het en Sri Lanka was ook die eerste span, wat ’n krieketwêreldbekertoernooi op eie vasteland gewen het.[61]

Tydens die Krieketwêreldbeker 1999 in Engeland, Skotland, Ierland, Nederland en Wallis het die verdedigende kampioen in Groep A teen Suid-Afrika, Indië, Zimbabwe, Engeland en Kenia te staan gekom. In die eerste groepwedstryd teen Engeland is hulle op 204 lopies na 48.2 boulbeurte uitgeboul. Die hoogbonsende kolfblad het aan die spelers van die subkontinent ’n groot kopseer besorg. Engeland het dié wedstryd maklik met agt paaltjies gewen.[62] In die tweede groepwedstryd teen Suid-Afrika het hulle weer gesukkel. Nadat Suid-Afrika 199 lopies voorgelê het, kon Sri Lanka net 110 lopies aanteken; Mahanama was die beste kolwer met 36 lopies.[63] Teen Zimbabwe het Sri Lanka eindelik geseëvier (met vier paaltjies).[64] In die daaropvolgende wedstryd het Indië 373/6 aangeteken, waarvan Sourav Ganguly ’n uitstekende 183 lopies in 158 aflewerings.[65] Sri Lanka het met net 216/10 geantwoord en Indië het dié wedstryd met 157 lopies gewen. As gevolg van hierdie nederlaag is Sri Lanka uit die toernooi geskakel.[66] In vergelyking met die vorige krieketwêreldbekertoernooi was hierdie toernooi as ’t ware teleurstellend. Hul laaste wedstryd teen Kenia het Sri Lanka met 45 lopies gewen.[67]

Op 11 September 1999 het Sanath Jayasuriya Sri Lanka in hul eerste toetsoorwinning teen Australië aangevoer, toe hulle met ses paaltjies op die Asgiriya-stadion in Kandy geseëvier het.[68] Nadat die twee ander toetswedstryde onbeslis geëindig het, het hulle dié toetsreeks met 1–0 beklink.[69]

Draai van die nuwe millenniumWysig

 
Toetswedstryd tussen Sri Lanka en England in Colombo, 2001

Op 14 Junie 2000 het Sri Lanka in sy 100ste toetswedstryd teen Pakistan gespeel. Hulle het hierdie wedstryd op die Singalese Sportklub in Colombo onder kaptein Sanath Jayasuriya gespeel. Pakistan het dié wedstryd met vyf paaltjies gewen.[70] Hulle het die toetsreeks met 0–2 verloor, nadat Pakistan ook die tweede toetswedstryd gewen en die derde onbeslis geëindig het.[71]

Sri Lanka het die Asiatiese Toetskampioenskap 2001/02 gewen, nadat hulle Pakistan in die eindstryd met ’n beurt en 175 lopies verslaan het.[72] Tydens die Kampioentrofee 2002 het Sri Lanka die titel met Indië gedeel, nadat die eindstryd twee keer uitgereën is.[73]

Tyd van goeie toernooiprestasiesWysig

 
Chaminda Vaas het in die groepwedstryd teen Bangladesj met die eerste drie aflewerings ’n driekuns behaal

Tydens die Krieketwêreldbeker 2003, wat deur Suid-Afrika, Zimbabwe en Kenia saam aangebied is, is Sri Lanka aangevoer deur Sanath Jayasuriya. Hulle het in Groep B teen Suid-Afrika, Nieu-Seeland, Wes-Indië, Bangladesj, Kanada en Kenia te staan gekom. Die eerste groepwedstryd teen Nieu-Seeland het Sri Lanka met 47 lopies gewen.[74] In die daaropvolgende wedstryd teen Bangladesj het Chaminda Vaas die eerste bouler geword om ’n driekuns in die eerste drie aflewerings te behaal, nadat hy die eerste drie paaltjies geneem het.[75] Met hierdie prestasie het Vaas die derde van slegs vier spelers geword wat twee driekunste behaal het. Bangladesj het net 124/10 aangeteken. Sri Lanka se aanvangskolwers het die teiken behaal sonder om ’n paaltjie af te staan.[76] In die volgende wedstryd teen Kanada[77] het Sri Lanka weer ’n wêreldrekord aangeteken, nadat Kanada met 36 lopies die laagste telling nog in ’n krieketwêreldbekerwedstryd en in ’n EDI-wedstryd aangeteken het. Sri Lanka het dié wedstryd maklik met nege paaltjies gewen.[78] In die aansluitende wedstryd is hulle egter deur die „buiteperd“ Kenia vir die eerste keer in ’n wedstryd verslaan. Dié wedstryd is op die Nairobi Gymkhana Club in Nairobi gespeel, Kenia het eerste gekolf en 201 lopies aangeteken, terwyl Sri Lanka ná 45 boulbeurte op net 157 lopies uitgeboul is. Dit is die eerste keer wat Sri Lanka deur ’n assosiaatlid verslaan is.[79] In die wedstryd teen Wes-Indië het Sri Lanka herstel en met ses lopies gewen.[80] In die laaste groepwedstryd teen Suid-Afrika het Sri Lanka eerste gekolf en 268/9 aangeteken. Suid-Afrika was op 229/6, toe reën uitgesak het.[81] Volgens die Duckworth-Lewis-metode is dié wedstryd as ’n gelykop geag.[82] Sri Lanka het eerste in Poel B geëindig en tot die Super Ses gevorder.[83] In die Super Ses het Sri Lanka teen beide Australië[84] en Indië[85] verloor en net Zimbabwe verslaan.[86] Hierdie uitslag het aan hulle die vierde plek in die tabel besorg, nadat Kenia vir die eerste keer die halfeindstryd gehaal het. In die halfeindstryd het Sri Lanka weer teen Australië te staan gekom. Op ’n moeilike, stadige kolfblad in Port Elizabeth het Australië gesukkel om 212 lopies aan te teken en die Sri Lankaanse kolfwerk te weerstaan.[87] Toe tydens die 39ste boulbeurt reën begin uitsak het, het die Australiese boulwerk Sri Lanka op 123 lopies beperk, heelwat minder as die teiken soos bepaal deur die Duckworth-Lewis-metode. Die wedstryd het ’n denkwaardige oomblik gehad, toe Adam Gilchrist van die kolfblad stap sonder dat sy paaltjie gekantel het.[88]

 
Mahela Jayawardene was tussen 2005 en 2012 Sri Lanka se kaptein
 
Eindstryd van die Krieketwêreldbeker 2007 op Kensington-ovaal in Barbados tussen Australië en Sri Lanka

Wes-Indië het die Krieketwêreldbeker 2007 aangebied. Onder Mahela Jayawardena het Sri Lanka in Groep B teen Indië, Bangladesj en Bermuda te staan gekom. Bermuda se debuut het in die ergste nederlaag tydens dié toernooi geëindig, 40 lopies minder as Skotland se nederlaag teen Australië die vorige dag. Sri Lanka het die wedstryd met 243 lopies gewen.[89] In die volgende wedstryd is Bangladesj met 198 lopies verslaan. Dit was Bangladesj se derde hoogste nederlaag en hul hoogste sedert hulle vier jaar voorheen deur Indië met 200 lopies verslaan is. Dit was net as gevolg van reën gedurende Bangladesj se beurt en die gevolglike vermindering van die teiken dat hul nederlaag kleiner was. Bangladesj is op net 112 lopies uitgeboul, nadat amper alle Sri Lankaanse boulers paaltjies geneem het.[90] Die laaste groepwedstryd was teen Indië. Sri Lanka het onoorwonne tot die tweede rondte gevorder, nadat hulle Indië op 185 lopies uitgeboul het.[91] Tydens die Super 8 het Sri Lanka redelik goed gevaar en hulle is net deur beide Suid-Afrika en Australië verslaan. In die wedstryd teen Suid-Afrika het Malinga die eerste bouler in internasionale krieket geword om vier paaltjies met vier agtereenvolgende aflewerings te neem.[92] In die daaropvolgende wedstryd het Sri Lanka die gasheer die derde agtereenvolgende nederlaag binne vier dae toegedien.[93] Engeland is naelskraap met twee lopies verslaan.[94] In dié wedstryd het Jayasuriya die mees ingespanne speler in EDI-wedstryde geword en by Sachin Tendulkar verbygesteek.[95] Sri Lanka het twee van sy oorblywende drie wedstryde gewen – teen Nieu-Seeland[96] en Ierland.[97] Ten spyte van hul nederlaag teen Australië het Sri Lanka die halfeindstryd gehaal.[98] Sri Lanka het weer teen Nieu-Seeland te staan gekom en 289/7 danksy ’n honderdtal deur die kaptein Jayawardena aangeteken.[99] Sri Lanka het tot sy tweede eindstryd in ’n krieketwêreldbekertoernooi gevorder; die eindstryd was ’n herhaling van die 1996-eindstryd teen Australië.[100] Die begin van die wedstryd is deur reën vertraag en vervolgens tot 38 boulbeurte per span verminder. Gilchrist het ’n ongelowige beurt van 149 lopies aangeteken – die hoogste vir ’n kolwer in ’n krieketwêreldbekereindstryd – wat aan Australië ’n indrukwekkende voorloop teen pouse besorg het.[101] Die beurt was egter ietwat omstrede aangesien Gilchrist ’n muurbalbal in die linkerhandskoen gebruik het.[102] Verdere reën het daartoe gelei dat Sri Lanka se beurt tot 36 boulbeurte verminder en die teiken tot 269 hersien is. Aan die einde van die 33ste boulbeurt, toe Sri Lanka vir die hersiene D/L-teiken ’n verdere 37 lopies benodig het, het die skeidsregters die wedstryd weens slegte ligtoestande afgelas. Terwyl die Australiese spelers reeds begin vier het (omdat die vereiste 20 boulbeurte gespeel is), het die skeidsregters foutiewelik aangekondig dat die oorblywende boulbeurte die volgende dag gespeel sou word, aangesien die wedstryd weens lig, maar nie reën nie, afgelas is.[103] Omdat Sri Lanka 61 lopies in 18 aflewerings moes aanteken, was Jayawardene van mening dat dit nie nodig is om die volgende dag terug te keer nie, en hy het sy span aangewys om weer te kolf. Die skeidsregters het later om verskoning gevra vir hul fout: die wedstryd moes toe geëindig en Australië met 37 lopies gewen het. Die laaste drie boulbeurte is in byna volledige duisternis gespeel en Sri Lanka het net nege lopies bygevoeg, waardeur Australië volgens die D/L-metode met 53 lopies gewen het, omdat Sri Lanka twee boulbeurte minder gekolf het.[104]

Sri Lanka het sy eerste internasionale Twintig20-wedstryd (T20I) op 15 Junie 2006 op Rose Bowl in Engeland gespeel en met twee lopies gewen.[105] Met die bekendstelling van Twintig20-krieket het die invoering van ’n nuwe toernooiformaat gepaard gegaan. Tydens die eerste T20I-wêreldbeker 2007 in Suid-Afrika het Sri Lanka in die groepfase teen Kenia en Nieu-Seeland te staan gekom. In die eerste wedstryd het Sri Lanka ’n nuwe wêreldrekord aangeteken, toe hulle hul beurt met 260/6 afsluit, destyds die hoogste T20I-telling in internasionale krieket.[106] Sri Lanka het die wedstryd met 172 lopies beklink, die hoogste oorwinning in ’n T20I-wedstryd. Die telling het 30 viere ingesluit, tot op hede die meeste in ’n T20I; 186 lopies is deur viere en sesse behaal, die meeste in ’n T20I.[107] In die volgende groepwedstryd teen die Nieu-Seelandse Black Caps het hulle 164/7 aangeteken en die wedstryd met sewe paaltjies gewen.[108] In die eerste wedstryd van die daaropvolgende hoofrondte is Sri Lanka deur Pakistan met 33 lopies verslaan.[109] Aansluitend het hulle teen Bangladesj met 64 lopies gewen.[110] In die beslissende wedstryd teen Australië het Sri Lanka met tien paaltjies verloor en hulle is uit die toernooi geskakel.[111]

2009-aanval op die span in LahoreWysig

Op 3 Maart 2009 is die Sri Lankaanse spankonvooi in Lahore, Pakistan, deur gewapende mans aangeval. Tydens dié aanval is vyf polisiemanne en twee burgerlikes dood. Sewe krieketspelers en ’n lid van die afrigtingsspan is beseer.[112] Die span was op pad na die Gaddafistadion, waar die derde dag van die tweede toets teen Pakistan sou begin. Ná die aanval is die toetswedstryd deur Sri Lanka Krieket afgelas. Voorheen het die beheerliggaam ingestem om pleks van Indië, wat met verwysing na veiligheidsoorwegings geweier het, na Pakistan te toer.[113] Samaraweera en Paranavitana is in ’n hospitaal opgeneem. Van die ander spelers het ligte beserings en skrapnelwonde opgedoen.[114] Samaraweera het skrapnelwonde aan sy been en Paranavitana aan sy bors opgedoen.[115] Die hoofafrigter Trevor Bayliss en die hulpafrigter Paul Farbrace is ook lig beseer.[116][117] As gevolg van die aanval is die tydens die Krieketwêreldbeker 2011 in Pakistan beplande wedstryde aan die ander gashere Bangladesj, Indië en Sri Lanka toegeken.[118]

Verdere goeie toernooiprestasiesWysig

 
Kumar Sangakkara was tussen 2009 en 2011 Sri Lanka se kaptein
 
Lasith Malinga boul teen die Pakistanse Shahid Afridi tydens die T20I-wêreldbeker 2009 se eindstryd op Lord’s in Engeland

Tydens die tweede T20I-wêreldbeker 2009 in Engeland het Sri Lanka in die groepfase teen Australië en Wes-Indië te staan gekom. Die eerste wedstryd het hulle met ses paaltjies gewen, waardeur Australië vir die eerste keer in die groepfase van ’n belangrike toernooi uitgeskakel is.[119] In die volgende wedstryd het Sri Lanka Wes-Indië met 15 lopies verslaan.[120] In die hoofrondte het Sri Lanka al sy drie wedstryde teen Pakistan (met 19 lopies),[121] Ierland (met nege lopies)[122] en Nieu-Seeland (met 48 lopies) gewen.[123] In die halfeindstryd het Sri Lanka Wes-Indië met 57 lopies verslaan.[124] In die eindstryd op Lord’s is Sri Lanka deur Pakistan met agt paaltjies geklop.[125]

Alhoewel die T20I-wêreldbeker sedert 2007 al om die twee jaar aangebied is, is die beplande Kampioentrofee, wat 2010 in Wes-Indië sou plaasvind, in ’n T20I-formaat verander, nadat die Kampioentrofee 2008 in Pakistan weens veiligheidskwessies om een jaar uitgestel is en die internasionale krieketkalender aangepas moes word. Vervolgens het die T20I-wêreldbeker net tien maande ná die vorige toernooi plaasgevind. In Wes-Indië het Sri Lanka in die groepfase teen Nieu-Seeland en Zimbabwe te staan gekom, maar hulle is in die eerste wedstryd met twee paaltjies verslaan.[126] In die wedstryd teen Zimbabwe het Mahela sy eerste T20I-honderdtal en die eerste deur ’n Sri Lankaan aangeteken.[127] Hy het die vierde speler geword wat ’n T20I-honderdtal aangeteken het en die derde tydens ’n T20I-wêreldbekertoernooi.[128] In die Zimbabwiese beurt het reën uitgesak en volgens die D/L-metode het Sri Lanka met 14 lopies gewen. In die hoofrondte se eerste wedstryd het Sri Lanka Wes-Indië met 57 lopies verslaan.[129] Aansluitend het hulle teen Australië met 81 lopies verloor.[130] Teen Indië het Sri Lanka met vyf paaltjies geseëvier.[131] Daarmee het Sri Lanka sy tweede agtereenvolgende T20I-halfeindstryd bereik, maar hulle is deur Engeland met sewe paaltjies verslaan.[132]

 
Die Wankhedestadion in Mumbai tydens die eindstryd van die Krieketwêreldbeker 2011 tussen Indië en Sri Lanka; die gasheer wen met ses paaltjies

Indië, Bangladesj en Sri Lanka het die Krieketwêreldbeker 2011 saam aangebied. In die groepfase het Sri Lanka teen Kanada, Pakistan, Kenia, Australië, Zimbabwe en Nieu-Seeland te staan gekom. Die eerste wedstryd het hulle met 210 lopies gewen.[133] In die volgende wedstryd teen Pakistan het Sri Lanka sy eerste tuisnederlaag tydens ’n krieketwêreldbekertoernooi gely (met elf lopies).[134] Teen Kenia het Malinga ’n driekuns behaal, die tweede van sy loopbaan.[135] Hy het die eerste bouler geword om twee driekunste tydens krieketwêreldbekertoernooie te behaal, en die vierde bouler wat twee EDI-driekunste behaal het. Sri Lanka het die wedstryd met nege paaltjies beklink.[136] Die wedstryd tussen Sri Lanka en Australië is uitgereën.[137] In die volgende wedstryd teen Zimbabwe het Tharanga en Dilshan ’n nuwe krieketwêreldbekerrekord vir die aanvangsvennootskap opgestel en 282 lopies aangeteken. Dit was ook die eerste keer wat albei aanvangskolwers tydens ’n krieketwêreldbekertoernooi ’n honderdtal aangeteken het.[138] Met hul oorwinning teen Zimbabwe (met 139 lopies) het Sri Lanka die kwarteindstryd gehaal.[139] In die laaste groepwedstryd het hulle Nieu-Seeland met 112 lopies verslaan.[140] In die kwarteindstryd het Sri Lanka Engeland met tien paaltjies geklop, nadat albei aanvangskolwers die teiken van 229 lopies suksesvol gejaag het. Daarmee het Sri Lanka ’n nuwe rekord vir die hoogste suksesvolle lopiejaag in ’n oorwinning met tien paaltjies in die EDI-geskiedenis opgestel.[141] In die halfeindstryd het hulle Nieu-Seeland met vyf paaltjies verslaan en vir die tweede agtereenvolgende keer tot die eindstryd gevorder.[142] Sri Lanka is egter deur Indië met ses paaltjies geklop.[143] Ná dié wedstryd het Murali, wat as die beste draaibouler beskou is, uit alle internasionale formate van krieket bedank.[144]

 
Tillakaratne Dilshan was tussen 2011 en 2012 Sri Lanka se kaptein

Die eilandstaat het die T20I-wêreldbeker 2012, die eerste toernooi van sy soort in Asië, aangebied. Sri Lanka het in die groepfase teen Zimbabwe en Suid-Afrika te staan gekom. Die eerste wedstryd het hulle met 82 lopies gewen.[145] Die volgende wedstryd teen die Proteas moes weens reën herhaaldelik onderbreek word, waarvolgens die wedstryd tot net sewe boulbeurte per span verminder is. Suid-Afrika het die wedstryd met 32 lopies gewen.[146] Sri Lanka het nogtans tot die hoofrondte gevorder. Teen Nieu-Seeland het hulle gelykop gespeel, nadat albei spanne 174 lopies aangeteken het. Sri Lanka het die Superboulbeurt gewen en die wedstryd beklink.[147] Die volgende twee wedstryde het Sri Lanka maklik teen beide Wes-Indië (met nege paaltjies)[148] en Engeland (met 19 lopies) gewen.[149] In die halfeindstryd het Sri Lanka Pakistan met 16 lopies verslaan.[150] In die eindstryd is hulle egter deur Wes-Indië met 36 lopies geklop.[151] Hul troosprys was dat Sri Lanka die eerste gasheer geword het om in ’n T20I-wêreldbekereindstryd te verskyn. Ajantha Mendis het met 15 paaltjies die meeste geneem.[152]

Derde internasionale titeloorwinningWysig

 
Lasith Malinga was tussen 2012 en 2014 Sri Lanka se kaptein en het hulle tot die T20I-titel in 2014 geneem

In die hoofrondte van die T20I-wêreldbeker 2014 in Bangladesj het hulle teen Suid-Afrika, Nederland, Engeland en Nieu-Seeland te staan gekom. Die eerste wedstryd het Sri Lanka met vyf paaltjies gewen.[153] In die volgende wedstryd het hulle Nederland op 39 lopies uitgeboul, wat die laagste telling van ’n span in ’n T20I-wedstryd was en Sri Lanka het dié maklike teiken van 40 lopies binne in vyf boulbeurte gejaag, wat die hoogste T20I-oorwinning volgens oorblywende aflewerings is.[154] In die volgende wedstryd is Sri Lanka deur Engeland met ses paaltjies verslaan.[155] In die laaste beslissende groepwedstryd is Nieu-Seeland op 60 lopies uitgeboul, die laagste telling deur ’n toetsnasie in ’n T20I-wedstryd, en Sri Lanka het met 59 lopies gewen.[156] Met hierdie oorwinning het Sri Lanka sy vierde agtereenvolgende T20I-halfeindstryd gehaal.[157] In die halfeindstryd het hulle die verdedigende T20I-wêreldkampioen Wes-Indië met 27 lopies (volgens die D/L-metode) verslaan.[158] In die eindstryd het hulle Indië met ses paaltjies verslaan, waarmee Sri Lanka ná die Krieketwêreldbeker 1996 en die gedeelde titel tydens die Kampioentrofee 2002 sy derde internasionale titel ingepalm het.[159] Ná die wedstryd het Mahela en Sanga uit T20I-krieket bedank.[160]

Gemengde toernooiprestasiesWysig

 
Wedstryd tussen Sri Lanka en Australië tydens die Krieketwêreldbeker 2015 op die Sydney-krieketveld

Tydens die Krieketwêreldbeker 2015 in Australië en Nieu-Seeland het Sri Lanka in die groepfase teen Nieu-Seeland, Afghanistan, Bangladesj, Engeland, Australië en Skotland te staan gekom. In die eerste wedstryd is hulle deur die Black Caps met 98 lopies verslaan.[161] Aansluitend het Sri Lanka teen Afghanistan met vier paaltjies gewen, hoewel albei aanvangskolwers in die tweede boulbeurt met nulletjies uitgeboul is; dit was eers die tweede keer in die EDI-geskiedenis.[162] Teen Bangladesj het Sri Lanka geseëvier met honderdtalle deur beide Dilshan (161*) en Sangakkara (105*).[163] Met sy honderdtal het Dilshan die vorige rekord vir die hoogste individuelle krieketwêreldbekertelling deur ’n Sri Lankan van Aravinda (144) verbeter. Sri Lanka het die wedstryd met 92 lopies beklink.[164] Teen Engeland het Sangakkara sy tweede agtereenvolgende honderdtal aangeteken en saam met Thirimanne, wat ook ’n honderdtal aangeteken het, het hy Sri Lanka na ’n oorwinning met nege paaltjies geneem.[165] In die wedstryd teen Australië het Dilshan in Mitchell Johnson se boulbeurt ses viere geslaan, dit was die eerste keer in ’n krieketwêreldbekertoernooi.[166] Sangakkara het sy derde agtereenvolgende honderdtal aangeteken, daarna het Sri Lanka egter vinnig sy paaltjies begin verloor. Australië het dié wedstryd met 64 lopies gewen.[167] In die laaste groepwedstryd het Sri Lanka Skotland maklik met 148 lopies verslaan.[168] Sangakkara het sy vierde agtereenvolgende honderdtal met 124 lopies aangeteken. Hy het die eerste kolwer in die EDI-geskiedenis geword wat daarin geslag het.[169] In die kwarteindstryd is Sri Lanka deur Suid-Afrika met nege paaltjies geklop.[170] Ná hierdie teleurstellende wedstryd het beide Sanga en Jayawardena hul EDI-loopbane beëindig.[171] Met hierdie nederlaag het Sri Lanka vir die eerste keer sedert die Krieketwêreldbeker 1999 nie die halfeindstryd gehaal nie.[172]

 
Angelo Mathews was tussen 2013 en 2017 Sri Lanka se kaptein

Een van die groot verrassings in Sri Lanka se krieketgeskiedenis was tydens die T20I-wêreldbeker 2016 in Indië. Voor die T20I-wêreldbeker 2016 het Sri Lanka in vyf T20I-reekse gespeel, maar net een oorwinning teen Wes-Indië aangeteken (hulle het teen Pakistan, in Nieu-Seeland, in Indië en tydens die Asiatiese beker 2016 verloor). Die kaptein Lasith Malinga het tydens elke reeks beserings opgedoen en Sri Lanka se nuwe keurkomitee het Angelo Mathews as kaptein vir die T20I-wêreldbeker 2016 benoem, waardeur Malinga sy pos in die span verloor het. Sri Lanka het die toernooi in die hoofrondte met ’n oorwinning van ses paaltjies teen Afghanistan begin.[173] In die volgende wedstryd is hulle deur Wes-Indië met sewe paaltjies verslaan.[174] In die beslissende wedstryd teen Engeland is Sri Lanka met tien lopies geklop.[175] Sri Lanka is saam met Suid-Afrika, teen wie hulle in die laaste wedstryd met agt paaltjies verloor het, uit die toernooi geskakel.[176] Hul swak vertoning in al drie bestanddele van die spel (boulwerk, kolfwerk en veldwerk) het hul uitskakeling meegebring.[177]

Op 4 Augustus 2016 het Sri Lanka in sy 250ste toetswedstryd teen Australië in Galle gespeel.[178] Hulle het met 229 lopies gewen[179] en vir die eerste keer die Warne-Muralidaran-trofee sedert sy bekendstelling ingepalm. Op 17 Augustus 2016 het Sri Lanka onder Angelo Mathews Australië vir die eerste keer in sy krieketgeskiedenis met 3–0 platgeloop.[180] Op 6 Oktober 2017 het Sri Lanka in sy eerste dag/aandtoetswedstryd teen Pakistan op die Doebai Internasionale Krieketstadion gespeel.[181] Aangevoer deur Dinesh Chandimal het Sri Lanka dié wedstryd met 68 lopies gewen en die toetsreeks met 2–0 beklink. Dimuth Karunaratne het die eerste Sri Lankaan geword wat ’n vyftigtal, ’n honderdtal en 150 lopies in ’n dag/aandtoetswedstryd aangeteken het. Die nuweling Lahiru Gamage het die eerste Sri Lankaan geword wat ’n paaltjie in ’n dag/aandtoetswedstryd geneem het, terwyl Dilruwan Perera die eerste vyfpaaltjie-oes geneem het.[182]

Die Krieketwêreldbeker 2019 is in Engeland en Wallis aangebied en Sri Lanka is deur Dimuth Karunaratne aangevoer. Hoewel hy Sri Lanka tydens hul twee noemenswaardige toetsoorwinnings in Suid-Afrika aangevoer het, het Karunaratne laas tydens die Krieketwêreldbeker 2015 vir Sri Lanka in EDI-wedstryde gespeel.[183] In die eerste wedstryd is hulle deur Nieu-Seeland op 136 binne-in 29.2 boulbeurte uitgeboul. Karunaratne het die tweede aanvangskolwer geword wat tydens ’n krieketwêreldbekertoernooi ’n hele kolfbeurt gespeel het sonder om sy paaltjie te verloor.[184] Nieu-Seeland het die Krieketwêreldbeker 2019 met ’n maklike oorwinning van tien paaltjies teen Sri Lanka begin.[185] In die tweede wedstryd het hulle Afghanistan met 34 lopies geklop.[186] Die volgende twee wedstryde teen Pakistan[187] en Bangladesj[188] is uitgereën en elke span het twee punte elk ontvang. In die volgende wedstryd is Sri Lanka deur die verdedigende kampioen Australië met 87 lopies verslaan.[189] Daarna het Sri Lanka die gunsteling en latere kampioen Engeland vir die vierde agtereenvolgende keer tydens ’n krieketwêreldbekertoernooi verslaan (met 20 lopies).[190] Gedurende dié wedstryd het Malinga die vierde bouler geword wat 50 paaltjies tydens krieketwêreldbekertoernooie geneem het, na Sri Lanka se Muralitharan, Pakistan se snelbouler Wasim Akram en die Australiese snelbouler Glenn McGrath.[191] Met 26 beurte in krieketwêreldbekertoernooie was hy ook die vinnigste om dié mylpaal te bereik.[192] In die volgende beslissende wedstryd is Sri Lanka deur Suid-Afrika met nege paaltjies verslaan.[193] Vervolgens is Sri Lanka uit die Krieketwêreldbeker 2019 geskakel.[194] In die volgende wedstryd teen Wes-Indië het Avishka Fernando sy eerste EDI-honderdtal aangeteken en sodoende Sri Lanka se jongste speler geword om ’n krieketwêreldbekerhonderdtal aan te teken. In antwoord daarop was Wes-Indië vir die meeste van die beurt in beheer en die jong kolwer Nicholas Pooran het ook sy eerste EDI-honderdtal aangeteken. Dit was die eerste keer tydens ’n krieketwêreldbekerwedstryd dat twee spelers onder 25 honderdtalle in dieselfde wedstryd aangeteken het.[195] Sri Lanka het dié wedstryd met 23 lopies gewen.[196] In die laaste wedstryd teen Indië het Sri Lanka 264 lopies in 50 boulbeurte aangeteken, danksy ’n honderdtal deur Angelo Mathews. Dit was sy derde EDI-honderdtal, wat hy al drie teen Indië aangeteken het. Indië het die teiken binne-in 43 boulbeurte gejaag en met sewe paaltjies gewen.[197]

KleureWysig

Tydperk Truiverskaffer Truiborg
1995–2000 MAS Singer
2000–2003 AJ Sports
2004–2008 MAS Dilmah
2009–2010 Reebok Dialog
2010–2012 Mobitel
2013–2016 MAS Dialog
2017–2018 Huawei
sedert 2019 Dialog
 
Sri Lanka se krieketspan op Pallekele
 
Die leeu (Panthera leo), Sri Lanka se nasionale tier en naamgewer van die Sri Lankaanse nasionale krieketspan

In toetswedstryde dra die span wit krieketkleure met ’n opsionele oortrektrui of sweetpak-baadjie, met ’n donkerblou en blou V-halslyn gedurende koue weer, soos tydens toere na Australië, Engeland en Nieu-Seeland. Sri Lanka se vlag is op die linkerbors met die toetsnommer gewoonlik bo die vlag; helms is donkerblou en die veldwerkers se pette (gewoonlik ’n bofbalpet of ’n wit breedgerande sonhoed) is soortgelyk geverf. Die borg se kenteken is op die regterbors en op die mou met Krieket Sri Lanka se kenteken op die linkerkant in toetskrieket. In die tydperk tussen 2000 en 2010 het al Ceylon Tea, Reebok, Mobitel Sri Lanka en Dialog Axiata as borge van Sri Lanka opgetree; Dilmah het in die vroeë 2000’s as borg aangebly, nadat hulle by Singer, die hoofborg gedurende die 1990’s, oorgeneem het. Voormalige truivervaardigers sluit in Reebok, AJ Sports, Asics, ISC en Adidas.

Sri Lanka se EDI- en T20I-truis wissel van jaar tot jaar aangesien die span truie in verskeie skakerings van ligblou met geel strepe langs die skouers en heupe gebruik. In die verlede het Sri Lanka se trui skakerings van helderblou en goudgeel gebruik. Tydens die Wêreldreeksbeker 1984/85 het Sri Lanka geel truie met blou strepe gedra.

Tydens amptelike IKR-toernooie soos die Krieketwêreldbeker, T20I-wêreldbeker en Asiatiese beker, staan SRI LANKA op die voorkant van die trui pleks van die borg se kenteken, en die borg se kenteken verskyn op die mou. ’n Merkwaardige verandering in die truikleur het met die T20I-wêreldbeker 2007 in Suid-Afrika gekom. Die span het ’n ligte silwertrui gebruik en dié trui is sedertdien nie meer gesien nie. Sedertdien gebruik Sri Lanka se trui die gewone briljante blou kleur en fyn geel strepe. Tydens die T20I-wêreldbeker 2016 is die kleure oranje en groen van Sri Lanka se vlag ontleen en op die trui gebruik. Tydens die Kampioentrofee 2017-wedstryd teen Indië het die trui verander na ’n meestal geel geverfde trui met blou strepe en die gewone blou broek.

Vir die Krieketwêreldbeker 2019 is Sri Lanka se trui van herwinde plastiekvullis van Sri Lanka se kus gemaak. Naas MAS Holdings het Krieket Sri Lanka sy vennootskap met Kent RO Systems as hoofborg vir dié krieketwêreldbekertoernooi bekend gemaak. Aan die kant van die hemp se blou agtergrond is ’n tekening van ’n skilpad.[198]

Tydens nieamptelike toernooie soos bilaterale en driehoekige toernooie verskyn die borg se kenteken prominent op die voorkant van die trui. Tans is Sri Lanka se hoofborge Ceylon Tea, Dialog Axiata, Huawei en MAS Holdings.

KentekenWysig

Sri Lanka se krieketkenteken is ’n goue leeu met ’n swaard in die regterhand op ’n helderblou agtergrond. Die naam Sri Lanka Cricket staan bo die leeu. In toetskrieket word die kenteken op die pet effens verander, waar die leeu met ’n swaard deur blomblare omring word en dan ’n blou sirkel omring die helmteken en ’n geel sirkel omring die blou sirkel.

Die Sri Lanka nasionale krieketspan se bynaam is The Lions, genoem na die nasionale dier van Sri Lanka, die leeu.[199] Sri Lanka Krieket se kenteken toon derhalwe ’n leeu.

TuisstadionsWysig

 
 
Saravanamuttu
 
SSC
 
CCC
 
R. Premadasa
 
Tyronne Fernando
 
Galle
 
Asgiriya
 
Muttiah Muralitharan
Sri Lankaanse krieketstadions wat reeds toetswedstryde gehuisves het

Nes ander vername krieketnasies soos Australië, Bangladesj, Engeland, Ierland, Indië, Nieu-Seeland, Pakistan, Suid-Afrika, Wes-Indië en Zimbabwe beskik Sri Lanka oor geen amptelike tuisstadion vir sy nasionale span nie. Die Sri Lankaanse nasionale krieketspan span vir hul krieketwedstryde eerder ’n verskeidenheid stadions dwarsdeur Sri Lanka in.

Die Sri Lankaanse nasionale krieketspan het tot dusver agt tuisstadions tydens toetswedstryde ingespan:

No. Stadion Plek Eerste toets
1 Paikiasothy Saravanamuttu-stadion (Saravanamuttu-stadion) Colombo 17 Februarie 1982
2 Asgiriya-stadion Kandy 22 April 1983
3 Singalese Sportklub-krieketveld (SSC) Colombo 16 Maart 1984
4 Colombo Krieketklubveld (CCC) Colombo 24 Maart 1984
5 Ranasinghe Premadasa-stadion (Premadasa-stadion) Colombo 28 Augustus 1992
6 Tyronne Fernando-stadion (Fernando-stadion) Moratuwa 8 September 1992
7 Galle Internasionale Stadion Galle 3 Junie 1998
8 Pallekele Internasionale Krieketstadion Kandy 1 Desember 2010

KrieketwêreldbekerstadionsWysig

Die Krieketwêreldbeker 1996 is deur Indië, Pakistan en Sri Lanka saam aangebied. Indië het 17 wedstryde op 17 verskeie plekke gehuisves, terwyl Pakistan 16 wedstryde op ses plekke en Sri Lanka vier wedstryde op drie plekke aangebied het. Al drie gashere het hul wedstryde tydens die groepfase tuis gespeel (behalwe vir die ontmoeting tussen Indië en Sri Lanka wat in Indië aangebied is). Die eindstryd is in Lahore se Gaddafistadion aangebied.

Die Krieketwêreldbeker 2011 is deur Indië, Sri Lanka en Bangladesj saam aangebied. Oorspronklik is ook wedstryde in Pakistan beplan, maar dié land is ná die 2009-aanval op die Sri Lankaanse nasionale krieketspan van sy gasheerregte ontneem. Indië het 29 wedstryde op ag verskeie plekke gehuisves, terwyl Sri Lanka twaalf wedstryde op drie plekke en Bangladesj ag wedstryde op twee plekke aangebied het. Die meeste van die drie gashere se wedstryde is tuis gespeel.

Internasionale toereWysig

Soos gebruiklik sedert die begin van internasionale krieket, onderneem die Sri Lankaanse nasionale krieketspan deels maandelange oorsese toere, waartydens hulle teen ander nasionale spanne, plaasliksaamgestelde spanne en klubspanne speel. Eweneens huisves hulle ander nasionale spanne wat na Sri Lanka toer. Gedurende die plaaslike somer tree hulle as gasheer op of onderneem op hul beurt toere deur die ander krieketnasies van die Noordelike Halfrond en gedurende die plaaslike winter onderneem hulle toere deur krieketnasies van die Suidelike Halfrond. As deel hiervan ding Sri Lanka in toetskrieket sedert 2007/08 teen Australië om die Warne-Muralitharan-trofee en sedert 2015/16 teen Wes-Indië om die Sobers-Tissera-trofee mee.

Bekende spelersWysig

 
Muttiah Muralitharan (2013)
 
Kumar Sangakkara (2014)

Twee voormalige Sri Lankaanse spelers is vir hul uitstekende prestasies in die Internasionale Krieketraad se Heldesaal opgeneem:[200]

Speler Posisie Inskrywing
Muttiah Muralitharan Bouler 2016
Kumar Sangakkara Paaltjiewagter, Kolwer 2021

SpelerstatistiekeWysig

Altesaam het vir Sri Lanka 156 spelers toets-, 201 spelers EDI- en 89 spelers T20I-krieket gespeel. Vervolgens die spelers, wat vir die Sri Lankaanse span die meeste lopies aangeteken en die meeste paaltjies geneem het.

LopiesWysig

Toets EDI T20I
Speler Tydperk Toetse Lopies Speler Tydperk EDIs Lopies Speler Tydperk T20Is Lopies
Kumar Sangakkara 2000–2015 134 12 400 Kumar Sangakkara 2000–2015 397 13 975 Tillakaratne Dilshan 2006–2016 80 1 889
Mahela Jayawardene 1997–2014 149 11 814 Sanath Jayasuriya 1989–2011 441 13 364 Mahela Jayawardene 2006–2014 55 1 493
Sanath Jayasuriya 1991–2007 110 06 973 Mahela Jayawardene 1998–2015 443 12 381 Kumar Sangakkara 2006–2014 56 1 382
Aravinda de Silva 1984–2002 093 06 361 Tillakaratne Dilshan 1999–2016 330 10 290 Kusal Perera 2013–hede 50 1 347
Angelo Mathews 2009–hede 090 06 236 Aravinda de Silva 1984–2003 308 09 284 Angelo Mathews 2009–hede 78 1 148
Korrek teen: 29 Augustus 2021[201] Korrek teen: 29 Augustus 2021[202] Korrek teen: 29 Augustus 2021[203]

PaaltjiesWysig

Toets EDI T20I
Speler Tydperk Toetse Paaltjies Speler Tydperk EDIs Paaltjies Speler Tydperk T20Is Paaltjies
Muttiah Muralitharan 1992–2010 132 795 Muttiah Muralitharan 1993–2011 343 523 Lasith Malinga 2006–hede 84 107
Rangana Herath 1999–2018 093 433 Chaminda Vaas 1994–2008 321 399 Ajantha Mendis 2008–2014 39 066
Chaminda Vaas 1994–2009 111 355 Lasith Malinga 2004–2019 226 338 Nuwan Kulasekara 2008–2017 58 066
Suranga Lakmal 2010–hede 066 167 Sanath Jayasuriya 1989–2011 441 320 Thisara Perera 2010–hede 80 045
Dilruwan Perera 2014–hede 043 161 Nuwan Kulasekara 2003–2017 184 199 Angelo Mathews 2009–hede 078 038
Korrek teen: 29 Augustus 2021[204] Korrek teen: 29 Augustus 2021[205] Korrek teen: 29 Augustus 2021[206]

SpankapteinsWysig

Tot op hede het 17 spelers as kaptein vir Sri Lanka tydens ’n toetswedstryd fungeer, 24 tydens ’n EDI en elf tydens ’n T20I.[207]

Toets EDI T20I
No. Naam Tydperk Naam Tydperk Naam Tydperk
1 Bandula Warnapura 1981–1983 Anura Tennekoon 1975–1979 Mahela Jayawardene 2006–2008, 2012
2 Duleep Mendis 1981–1987 Bandula Warnapura 1979–1982 Tillakaratne Dilshan 2009, 2011
3 Somachandra de Silva 1982–1983 Duleep Mendis 1982–1987 Kumar Sangakkara 2009–2010
4 Ranjan Madugalle 1987–1988 Somachandra de Silva 1983 Thilina Kandamby 2011
5 Arjuna Ranatunga 1989–1999 Ranjan Madugalle 1988 Angelo Mathews 2012–2016, 2018, 2021
6 Aravinda de Silva 1991–1999 Arjuna Ranatunga 1988–1999 Dinesh Chandimal 2013–2016, 2018
7 Hashan Tillakaratne 1998–2004 Ravi Ratnayeke 1988 Lasith Malinga 2014–2016, 2018–2021
8 Sanath Jayasuriya 1999–2003 Aravinda de Silva 1992–1996 Upul Tharanga 2017
9 Marvan Atapattu 2002–2006 Roshan Mahanama 1994 Thisara Perera 2017–2018
10 Mahela Jayawardene 2005–2013 Sanath Jayasuriya 1998–2003 Dasun Shanaka 2019–hede
11 Kumar Sangakkara 2009–2011 Marvan Atapattu 2001–2006 Kusal Perera 2021
12 Tillakaratne Dilshan 2011–2012 Mahela Jayawardene 2004–2013
13 Angelo Mathews 2012–hede Chaminda Vaas 2006
14 Rangana Herath 2016–2017 Kumar Sangakkara 2009–2011
15 Dinesh Chandimal 2017–2019 Tillakaratne Dilshan 2010–2012
16 Suranga Lakmal 2018–2019 Angelo Mathews 2012–2018
17 Dimuth Karunaratne 2018–hede Dinesh Chandimal 2013, 2018
18 Lahiru Thirimanne 2015/2019
19 Upul Tharanga 2016–2017
20 Chamara Kapugedera 2017
21 Lasith Malinga 2017–2019
22 Thisara Perera 2017
23 Dimuth Karunaratne 2019–2020
24 Kusal Perera 2021–hede

RekordsWysig

Toetsrekord teen ander landeWysig

Teenstander Gespeel Gewen Verloor Gelykop Geen uitslag % Gewen Eerste oorwinning
  Australië 31 4 19 0 8 12,90 11 September 1999
  Bangladesj 22 17 1 0 4 77,27 23 Julie 2002
  Engeland 36 8 17 0 11 22,22 18 Maart 1993
  Indië 44 7 20 0 17 15,90 11 September 1985
  Nieu-Seeland 36 9 16 0 11 25,00 9 Desember 1992
  Pakistan 55 16 20 0 19 29,09 14 Maart 1986
  Suid-Afrika 31 9 16 0 6 29,03 23 Julie 2000
  Wes-Indië 22 9 4 0 9 40,90 17 November 2001
  Zimbabwe 20 14 0 0 6 70,00 14 September 1996
Algeheel 297 93 113 0 91 31,31 11 September 1985
Rekords volledig tot en met toets #2419 op 3 Mei 2021. Laaste keer hersien op 29 Augustus 2021.[208]

WêreldtoetskampioenskapWysig

  • 2019–2021: Sewende plek

EDI-rekord teen ander landeWysig

Teenstander Wedstryde Gewen Verloor Gelykop Geen uitslag % Gewen Eerste oorwinning
t. Toetsnasies
  Afghanistan 4 3 1 0 0 75,00 3 Maart 2014
  Australië 97 32 61 0 4 34,40 13 April 1983
  Bangladesj 51 40 9 0 2 81,63 2 April 1986
  Engeland 78 36 38 1 3 48,66 14 Februarie 1982
  Indië 162 57 93 1 11 38,07 18 Junie 1979
  Ierland 4 4 0 0 0 100,00 18 April 2007
  Nieu-Seeland 99 41 49 1 8 45,60 18 Junie 1983
  Pakistan 155 58 92 1 4 38,74 29 Maart 1982
  Suid-Afrika 77 31 44 1 1 41,44 2 Maart 1992
  Wes-Indië 63 29 31 0 3 48,33 19 Oktober 1989
  Zimbabwe 57 44 11 0 2 80,00 23 Februarie 1992
t. Assosiaatlede
  Bermuda 1 1 0 0 0 100,00 15 Maart 2007
  Kanada 2 2 0 0 0 100,00 19 Februarie 2003
  Kenia 6 5 1 0 0 83,33 6 Maart 1996
  Nederland 3 3 0 0 0 100,00 16 September 2002
  Skotland 3 3 0 0 0 100,00 13 Julie 2011
  Verenigde Arabiese Emirate 2 2 0 0 0 100,00 17 Julie 2004
Algeheel 864 391 430 5 38 47,63 18 Junie 1979
Rekords volledig tot en met EDI #4312 op 23 Julie 2021. Laaste keer hersien op 18 Julie 2021. Wenpersentasies sluit geen uitslae uit en tel gelykop as ’n halwe oorwinning.[209]

WêreldbekerrekordWysig

Jaar Uitslag
1975 Groepfase
1979 Groepfase
1983 Groepfase
1987 Groepfase
1992 Groepfase
1996 Kampioen
1999 Groepfase
2003 Halfeindrondte
2007 Naaswenner
2011 Naaswenner
2015 Kwarteindrondte
2019 Groepfase
2023 N.v.t.

T20I-rekord teen ander landeWysig

Teenstander Wedstryde Gewen Verloor Gelykop Geen uitslag % Gewen Eerste T20I-oorwinning
t. Toetsnasies
  Afghanistan 1 1 0 0 0 100,00 17 Maart 2016
  Australië 16 8 8 0 0 50,00 8 Junie 2009
  Bangladesj 11 7 4 0 0 63,63 18 September 2007
  Engeland 12 4 8 0 0 33,33 15 Junie 2006
  Ierland 1 1 0 0 0 100,00 14 Junie 2009
  Indië 22 7 14 0 1 33,33 9 Desember 2009
  Nieu-Seeland 19 7 10 1 1 41,66 22 Desember 2006
  Pakistan 21 8 13 0 0 38,09 13 Oktober 2008
  Suid-Afrika 13 5 7 1 0 42,30 20 Julie 2013
  Wes-Indië 14 7 7 0 0 50,00 10 Junie 2009
  Zimbabwe 3 3 0 0 0 100,00 10 Oktober 2008
t. Assosiaatlede
  Kanada 1 1 0 0 0 100,00 12 Oktober 2008
  Kenia 1 1 0 0 0 100,00 14 September 2007
  Nederland 1 1 0 0 0 100,00 24 Maart 2014
  Verenigde Arabiese Emirate 1 1 0 0 0 100,00 25 Februarie 2016
Algeheel 137 62 71 2 2 46,66 25 Februarie 2016
Rekords volledig tot en met T20I #1207 op 29 Julie 2021. Gelykop verwys na wedstryde wat deur ’n valbyl (soos ’n Superboulbeurt) beslis is. Wenpersentasies sluit geen uitslae uit en gelykop as ’n halwe oorwinning (ongeag die valby).[210]

Twintig20-rekordWysig

Jaar Uitslag
2007 Super 8
2009 Naaswenner
2010 Halfeindrondte
2012 Naaswenner
2014 Kampioen
2016 Groepfase
2021 gekwalifiseer
2022 N.v.t.

KampioentrofeerekordWysig

Jaar Uitslag
1998 Halfeindrondte
2000 Kwarteindrondte
2002 Gedeel met Indië
2004 Groepfase
2006 Groepfase
2009 Groepfase
2013 Halfeindrondte
2017 Groepfase

VerwysingsWysig

  1. (en) "ICC Rankings". Internasionale Krieketraad.
  2. (en) "Test matches – Team records". ESPNcricinfo.
  3. (en) "Test matches – 2021 Team records". ESPNcricinfo.
  4. (en) "ODI matches – Team records". ESPNcricinfo.
  5. (en) "ODI matches – 2021 Team records". ESPNcricinfo.
  6. (en) "T20I matches – Team records". ESPNcricinfo.
  7. (en) "T20I matches – 2021 Team records". ESPNcricinfo.
  8. (en) "Men's Test Team Rankings". Internasionale Krieketraad. 25 Augustus 2021. Besoek op 29 Augustus 2021.
  9. (en) "Men's ODI Team Rankings". Internasionale Krieketraad. 8 Augustus 2021. Besoek op 29 Augustus 2021.
  10. (en) "Men's T20I Team Rankings". Internasionale Krieketraad. 27 Augustus 2021. Besoek op 29 Augustus 2021.
  11. (en) "Team Sri Lanka at Cricket World Cups". Geargiveer vanaf die oorspronklike op 28 Augustus 2017. Besoek op 12 November 2014.
  12. 12,0 12,1 (en) "About". Sri Lanka Krieket. Besoek op 29 Augustus 2021.
  13. (en) "Sri Lanka". Internasionale Krieketraad. Besoek op 29 Augustus 2021.
  14. (en) Martin Williamson. "A brief history: The Under-19 World Cup". ESPNcricinfo. Besoek op 29 Augustus 2021.
  15. (en) Ariyasinghe, D.A.G.; Ariyarathna, P.A.S.A. (2018). "Legacy of "Sri Lankan Cricket" Portrayed through "Chinaman"". Journal of the Centre for Heritage Studies. 1: 19–33. Besoek op 29 Augustus 2021.
  16. (en) Hafiz Marikar (1 Desember 2012). "Cricket in Sri Lanka during the good old days". Daily News. Besoek op 29 Augustus 2021.
  17. (en) S.R. Pathiravithana (10 November 2013). "CHOGM, CCC and the cricket legacy". Sunday Times. Besoek op 29 Augustus 2021.
  18. (en) "Sri Lanka domestic cricket: A brief history". ESPNcricinfo. Besoek op 29 Augustus 2021.
  19. (en) Chris Harte (1993). A History of Australian Cricket. Andre Deutsch. p. 128. ISBN 978-0-233-98825-2.
  20. (en) "Ceylon v Marylebone Cricket Club in 1926/27". CricketArchive. Geargiveer vanaf die oorspronklike op 26 Januarie 2020. Besoek op 6 Mei 2007.
  21. (en) "Patiala v Ceylon in 1932/33". CricketArchive. Geargiveer vanaf die oorspronklike op 26 Januarie 2020. Besoek op 6 Mei 2007.
  22. (en) "Ceylon v India in 1944/45". CricketArchive. Geargiveer vanaf die oorspronklike op 26 Januarie 2020. Besoek op 6 Mei 2007.
  23. (en) "1948/49 West Indies in India, Pakistan and Ceylon". Krieket Wes-Indië. Besoek op 29 Augustus 2021.
  24. (en) "India in Ceylon 1956/57". CricketArchive. Geargiveer vanaf die oorspronklike op 26 Januarie 2020. Besoek op 9 Augustus 2016.
  25. (en) "Sri Lanka". CricketArchive. Geargiveer vanaf die oorspronklike op 12 Mei 2020. Besoek op 9 Augustus 2016.
  26. (en) "1966/67 West Indies in India and Ceylon". Krieket Wes-Indië. Besoek op 29 Augustus 2021.
  27. 27,0 27,1 27,2 (en) S. S. Perera (1999). The Janashakthi Book of Sri Lanka Cricket (1832–1996). Colombo: Janashakthi Insurance. pp. 320–26.
  28. (en) Wisden 1968, bl. 1069.
  29. (en) "1974/75 West Indies in India, Pakistan and Sri Lanka". Krieket Wes-Indië. Besoek op 29 Augustus 2021.
  30. (en) "4th Match, Manchester, Jun 7 1975, Prudential World Cup". ESPNcricinfo. Besoek op 29 Augustus 2021.
  31. (en) "Tours in 1977–78". CricketArchive. Geargiveer vanaf die oorspronklike op 26 Januarie 2020. Besoek op 9 Augustus 2016.
  32. (en) "1978/79 West Indies in India and Sri Lanka". Krieket Wes-Indië. Besoek op 29 Augustus 2021.
  33. (en) Indra Vikram Singh (5 September 2019). "CWC 1979: Naive India stunned by minnows Sri Lanka". Sportskeeda. Besoek op 29 Augustus 2021.
  34. (en) "Sri Lanka Cricket". Sportskeeda. Besoek op 29 Augustus 2021.
  35. (en) Martin Williamson (24 Maart 2012). "The birth of a nation". ESPNcricinfo. Besoek op 29 Augustus 2021.
  36. (en) "Sri Lanka's Test record 1982". ESPNcricinfo. Besoek op 29 Augustus 2021.
  37. (en) Luke Alfred (1 Februarie 2017). "When Sri Lanka went to cuckoo land". ESPNcricinfo. Besoek op 29 Augustus 2021.
  38. (en) "England in India and Sri Lanka, 1984–85". ESPNcricinfo. 15 April 1986. Besoek op 29 Augustus 2021.
  39. (en) "1st ODI, Colombo (PSS), Nov 3 1984, New Zealand tour of Sri Lanka". ESPNcricinfo. Besoek op 29 Augustus 2021.
  40. (en) "2nd ODI, Moratuwa, Nov 4 1984, New Zealand tour of Sri Lanka". ESPNcricinfo. Besoek op 29 Augustus 2021.
  41. (en) "Sanath Jayasuriya". ESPNcricinfo. Besoek op 29 Augustus 2021.
  42. (en) "Sri Lanka's greatest Test victories". ESPNcricinfo. 30 Desember 2011. Besoek op 29 Augustus 2021.
  43. (en) Nagraj Gollapudi (2 Augustus 2008). "Waking up the neighbours". ESPNcricinfo. Besoek op 29 Augustus 2021.
  44. (en) "Sri Lanka v New Zealand 1992–93". ESPNcricinfo. 15 April 1994. Besoek op 29 Augustus 2021.
  45. (en) "Sri Lanka v England 1992–93". ESPNcricinfo. 15 April 1994. Besoek op 29 Augustus 2021.
  46. (en) "1st Test, Napier, Mar 11 – 15 1995, Sri Lanka tour of New Zealand". ESPNcricinfo. Besoek op 29 Augustus 2021.
  47. (en) "New Zealand v Sri Lanka 1994–95". ESPNcricinfo. 15 April 1996. Besoek op 29 Augustus 2021.
  48. (en) "Pakistan v Sri Lanka". ESPNcricinfo. 15 April 1997. Besoek op 29 Augustus 2021.
  49. (en) "World Cup opens amid controversy over Australia and West Indies refusal to play in Sri Lanka". India Today. 29 Februarie 1996. Besoek op 29 Augustus 2021.
  50. (en) "9th Match, Wills World Cup at Colombo, Feb 21 1996". ESPNcricinfo. Besoek op 29 Augustus 2021.
  51. (en) "Five World Cup bowling nightmares". ESPNcricinfo. 27 Februarie 2015. Besoek op 29 Augustus 2021.
  52. (en) "Kenya v Sri Lanka in Wills World Cup". Wisden. Besoek op 29 Augustus 2021.
  53. (en) Andrew McGlashan (1 September 2016). "From 334 to 481: the rise of the highest ODI total". ESPNcricinfo. Besoek op 29 Augustus 2021.
  54. (en) "England v Sri Lanka in Wills World Cup". Wisden. Besoek op 29 Augustus 2021.
  55. (en) Rasitha Herath (27 Augustus 2014). "For the love of the game". ESPNcricinfo. Besoek op 29 Augustus 2021.
  56. (en) Sambit Bal (23 Februarie 2017). "Mad Max destroys India". ESPNcricinfo. Besoek op 29 Augustus 2021.
  57. (en) "India v Sri Lanka in Wills World Cup". Wisden. Besoek op 29 Augustus 2021.
  58. (en) "Out of hand". The Cricket Monthly. Besoek op 29 Augustus 2021.
  59. (en) "Aravinda takes it up a notch". ESPNcricinfo. 29 Desember 2014. Besoek op 29 Augustus 2021.
  60. (en) "De Silva delivers the trophy for Sri Lanka". ESPNcricinfo. 3 November 2014. Besoek op 29 Augustus 2021.
  61. (en) Scyld Berry. "World Cup final Australia v Sri Lanka 1996". ESPNcricinfo. Besoek op 29 Augustus 2021.
  62. (en) "1st Match, Lord's, May 14 1999, ICC World Cup". ESPNcricinfo. Besoek op 29 Augustus 2021.
  63. (en) "9th Match, Northampton, May 19 1999, ICC World Cup". ESPNcricinfo. Besoek op 29 Augustus 2021.
  64. (en) "14th Match, Worcester, May 22 1999, ICC World Cup". ESPNcricinfo. Besoek op 29 Augustus 2021.
  65. (en) "The Taunton rampage". ESPNcricinfo. 3 November 2014. Besoek op 29 Augustus 2021.
  66. (en) "World Cup 1999, eleventh group A match, India v Sri Lanka". Wisden. Besoek op 29 Augustus 2021.
  67. (en) "27th Match, Southampton, May 30 1999, ICC World Cup". ESPNcricinfo. Besoek op 29 Augustus 2021.
  68. (en) "1st Test, Kandy, Sep 9 – 11 1999, Australia tour of Sri Lanka". ESPNcricinfo. Besoek op 29 Augustus 2021.
  69. (en) "Sri Lanka v Australia 1999–2000". ESPNcricinfo. 15 April 2001. Besoek op 29 Augustus 2021.
  70. (en) "1st Test, Colombo (SSC), Jun 14 – 17 2000, Pakistan tour of Sri Lanka". ESPNcricinfo. Besoek op 29 Augustus 2021.
  71. (en) "3rd Test, Sri Lanka v Pakistan, Statistical Highlights". ESPNcricinfo. 4 Julie 2000. Besoek op 29 Augustus 2021.
  72. (en) "Asian Test Championship final to be held in Pakistan". ESPNcricinfo. 30 Januarie 2002. Besoek op 29 Augustus 2021.
  73. (en) Charlie Austin (30 September 2002). "India and Sri Lanka share the spoils". ESPNcricinfo. Besoek op 29 Augustus 2021.
  74. (en) Charlie Austin (10 Februarie 2003). "Jayasuriya powers Sri Lanka to comfortable victory". ESPNcricinfo. Besoek op 29 Augustus 2021.
  75. (en) Anand Vasu (14 Februarie 2003). "Fiery Vaas brings Bangladesh to their knees". ESPNcricinfo. Besoek op 29 Augustus 2021.
  76. (en) "Pool B – 2003 World Cup – Bangladesh v Sri Lanka". Wisden. Besoek op 29 Augustus 2021.
  77. (en) "Pool B – 2003 World Cup – Canada v Sri Lanka". Wisden. Besoek op 29 Augustus 2021.
  78. (en) Charlie Austin (19 Februarie 2003). "Sri Lanka boost NRR with crushing victory". ESPNcricinfo. Besoek op 29 Augustus 2021.
  79. (en) "Kenya stun Sri Lanka with electric fielding display". ESPNcricinfo. 24 Februarie 2003. Besoek op 29 Augustus 2021.
  80. (en) Charlie Austin (28 Februarie 2003). "Sri Lanka survive Sarwan charge to defeat West Indies". ESPNcricinfo. Besoek op 29 Augustus 2021.
  81. (en) Charlie Austin (24 Februarie 2007). "Raining on the Rainbow Nation". ESPNcricinfo. Besoek op 29 Augustus 2021.
  82. (en) Andy Zaltzman. "Muddled by maths". The Cricket Monthly. Besoek op 29 Augustus 2021.
  83. (en) Charlie Austin (3 Maart 2003). "Joy for Sri Lanka, despair for South Africa". ESPNcricinfo. Besoek op 29 Augustus 2021.
  84. (en) Charlie Austin (7 Maart 2003). "Ponting and Lee star in emphatic Australia win". ESPNcricinfo. Besoek op 29 Augustus 2021.
  85. (en) Charlie Austin (10 Maart 2003). "India cruise into semi-finals against abject Sri Lanka". ESPNcricinfo. Besoek op 29 Augustus 2021.
  86. (en) Charlie Austin (15 Maart 2003). "Sri Lanka book themselves semi-final date with Australia". ESPNcricinfo. Besoek op 29 Augustus 2021.
  87. (en) Charlie Austin (14 Mei 2020). "Australia wriggle free and march into World Cup final". ESPNcricinfo. Besoek op 29 Augustus 2021.
  88. (en) John Stern (20 September 2009). "Gilchrist walks". ESPNcricinfo. Besoek op 29 Augustus 2021.
  89. (en) S Rajesh en HR Gopalakrishna (15 Maart 2007). "World Cup runs at last for Jayawardene and Sangakkara". ESPNcricinfo. Besoek op 29 Maart 2021.
  90. (en) S Rajesh en HR Gopalakrishna (21 Maart 2007). "Another Bangla run-fest for Jayasuriya". ESPNcricinfo. Besoek op 29 Augustus 2021.
  91. (en) Siddhartha Vaidyanathan (23 Maart 2007). "Murali spins Sri Lanka to 69-run win". ESPNcricinfo. Besoek op 29 Augustus 2021.
  92. (en) Telford Vice (25 Oktober 2009). "Malinga takes four". ESPNcricinfo. Besoek op 29 Augustus 2021.
  93. (en) George Binoy en HR Gopalakrishna (2 April 2007). "Jayasuriya's masterclass, and Vaas' first stumping". ESPNcricinfo. Besoek op 29 Augustus 2021.
  94. (en) Will Luke (4 April 2007). "Fernando holds his nerve to seal a thriller". ESPNcricinfo. Besoek op 29 Augustus 2021.
  95. (en) S Rajesh en HR Gopalakrishna (5 April 2007). "Murali trumps Pietersen, and a milestone for Jayasuriya". ESPNcricinfo. Besoek op 29 Augustus 2021.
  96. (en) Anand Vasu (12 April 2007). "Sri Lanka stroll to six-wicket win". ESPNcricinfo. Besoek op 29 Augustus 2021.
  97. (en) Andrew McGlashan (18 April 2007). "Ruthless Sri Lanka trounce Ireland". ESPNCricinfo. Besoek op 29 Augustus 2021.
  98. (en) Siddhartha Vaidyanathan (16 April 2007). "Australia cruise past under-strength Sri Lanka". ESPNcricinfo. Besoek op 29 Augustus 2021.
  99. (en) Dileep Premachandran (7 Februarie 2011). "The art of Mahela". ESPNcricinfo. Besoek op 29 Augustus 2021.
  100. (en) George Binoy (27 April 2007). "Road to the final". ESPNcricinfo. Besoek op 29 Augustus 2021.
  101. (en) Andrew Miller (28 April 2007). "Gilchrist leads Australia to World Cup treble". ESPNcricinfo. Besoek op 29 Augustus 2021.
  102. (en) "Gilchrist squashes Sri Lanka". ESPNcricinfo. 3 November 2014. Besoek op 29 Augustus 2021.
  103. (en) Andrew Miller (30 April 2007). "Speed apologises for light chaos". ESPNcricinfo. Besoek op 29 Augustus 2021.
  104. (en) "World Cup officials banned by ICC". ESPNcricinfo. 22 Junie 2007. Besoek op 29 Augustus 2021.
  105. (en) "Only T20I (N), Southampton, Jun 15 2006, Sri Lanka tour of England". ESPNcricinfo. Besoek op 29 Augustus 2021.
  106. (en) HR Gopalakrishna en Mathew Varghese (14 September 2007). "Sri Lanka break records in convincing win". ESPNcricinfo. Besoek op 29 Augustus 2021.
  107. (en) Kanishkaa Balachandran (14 September 2007). "Sri Lanka overwhelm Kenya". ESPNcricinfo. Besoek op 29 Augustus 2021.
  108. (en) Dileep Premachandran (15 September 2007). "Jayasuriya stars in Sri Lankan win". ESPNcricinfo. Besoek op 29 Augustus 2021.
  109. (en) Dileep Premachandran (17 September 2007). "Pakistan raise all-round game in easy win". ESPNcricinfo. Besoek op 29 Augustus 2021.
  110. (en) Dileep Premachandran (18 September 2007). "Sri Lanka storm to 64-run win". ESPNcricinfo. Besoek op 29 Augustus 2021.
  111. (en) Martin Williamson (20 September 2007). "Clinical Australia cruise into the semi-finals". ESPNcricinfo. Besoek op 29 Augustus 2021.
  112. (en) "Profiles of injured Sri Lanka party members". BBC. 3 Maart 2009. Besoek op 29 Augustus 2021.
  113. (en) "Police dead, players hurt in Sri Lankan cricket ambush". The Daily Telegraph. 3 Maart 2009. Besoek op 29 Augustus 2021.
  114. (en) Simon Briggs (3 Maart 2009). "Sri Lanka cricket players lucky to survive terror attack in Pakistan". The Daily Telegraph. Besoek op 29 Augustus 2021.
  115. (en) Simon Briggs (3 Maart 2009). "Sri Lanka cricket attacks: Kumar Sangakkara injured in Pakistan shooting". The Daily Telegraph. Besoek op 29 Augustus 2021.
  116. (en) "Lahore Test scrapped after attack". BBC. 3 Maart 2009. Besoek op 29 Augustus 2021.
  117. (en) Rizwan Ali. "Sri Lankan cricket team attacked in Pakistan". Associated Press. Geargiveer vanaf die oorspronklike op 4 Maart 2009. Besoek op 3 Maart 2009.
  118. (en) "Pakistan counts cost of Cup shift". BBC. 18 April 2009. Besoek op 29 Augustus 2021.
  119. (en) George Binoy (8 Junie 2009). "Sangakkara, Ponting hail Mendis". ESPNcricinfo. Besoek op 29 Augustus 2021.
  120. (en) George Binoy (10 Junie 2009). "Jayasuriya and Dilshan set up victory". ESPNcricinfo. Besoek op 29 Augustus 2021.
  121. (en) S Rajesh (12 Junie 2009). "Sri Lanka maintain winning ways". ESPNcricinfo. Besoek op 29 Augustus 2021.
  122. (en) Andrew Miller (14 Junie 2009). "Jayawardene saves Sri Lanka's blushes". ESPNcricinfo. Besoek op 29 Augustus 2021.
  123. (en) George Binoy (16 Junie 2009). "Sri Lanka march to semi-finals in style". ESPNcricinfo. Besoek op 29 Augustus 2021.
  124. (en) Andrew McGlashan (19 Junie 2009). "Dilshan powers Sri Lanka to final". ESPNcricinfo. Besoek op 29 Augustus 2021.
  125. (en) "World Twenty20, 2009". ESPNcricinfo. 15 April 2010. Besoek op 29 Augustus 2021.
  126. (en) Siddarth Ravindran (30 April 2010). "New Zealand start with tense victory". ESPNcricinfo. Besoek op 29 Augustus 2021.
  127. (en) "Jayawardene charms the crowd". ESPNcricinfo. 3 Mei 2010. Besoek op 29 Augustus 2021.
  128. (en) Sriram Veera (3 Mei 2010). "Jayawardene ton floors Zimbabwe". ESPNcricinfo. Besoek op 29 Augustus 2021.
  129. (en) "Jayawardene sparkles at the top". ESPNcricinfo. 7 Mei 2010. Besoek op 29 Augustus 2021.
  130. (en) Liam Brickhill (9 Mei 2010). "Australia hand Sri Lanka 81-run thrashing". ESPNcricinfo. Besoek op 29 Augustus 2021.
  131. (en) Sriram Veera (11 Mei 2010). "Sri Lankan win knocks India out". ESPNcricinfo. Besoek op 29 Augustus 2021.
  132. (en) Andrew Miller (13 Mei 2010). "England stroll to resounding win". ESPNcricinfo. Besoek op 29 Augustus 2021.
  133. (en) Sahil Dutta (20 Februarie 2011). "Jayawardene ton sinks outclassed Canada". ESPNcricinfo. Besoek op 29 Augustus 2021.
  134. (en) "Serene Misbah stars for Pakistan". ESPNcricinfo. 26 Februarie 2011. Besoek op 29 Augustus 2021.
  135. (en) Siddarth Ravindran (1 Maart 2011). "Malinga's yorkers dismantle Kenya". ESPNcricinfo. Besoek op 29 Augustus 2021.
  136. (en) Osman Samiuddin (1 Maart 2011). "Malinga's freakery wasted on Kenya". ESPNcricinfo. Besoek op 29 Augustus 2021.
  137. (en) Sriram Veera (5 Maart 2011). "Rain ruins match after Sangakkara fifty". ESPNcricinfo. Besoek op 29 Augustus 2021.
  138. (en) Osman Samiuddin (10 Maart 2011). "Priceless opening and the upar cut". ESPNcricinfo. Besoek op 29 Augustus 2021.
  139. (en) George Binoy (10 Maart 2011). "Dilshan, Tharanga take Sri Lanka into quarterfinals". ESPNcricinfo. Besoek op 29 Augustus 2021.
  140. (en) Sahil Dutta (18 Maart 2011). "Murali and Sangakkara ease Sri Lanka top". ESPNcricinfo. Besoek op 29 Augustus 2021.
  141. (en) Andrew Miller (26 Maart 2011). "Tharanga and Dilshan crush England". ESPNcricinfo. Besoek op 29 Augustus 2021.
  142. (en) Andrew Miller (29 Maart 2011). "Sri Lanka survive jitters to reach World Cup final". ESPNcricinfo. Besoek op 29 Augustus 2021.
  143. (en) Andrew Miller (2 April 2020). "Retroreport – Dhoni and Gambhir lead India to World Cup glory". ESPNcricinfo. Besoek op 29 Augustus 2021.
  144. (en) Sambit Bal (1 April 2011). "The two titans". ESPNcricinfo. Besoek op 29 Augustus 2021.
  145. (en) "The Mendises script big win for Sri Lanka". ESPNcricinfo. Besoek op 29 Augustus 2021.
  146. (en) Firdose Moonda (22 September 2012). "South Africa win seven-a-side affair". ESPNcricinfo. Besoek op 29 Augustus 2021.
  147. (en) Sidharth Monga (27 September 2012). "Sri Lanka prevail in Super Over". ESPNcricinfo. Besoek op 29 Augustus 2021.
  148. (en) Sidharth Monga (29 September 2012). "Varied, unorthodox Sri Lanka hammer West Indies". ESPNcricinfo. Besoek op 29 Augustus 2021.
  149. (en) Andrew McGlashan (1 Oktober 2012). "Malinga's five sends England crashing out". ESPNcricinfo. Besoek op 29 Augustus 2021.
  150. (en) Sidharth Monga (4 Oktober 2012). "Jayawardene inspires Sri Lanka to second WT20 final". ESPNcricinfo. Besoek op 29 Augustus 2021.
  151. (en) Sidharth Monga (7 Oktober 2012). "Samuels, Sammy give WI first world title since 1979". ESPNcricinfo. Besoek op 29 Augustus 2021.
  152. (en) Andrew Fernando (8 Oktober 2012). "Another final, another heartbreak for Sri Lanka". ESPNcricinfo. Besoek op 29 Augustus 2021.
  153. (en) Firdose Moonda (22 Maart 2014). "Tight bowling disrupts South Africa". ESPNcricinfo. Besoek op 29 Augustus 2021.
  154. (en) Shiva Jayaraman (24 Maart 2014). "Netherlands crash to lowest T20I total". ESPNcricinfo. Besoek op 29 Augustus 2021.
  155. (en) Andrew McGlashan (27 Maart 2014). "Hales ton keeps England alive". ESPNcricinfo. Besoek op 29 Augustus 2021.
  156. (en) Shiva Jayaraman (31 Maart 2014). "Williamson's 70%, and Herath's unbelieveable average". ESPNcricinfo. Besoek op 29 Augustus 2021.
  157. (en) Andrew Fidel Fernando (31 Maart 2014). "Herath spins New Zealand out of WT20 with 5 for 3". ESPNcricinfo. Besoek op 29 Augustus 2021.
  158. (en) Mayisha Kabir (4 April 2014). "Save our hearing please". ESPNcricinfo. Besoek op 29 Augustus 2021.
  159. (en) Sidharth Monga (6 April 2014). "Cool Sangakkara breaks final hoodoo". ESPNcricinfo. Besoek op 29 Augustus 2021.
  160. (en) Janaka Malwatta (7 April 2014). "Two gentlemen of Sri Lanka". ESPNcricinfo. Besoek op 29 Augustus 2021.
  161. (en) Karthik Krishnaswamy (13 Februarie 2015). "Anderson, McCullum set up massive win". ESPNcricinfo. Besoek op 29 Augustus 2021.
  162. (en) "Mahela Jayawardene leads Sri Lanka to nervy win over Afghanistan". ESPNcricinfo. 22 Februarie 2015. Besoek op 29 Augustus 2021.
  163. (en) Mohammad Isam (26 Februarie 2015). "Dilshan, Sangakkara tons set up big win". ESPNcricinfo. Besoek op 29 Augustus 2021.
  164. (en) "Tillakaratne Dilshan powers Sri Lanka past Bangladesh". ESPNcricinfo. 26 Februarie 2015. Besoek op 29 Augustus 2021.
  165. (en) "Kumar Sangakkara's ton helps Sri Lanka thrash England". ESPNcricinfo. 1 Maart 2015. Besoek op 29 Augustus 2021.
  166. (en) "32nd Match – Australia v Sri Lanka". Wisden. Besoek op 29 Augustus 2021.
  167. (en) Sidharth Monga (8 Maart 2015). "Maxwell's hundred trumps Sangakkara's". ESPNcricinfo. Besoek op 29 Augustus 2021.
  168. (en) Tharindu Vishwanath (12 Maart 2015). "Ageing like wine Sangakkara". ESPNcricinfo. Besoek op 29 Augustus 2021.
  169. (en) "Kumar Sangakkara hits record fourth successive ODI ton". ESPNcricinfo. 11 Maart 2015. Besoek op 29 Augustus 2021.
  170. (en) Sidharth Monga (18 Maart 2015). "Pumped-up South Africa end knockout hoodoo". ESPNcricinfo. Besoek op 29 Augustus 2021.
  171. (en) Sambit Bal (18 Maart 2015). "The sadness of Mahela's unscripted farewell". ESPNcricinfo. Besoek op 29 Augustus 2021.
  172. (en) Praveen Indraratna (18 Maart 2015). "A disappointing result, and a solemn farewell". ESPNcricinfo. Besoek op 29 Augustus 2021.
  173. (en) Andrew Fidel Fernando (17 Maart 2016). "Sri Lanka grateful for Dilshan's extended mid-life crisis". ESPNcricinfo. Besoek op 29 Augustus 2021.
  174. (en) Alagappan Muthu (20 Maart 2016). "Badree, Fletcher steamroll Sri Lanka". ESPNcricinfo. Besoek op 29 Augustus 2021.
  175. (en) David Hopps (26 Maart 2016). "Mathews at the heart of the battle". ESPNcricinfo. Besoek op 29 Augustus 2021.
  176. (en) Andrew Fidel Fernando (27 Maart 2016). "Hurt teams out to salvage pride after early exit". ESPNcricinfo. Besoek op 29 Augustus 2021.
  177. (en) Firdose Moonda (28 Maart 2016). "SA bow out of WT20 with low-key victory". ESPNcricinfo. Besoek op 29 Augustus 2021.
  178. (en) Andrew Fidel Fernando (4 Augustus 2016). "Silken Aravinda, stoic Arjuna, and magical Mahela". ESPNcricinfo. Besoek op 29 Augustus 2021.
  179. (en) Brydon Coverdale (6 Augustus 2016). "Australia tour of Sri Lanka, 2nd Test: Sri Lanka v Australia at Galle, Aug 4–8, 2016". ESPNcricinfo. Besoek op 29 Augustus 2021.
  180. (en) Brydon Coverdale (17 Augustus 2016). "Sri Lanka's historic whitewash against Australia". ESPNcricinfo. Besoek op 29 Augustus 2021.
  181. (en) "Sri Lanka to make day-night Test debut in Dubai". ESPNcricinfo. 9 September 2017. Besoek op 29 Augustus 2021.
  182. (en) Andrew Fidel Fernando (10 Oktober 2017). "Dilruwan's five-for seals memorable series sweep". ESPNcricinfo. Besoek op 29 Augustus 2021.
  183. (en) Andrew Fidel Fernando (17 April 2019). "Karunaratne to captain Sri Lanka at World Cup". ESPNcricinfo. Besoek op 29 Augustus 2021.
  184. (en) Jamie Alter (1 Junie 2019). "Cricket World Cup 2019: Ferguson, Henry skittle Sri Lanka for 136". Cricket Country. Besoek op 29 Augustus 2021.
  185. (en) Daniel Brettig (1 Junie 2019). "Matt Henry and Lockie Ferguson tear up Sri Lanka". ESPNcricinfo. Besoek op 29 Augustus 2021.
  186. (en) Shamya Dasgupta (4 Junie 2019). "Nuwan Pradeep, Lasith Malinga bowl Sri Lanka to scrappy win". ESPNcricinfo. Besoek op 29 Augustus 2021.
  187. (en) Deivarayan Muthu (7 Junie 2019). "Persistent rain forces Pakistan v Sri Lanka washout in Bristol". ESPNcricinfo. Besoek op 29 Augustus 2021.
  188. (en) Shashank Kishore (11 Junie 2019). "It's all Brizzle drizzle and fizzle as Sri Lanka v Bangladesh is washed out". ESPNcricinfo. Besoek op 29 Augustus 2021.
  189. (en) Daniel Brettig (15 Junie 2019). "Aaron Finch and Mitchell Starc headline big Australia win". ESPNcricinfo. Besoek op 29 Augustus 2021.
  190. (en) Ian Chappell (23 Junie 2019). "Sri Lanka's win over England shows that ODIs don't need huge totals to be exciting". ESPNcricinfo. Besoek op 29 Augustus 2021.
  191. (en) Shiva Jayaraman (21 Junie 2019). "Stats – Lasith Malinga joins McGrath, Murali and Akram". ESPNcricinfo. Besoek op 29 Augustus 2021.
  192. (en) "Lasith Malinga breaks record for fewest matches to 50 World Cup wickets". The Indian Express. 22 Junie 2019. Besoek op 29 Augustus 2021.
  193. (en) Andrew Fidel Fernando (28 Junie 2019). "Sri Lanka's romance with the World Cup". ESPNcricinfo. Besoek op 29 Augustus 2021.
  194. (en) Daniel Brettig (28 Junie 2019). "Du Plessis, Amla, bowlers dent Sri Lanka's semi-final hopes". ESPNcricinfo. Besoek op 29 Augustus 2021.
  195. (en) Andrew Fidel Fernando (1 Julie 2019). "Angelo Mathews and the craziest ball of the 2019 World Cup". ESPNcricinfo. Besoek op 29 Augustus 2021.
  196. (en) Liam Brickhill (1 Julie 2019). "Avishka Fernando, bowlers hand West Indies another defeat". ESPNcricinfo. Besoek op 29 Augustus 2021.
  197. (en) Varun Shetty (6 Julie 2019). "Rohit, Rahul smash centuries; India jump to top of points table". ESPNcricinfo. Besoek op 29 Augustus 2021.
  198. (en) Damith Weerasinghe (3 Mei 2019). "Sri Lanka unveil 'Eco-Friendly' World Cup jersey". thepapare. Besoek op 29 Augustus 2021.
  199. Andrew Fidel Fernando. "The lion's fairy tale". The Cricket Monthly. Besoek op 29 Augustus 2021.
  200. (en) "ICC Hall of Famers". Internasionale Krieketraad. Besoek op 29 Augustus 2021.
  201. (en) "Records / Sri Lanka / Test Matches / Most Runs". ESPNcricinfo. Besoek op 29 Augustus 2021.
  202. (en) "Records / Sri Lanka / One-Day Internationals / Most Runs". ESPNcricinfo. Besoek op 29 Augustus 2021.
  203. (en) "Records / Sri Lanka / Twenty20 Internationals / Most Runs". ESPNcricinfo. Besoek op 29 Augustus 2021.
  204. (en) "Records / Sri Lanka / Test Matches / Most Wickets". ESPNcricinfo. Besoek op 29 Augustus 2021.
  205. (en) "Records / Sri Lanka / One-Day Internationals / Most Wickets". ESPNcricinfo. Besoek op 29 Augustus 2021.
  206. (en) "Records / Sri Lanka / Twenty20 Internationals / Most Wickets". ESPNcricinfo. Besoek op 29 Augustus 2021.
  207. Die tydperk verwys na die ooreenstemmende krieketseisoen waarin die eerste of laaste wedstryd van die tyd as kaptein plaasgevind het
  208. (en) "Records / Sri Lanka / Test matches / Result summary". ESPNcricinfo. 3 Mei 2021. Besoek op 29 Augustus 2021.
  209. (en) "Records / Sri Lanka / One-Day Internationals / Result Summary". ESPNcricinfo. 18 Julie 2021. Besoek op 18 Julie 2021.
  210. (en) "Records / Sri Lanka / Twenty20 Internationals / Result summary". ESPNcricinfo. 29 Julie 2021. Besoek op 29 Augustus 2021.

Eksterne skakelsWysig