Wikipedia

Verenigde State se nasionale rugbyspan

Amerikaanse rugbyspan
(Aangestuur vanaf VSA se nasionale rugbyspan)

Die Verenigde State se nasionale rugbyspan (Engels: United States national rugby union team) is die nasionale rugbyspan wat die Verenigde State in internasionale wedstryde (toetswedstryde) verteenwoordig. Dié span dra die bynaam “die Arende” (the Eagles), na die Amerikaanse seearend (Haliaeetus leucocephalus), die nasionale voël van die Noord-Amerikaanse land. Rugby word in die Verenigde State geadministreer deur VSA Rugby (Engels: USA Rugby, USAR) wat in 1975 gestig is. Die Verenigde State word as die naasbeste rugbyspan in die Amerikas beskou (ná Argentinië) en deur Wêreldrugby as ’n vlak twee-span erken. Die Verenigde State se nasionale rugbyspan is tans (September 2024) 19de op Wêreldrugby se wêreldranglys gelys.[4] Een voormalige Amerikaanse rugbyspeler is in Wêreldrugby se Heldesaal opgeneem.

Verenigde State
Unie VSA Rugby (USAR)
Bynaam(e) die Arende
Embleem Die goue arend
Afrigter(s) Vlag van Verenigde State van Amerika Scott Lawrence (sedert 2023)
Kaptein(s) Greg Peterson
Spankleure
Alt. kleure
Statistiek
Meeste toetse Todd Clever (76)[1]
Meeste toetspunte Mike Hercus (465)[2]
Meeste drieë Vaea Anitoni (26)[3]
Eerste internasionale wedstryd
Vlag van Verenigde State van Amerika Verenigde State 8–12 Australië Vlag van Australië
(Berkeley, Kalifornië; 16 November 1912)
Grootste oorwinning
Vlag van Verenigde State van Amerika Verenigde State 91–0 Barbados Vlag van Barbados


(Stanford, Kalifornië; 1 Julie 2006)

Grootste nederlaag
Vlag van Engeland Engeland 106–8 Verenigde State Vlag van Verenigde State van Amerika
(Londen, Engeland; 21 Augustus 1999)
Wêreldbeker
Verskynings 8/10 (Eerste in 1987)
Beste uitslag Een oorwinning in 1987, 2003 en 2011
Unie webwerf
www.usa.rugby

Die Verenigde State het in 1912 hul internasionale rugbydebuut teen Australië gemaak. Tot rugby se terugkeer na die Olimpiese Spele tydens die Olimpiese Somerspele 2016 was die Verenigde State die titelhouer van die Olimpiese rugbykampioenskap, nadat hulle hul enigste teenstander tydens die Olimpiese Somerspele 1920 verslaan en tydens die Olimpiese Somerspele 1924 hul titel suksesvol verdedig het. Die Verenigde State het tot dusver vir agt van die tien rugbywêreldbekertoernooie gekwalifiseer. Van 2003 tot 2011 het hulle deelgeneem aan die Churchillbeker, sedertdien speel die Verenigde State gereeld in die Stille Oseaan-nasiesbeker, waar hulle teen Fidji, Japan, Kanada, Samoa en Tonga te staan kom. Sedert 2016 neem die Verenigde State ook deel aan die jaarlikse Amerikaanse Rugbykampioenskap, saam met die tweede Argentynse span, Brasilië, Chili, Kanada en Uruguay.

Beheerliggaam

wysig
Die hoofartikel vir hierdie afdeling is: VSA Rugby.

Die beheerliggaam vir rugby in die Verenigde State is VSA Rugby (Engels: USA Rugby, USAR). VSA Rugby is in 1975 onder die naam Verenigde State van Amerika Rugbyvoetbalunie (United States of America Rugby Football Union) gestig en het in 1987, net voor die eerste rugbywêreldbekertoernooi, ’n volle lid van die Internasionale Rugbyvoetbalraad (IRVR; nou Wêreldrugby) geword.[5] Daarbenewens was VSA Rugby in 2001 ’n stigtingslid van die Noord-Amerikaanse en Wes-Indiese Rugbyvereniging (North America and West Indies Rugby Association, NAWIRA; nou Rugby Amerikas Noord), nadat Kanada en die Verenigde State by die Wes-Indiese Rugbyvereniging (West Indies Rugby Association) aangesluit het.[6]

Die professionele Major League Rugby, waaraan in 2022 13 spanne deelneem, is die belangrikste rugbyliga in die Verenigde State en dit is in 2017 ten einde van die Amerikaanse rugby se verdere ontwikkeling gestig. Sedertdien is die meeste spelers van die Amerikaanse nasionale span uit dié liga afkomstig, van die ander spelers is veral in Engeland en Australië aktief. Bo die nasionale kampioenskap word jaarliks saam met twee spanne uit Argentinië en een elk uit Brasilië, Chili, Paraguay en Uruguay die internasionale Superrugby Amerikas-toernooi beslis.[7] Aangesien die seisoene min oorvleuel word talle spelers in albei professionele ligas ingespan.

Naas die amptelike nasionale span roep VSA Rugby ook ander keurspanne byeen. USA Selects is die tweede nasionale span van die Verenigde State en hulle het tot in 2016 aan die Amerikaanse Rugbykampioenskap deelgeneem, voordat hulle na Wêreldrugby se Stille Oseaan-uitdaagtoernooi oorgeskakel het. Die USA Sevens is die Amerikaanse sewesrugbyspan en hulle neem aan internasionale toernooie soos Wêreldrugby se Sewesreeks, Sewesrugbywêreldbeker en Olimpiese Somerspele deel. Nes ander rugbylande beskik die Verenigde State oor ’n o/20-nasionale span wat aan die Wêreldrugby o/20-kampioenskap deelneem.[8] Kinders en jongmense word reeds op skool aan rugby bekend gestel en na gelang van hul belangstelling en talent begin hul met hul afrigting. Rugby word ook toenemend gewild by kolleges en universiteite en aangebied as ’n alternatief vir Amerikaanse voetbal.[9]

Geskiedenis

wysig

Invoering en vestiging van rugby

wysig
 
Die Harvard–McGill-wedstryd van 1874
 
Die Amerikaanse span wat teen Australië op California Field gedurende die Wallabies se 1912-toer na Kanada en die Verenigde State gespeel het

William Strachey, ’n Engelse kolonis wat in Jamestown (Virginië) gebly het, het in 1610 verslag gedoen oor ’n balspel van die Lenni-Lenape met die naam Pahsaheman. Verwante balspeletjies, wat almal sekere ooreenkomste met die huidige rugby gehad het, is ook bekend van ander inheemse volke langs die Noord-Amerikaanse ooskus, soos die Massachusett, Mi’kmaq, Narraganset en Powhatan.[10] Die koloniste het op hul beurt aan sokker verwante sportsoorte uit Groot-Brittanje saamgeneem, wat almal oor geen vaste stel reëls beskik het nie, ’n groot aantal deelnemers betrek en soms gewelddadig geword het. Vroeë vorms van rugby, wat destyds onder die naam voetbal saamgevat is, is reeds in die 1840’s aan die universiteite van Harvard, Yale en Princeton gespeel en van hulle is deels ingevoer deur Amerikaners, wat by Engelse openbare skole opgelei is. In 1869 is glo wedstryde tussen Princeton en die Rutgers-universiteit aangebied, wie se reëls die vestiging van die rugbyuniekode voorafgegaan het en dit verbied het om die bal vorentoe te gee.[11]

Nadat rugby aanvanklik ’n suiwer universiteitsport was, het in 1872 Britse uitgewekenes in die San Francisco Bay Area die eerste klubs gestig. Op 15 Mei 1874 is die eerste bekende rugbywedstryd in Cambridge, Massachusetts, tussen die spanne van die Harvard-universiteit en die McGill Universiteit uit Montreal aangebied.[12] Dié wedstryd het die belangstelling van ander universiteite aan die sportsoort gekweek. In 1876 het die universiteite Yale, Harvard, Princeton en Columbia die Interkollegiale Voetbalvereniging (Intercollegiate Football Association) gestig, wie se lede aanvanklik die rugbyreëls gebruik het, voordat hulle later onder invloed van Walter Camp geleidelik na Amerikaanse voetbal oorgeskakel het.[13] Intussen het rugby ook aan Kaliforniese universiteite begin versprei. Die Universiteit van Kalifornië in Berkeley se California Golden Bears het op 3 Desember 1882 vir die eerste keer teen die immigranteklub Phoenix Club uit San Francisco te staan gekom.[14] Aan die einde van die 19de eeu is rugby veral langs die oos- en weskus gespeel, maar dit was in die gebiede daartussen net min bekend (met uitsondering van Illinois, Texas en Utah).[11]

In 1906 het die destyds as uiters wreed beskoude Amerikaanse voetbal ’n eksistensiële krisis ondergaan, nadat binne een seisoen 18 spelers dood is. Harvard se president Charles William Eliot het gedreig om alle Gridiron-variante van die Kollegevoetbal te verbied en die minder gevaarlike rugby was blykbaar op die punt om te seëvier. Onder bemiddeling van die Amerikaanse president Theodore Roosevelt is besluit op nuwe reëls, waarvolgens die wreedheid sterk afgeneem het en ook albei sportsoorte duidelik van mekaar geskei is.[15] Terwyl voetbal in die ooste en Midde-Weste in gewildheid toegeneem het, het aan die weskus aanvanklik die teendeel gebeur: Onder indruk van die Nieu-Seelandse All Blacks se Europese toer, wat tydens hul terugreis twee wedstryde in Kalifornië gespeel het, het die Stanford-universiteit, die Universiteit van Kalifornië en ander kolleges rugby bo voetbal verkies. In 1910 het ’n span Kaliforniese leerlinge ’n toer deur Australië en Nieu-Seeland onderneem. Hulle het hul gashere uitgenooi om die Verenigde State te kom besoek. Die Australiese Wallabies het gedurende herfs 1912 aan dié uitnodiging voldoen en na Noord-Amerika getoer. Vervolgens het op 16 November op die California Field in Berkeley die eerste toetswedstryd tussen die Verenigde State en Australië plaasgevind, wat die gaste met 12–8 gewen het.[16][17]

Die San Francisco Chronicle het vol trots berig: „Amerika het op die internasionale kaart verskyn en sal oor enkele jare op al die ander nasies neersien.“ Maar dié blykbare hoogtepunt is ná net een jaar skielik beëindig, toe die All Blacks deur Noord-Amerika getoer en hul teenstander heeltemal oorheers het. Op 15 November 1913 moes ’n gehoor van meer as 10 000 sien, hoe die Amerikaanse nasionale span as ’t ware deklasseer is. Die San Francisco Post het soos volg berig: „Die Kaliforniese spelers is die beste wat ons in sewe jaar se interkollegiale rugby ontwikkel het – die heel beste. En die uitslag teen hulle was 51 teenoor 3. Die enigste gevolgtrekking is dat ons nog nie geleer het om rugby te speel nie. Dit is nog steeds ’n vreemde spel.“[16] Onder die leerlinge aan die weskus het ’n gevoel van ontoereikendheid ontstaan. Hulle het tot die gevolgtrekking gekom dat hulle nooit kon treed hou nie en dat dit nutteloos is om dit hoegenaamd te probeer.[18] Daarbenewens was die algemene mening dat dit meer wenslik is om met ander dele van die land mee te ding as met heeltemal beter buitelandse spanne. Om hierdie rede het die Universiteit van Kalifornië vanaf 1915 weer na voetbal oorgeskakel en sodoende die einde aan Kalifornië se spesiale status ingelui. Die Stanford-universiteit het ná die Eerste Wêreldoorlog nog sekere jare met rugby voortgegaan.[16]

Olimpiese goud in 1920 en 1924

wysig
 
Die Amerikaanse span wat die goue medalje tydens die Olimpiese Somerspele 1920 in Antwerpen ingepalm het
 
Die Amerikaanse rugbyspan voor hul toetswedstryd teen Frankryk in Oktober 1920
 
Die Amerikaanse span wat die goue medalje tydens die Olimpiese Somerspele 1924 in Parys verower het
 
Rugbywedstryd tussen Frankryk en die Verenigde State tydens die Olimpiese Somerspele 1924

In 1920 het die Kaliforniese rugbybeheerliggaam met die idee na vore getree om ’n span aan die Olimpiese Somerspele 1920 in Antwerpen te laat deelneem. Die Amerikaanse Olimpiese komitee het ná ietwat huiwering sy toestemming gegee. Aangesien Kalifornië die enigste deelstaat was, waar rugby nog ietwat gewild was, was hulle egter nie bereid om die reiskoste te dra nie. Die plaaslike universiteite het ’n suksesvolle fondswerwing van stapel gestuur en ’n span saamgestel wat veral uit Kaliforniese spelers bestaan het.[19] Die Atletiese Amateurunie het enkele weke voor die vertrek ingestem om ’n deel van die reiskoste te dra.[20] Toe die Amerikaanse span in Europa aangekom het, het Tsjeggo-Slowakye en Roemenië reeds hulleself aan die toernooi onttrek. Vervolgens was Frankryk en die Verenigde State die enigste spanne wat nog aan die Olimpiese rugbytoernooi deelgeneem het. Dit het net uit die wedstryd om die goud- en silwermedalje bestaan wat op 5 September by sterk reën uitgespeel is. Die Amerikaners was heelwat beter voorbereid op die modderige terrein en het ’n skokoorwinning oor die groot gunsteling Frankryk met 8–0 aangeteken. Die Franse Rugbyfederasie het die Olimpiese kampioen vervolgens vir ’n kort toer deur Frankryk uitgenooi; die Verenigde State het drie van die vier wedstryde gewen (hul enigste nederlaag was in die toetswedstryd teen Frankryk).[19]

Die Olimpiese oorwinning het merkwaardig min aandag in die Verenigde State geniet en nie daartoe bygedra om die sedert sekere jare afnemende belangstelling in rugby om te keer nie. In 1923 het die Franse die Kaliforniërs uitgedaag om hul titel tydens die Olimpiese Somerspele 1924 in Parys te verdedig. Die Amerikaanse Olimpiese komitee het weer sy toestemming vir die ontplooiing van ’n nasionale span gegee, maar weereens geweier om hulle finansieel te ondersteun. Nietemin het sewe Olimpiese kampioene van 1920 bymekaargekom. Hulle het $20 000 ingesamel en nog 15 spelers gevind (insluitende enige voetbalspelers wat nog nooit tevore rugby gespeel het nie). Die Amerikaanse span het weereens amper net uit Kaliforniërs bestaan.[19] Ter voorbereiding het hulle in April 1924 na Engeland getoer, waar hulle in drie wedstryde deur hoog aangeskrewe klubs verslaan is (aangesien die organiserende Franse Nasionale Olimpiese en Sportkomitee op ’n Britse span aangedring het, het geen van die Britse beheerliggame ’n span na Parys gestuur nie).[21]

Die Olimpiese Somerspele se rugbytoernooi is op die Stade de Colombes uitgespeel en die Amerikaners en Roemene het glo min kanse teen die gasheer gehad. Op 11 Mei het die Verenigde State Roemenië met 39–0 verslaan (insluitende drie drieë). Vir die eindstryd op 18 Mei is ’n gehoor van sowat 30 000 verwag; 50 000 het saamgetrek om die rugbyeindstryd en die toekenning van die eerste medalje tydens die Olimpiese Somerspele 1924 by te woon.[19][22] Volgens beroepswedders het die Verenigde State geen kans gehad nie, die kanse was 20–1 ten gunste van Frankryk.[23] Die Amerikaners was egter nie geïntimideer nie en hul kaptein Babe Slater het voor die wedstryd in sy dagboek geskryf: “Ons sal hulle sekerlik laat weet dat hulle in ’n geveg was.”[21] Ondanks die kanse het die Verenigde State goed begin en teen halftyd met 3–0 voorgeloop. Swaar duikslae deur die Amerikaners, ontleen aan Amerikaanse voetbal, het die Franse geïntimideer en uitgeput, terwyl die Verenigde State vier drieë in die tweede helfte gedruk het om die Franse met 17–3 te verslaan.[24] Ná afloop van die wedstryd moes die Amerikaners deur die polisie uit die stadion begelei word om hulle teen die woedende skare te beskerm.[21]

Herbelewing ná ’n lang onderbreking

wysig

In 1925 het die Internasionale Olimpiese Komitee rugby uit die lys Olimpiese sportsoorte verwyder, nadat met Pierre de Coubertin dié sport se grootste ondersteuner bedank het.[25] Sonder die Olimpiese uitdaging het rugby in die Verenigde State eindelik aan belangrikheid verloor[26] en dit was op kleiner plaaslike nisse beperk, waar dit ’n suiwer amateursport aanhou bly het. Gedurende die 1930’s en 1950’s het Australiese en Britse promotors die professionele variant Rugby League, wat meer ooreenkomste met voetbal toon, probeer vestig. Maar hierdie pogings het vir die eenvoudige rede misluk, dat rugbyspelers, wat ’n professionele loopbaan nagestreef het, na die heelwat meer winsgewende Nasionale Voetballiga oorgeskakel het.[27] Gedurende die 1950’s het rugby weer ’n effens groeiende belangstelling beleef. Aanvanklik was dit oorwegend entoesiaste wat die sport tydens ’n jaar in die buiteland leer ken het of immigrante wat dit wou aanhou uitoefen. Gedurende die 1960’s en 1970’s het die sport ook aan universiteite ’n herlewing ondergaan, veral langs die weskus; die aantal klubs het ook gegroei. Aangesien rugbyspelers oorspronklik net op plaaslike vlak organiseer is, het die behoefte aan ’n nasionale beheerliggaam om die Verenigde State in die internasionale rugbygemeenskap te verteenwoordig toegeneem. Vervolgens is op 7 Junie 1975 in Chicago die Verenigde State van Amerika Rugbyvoetbalunie (United States of America Rugby Football Union, nou bekend as VSA Rugby), gestig.[18][28]

Op 31 Januarie 1976, meer as ’n halfeeu ná die Olimpiese Somerspele 1924, het op die Glover Field in Anaheim die eerste toetswedstryd sedert die herbelewing en onder die leierskap van die nuwe beheerliggaam plaasgevind. Die nasionale span, met hul bynaam Eagles („Arende“), het teen die Australiese Wallabies (wat op hul terugreis van ’n lang Europese toer was) te staan gekom en hulle is met 24–12 verslaan.[28][29] Vyf maande later is die Amerikaners in Chicago deur Frankryk verslaan, maar hulle het nogtans goed tred gehou. Gedurende herfs 1977 het ’n toer na Engeland met goeie resultate gevolg, maar die wedstryd teen Engeland op Twickenham is nie as ’n toetswedstryd erken nie. In 1977 het ook hul wedywering met Kanada begin en die Verenigde State het in Mei 1978 in Baltimore hul eerste oorwinning teen dié buurland aangeteken.[30] Die nasionale span het stadigaan meer bekendheid verwerf, maar hul wenrekord was aanvanklik beskeie. Tussen 1979 en 1983 het hulle geen oorwinning aangeteken nie. Die Suid-Afrikaanse Springbokke se besoek in herfs 1981 was hoogsomstrede. Nadat die voorafgaande wedstryde in Nieu-Seeland reeds deur erge anti-Apartheids-betogings begelei is, is ook die toer se tweede been deur betogings begelei. Om dié rede het albei beheerliggame daarop besluit om die afsluitende toetswedstryd in die geheim te laat plaasvind. Dit is op 25 September in die dorp Glenville in die deelstaat New York voor net 30 toeskouers aangebied en deur die gaste met 38–7 gewen.[31] In 1983 het die Arende ’n kort toer na Australië onderneem en hulle is in Sydney deur die oorheersende Wallabies met 49–3 verslaan. Op 21 April 1985 het die Verenigde State op die Chichibunomiya Rugbystadion in Tokio in hul eerste toetswedstryd teen Japan te staan gekom en naelskraap met 16–15 gewen.[32]

Die Verenigde State is uitgenooi om aan die eerste Rugbywêreldbeker in 1987 in Nieu-Seeland en Australië deel te neem, waarmee hul opname by die Internasionale Rugbyvoetbalraad (IRVR, nou Wêreldrugby) gepaard gegaan het. Hulle het hul eerste groepwedstryd teen Japan op Ballymorestadion in Brisbane met 21–18 gewen, nadat die heelagter Ray Nelson 13 punte aangeteken het.[33] Die Verenigde State het egter hul twee daaropvolgende wedstryde verloor: Met 47–12 teen die Wallabies en met 34–6 teen Engeland. Die Verenigde State het derde in hul groep geëindig en soos verwag die kwalifikasie vir die kwarteindrondte misgeloop.[34] In November 1987 het ’n toer deur Wallis gevolg, waartydens die Arende twee oorwinnings teen plaaslike spanne aangeteken het. Die eerste toetswedstryd teen Wallis het in ’n 0–46-nederlaag geëindig en op nuut die duidelike klasverskil teenoor die beste spanne ter wêreld gewys.[35] Om hul bydrae ter ontspanning in die Koue Oorlog te lewer het die Arende in September 1988 aan ’n internasionale toernooi in Moskou deelgeneem. Tydens dié toernooi het die Verenigde State Roemenië verslaan, maar hulle het die enigste wedstryd teen die Sowjetunie verloor.[36]

 
Die Arende voor hul wedstryd teen die All Blacks tydens die Rugbywêreldbeker 1991

Vir die daaropvolgende rugbywêreldbekertoernooi is aan die Amerikaanse vasteland drie beginplekke toegewys. Aangesien net die beheerliggame van die Verenigde State, Kanada en Argentinië hul belangstelling beklemtoon het, was die span regstreeks gekwalifiseer en tydens die kwalifisering is slegs die groep bepaal. Tussen September en Mei 1991 het die Verenigde State drie agtereenvolgende oorwinnings aangeteken – almal teen Japan – die eerste reeks van drie oorwinnings in die Amerikaanse rugbygeskiedenis.[37] In voorbereiding op die rugbywêreldbekertoernooi het die Verenigde State die Franse vir twee toetswedstryde verwelkom. As swakste span van die Amerikaanse vasteland is aan die Verenigde State tydens die Rugbywêreldbeker 1991, wat in die destydse Vyfnasies aangebied is, ’n baie sterk groep toegewys. Dit het uit die verdedigende kampioen Nieu-Seeland, die nominale gasheer Engeland en Italië bestaan. In hul eerste groepwedstryd is die Verenigde State deur Italië met 30–9 verslaan en in die tweede deur Nieu-Seeland met 46–6. Op Twickenham is hulle deur Engeland met 37–9 geklop, waarvolgens die Verenigde State in die vierde plek geëindig het en uit die toernooi geskakel is.[38]

Elk in 1992 en 1993 het hulle in een toetswedstryd teen Kanada gespeel, wat albei in nederlae geëindig het. In Oktober 1993 het ’n vriendskaplike wedstryd sonder toetsstatus in Riverside teen die destydse wêreldkampioen Australië gevolg wat die Verenigde State naelskraap met 22–26 verloor het. In 1994 het die rugbywêreldbekerkwalifisering afgeskop. Nadat die Verenigde State in die eerste rondte Bermuda met 60–3 verslaan het, het hulle in die tweede rondte teen Argentinië te staan gekom. In twee wedstryde om die enigste plek vir die Amerikaanse vasteland het die Argentyne naelskraap met vyf en ses punte verskil geseëvier, waardeur die Verenigde State die Rugbywêreldbeker 1995 in Suid-Afrika misgeloop het. Tot op hede is dit die enigste rugbywêreldbekertoernooi waaraan die Arende nie deelgeneem het nie.[39] In November 1994 en in Januarie 1996 het die Amerikaners met twee naelskraapse nederlae in vriendskaplike wedstryde teen Ierland herstel. In 1996 het die Verenigde State vir die eerste keer aan die nuwe Stille Oseaanrand Rugbykampioenskap en die Pan-Amerikaanse Rugbykampioenskap deelgeneem en tydens albei toernooie die derde plek gehaal. Aan die begin van 1997 het die span na Wallis getoer. In 1998 het die Verenigde State ’n baie suksesvolle Europese toer onderneem en beide Spanje en Portugal geklop.[36] Tydens die rugbywêreldbekerkwalifisering is die Verenigde State deur beide Argentinië en Kanada verslaan, maar nadat hulle in die laaste wedstryd Uruguay met 21–16 geklop het, het hulle hul plek by die Rugbywêreldbeker 1999 bespreek. In voorbereiding op dié toernooi het die Verenigde State aan die Stille Oseaanrand Rugbykampioenskap 1999 deelgeneem, waar hulle beide Tonga en Fidji vir die eerste keer geklop het, maar ná naelskraapse nederlae teen beide Japan en Samoa van die titel ontneem is.[40] Tydens die groepfase van die Rugbywêreldbeker 1999, wat in die destydse Vyfnasies aangebied is, is die Amerikaners in die eerste groepwedstryd deur Ierland duidelik met 53–8 verslaan. Daarop het ’n naelskraapse 25–27-nederlaag teen Roemenië gevolg. Met ’n 19–55-nederlaag in die laaste groepwedstryd teen Australië het die Amerikaners weer in die vierde plek geëindig en hulle is sonder enige belowende oomblik uitgeskakel.[41]

Vestiging in die middelklas

wysig
 
Die Arende tydens die Rugbywêreldbeker 2007
 
Die Arende teen Ierland in Santa Clara, Kalifornië, 2009

Van Junie 2000 tot Mei 2001 het die Verenigde State in toetswedstryde agt agtereenvolgende nederlae gely en daarmee ’n ewe erge wenrekord as in 1998 aangeteken. Nadat dié negatiewe reeks tydens die Panamerikaanse Rugbykampioenskap 2001 met ’n naelskraapse oorwinning teen Uruguay kort onderbreek is, het daarop vyf verdere nederlae gevolg (onder andere twee keer teen Kanada aan die begin van die kwalifisering vir die Rugbywêreldbeker 2003). Ná twee tuisoorwinnings teen Uruguay en Chili het die Verenigde State in die derde rondte derde geëindig, waarmee hulle tot die uitspeelwedstryd gevorder het. Die Verenigde State het twee duidelike oorwinnings teen Spanje aangeteken en vervolgens vir hul vierde rugbywêreldbekertoernooi gekwalifiseer. Kort daarna het die Verenigde State oorwinnings teen Japan en Kanada aangeteken, waarmee hulle vir die eerste keer in hul rugbygeskiedenis vier agtereenvolgende oorwinnings aangeteken het.[37] In 2003 het die IRR met die Super Powers Cup en die Churchillbeker twee nuwe toernooie as plaasvervanger vir die vorige Stille Oseaanrand Rugbykampioenskap en die Panamerikaanse Rugbykampioenskap ingevoer, waaraan die Verenigde State deelgeneem het. Terwyl eersgenoemde net tot in 2005 uitgespeel is, is laasgenoemde tot in 2011 aangebied.[42] Tydens die Rugbywêreldbeker 2003 in Australië het die Arende vierde in hul groep van vyf geëindig. In die eerste groepwedstryd teen Fidji het die Verenigde State vroeg in die tweede helfte met 13–3 voorgeloop, maar Fidji het die voortou geneem en die wedstryd met 19–18 beklink, dit was die Arende se negende agtereenvolgende nederlaag tydens ’n rugbywêreldbekertoernooi. Ná ’n 15–39-nederlaag teen Skotland het die Verenigde State Japan met 39–26 verslaan en sodoende hul eerste oorwinning tydens ’n rugbywêreldbekertoernooi sedert 1987 aangeteken (teen dieselfde span).[43] Ná ’n 14–41-nederlaag in die laaste groepwedstryd teen Frankryk het die Verenigde State in die vierde plek geëindig.[44]

Die Verenigde State se wenrekord in 2004 en 2005 het ná vyf agtereenvolgende nederlae weer teleurstellend verloop. In 2006 het die kwalifisering vir die daaropvolgende rugbywêreldbekertoernooi afgeskop. Hul 91–0-oorwinning teen Barbados in die eerste wedstryd is tot op hede die hoogste uitslag in die Arende se geskiedenis. Nadat hulle ná ’n 7–56-nederlaag teen Kanada die regstreekse kwalifisering misgeloop het, moes die Verenigde State in die laaste rondte in twee wedstryde teen Uruguay om die laaste plek vir die Amerikaanse vasteland speel. Die Verenigde State het weg met 42–13 en tuis met 33–7 geseëvier, waardeur hulle vir die Rugbywêreldbeker 2007 in Frankryk gekwalifiseer het.[45] Die Verenigde State, destyds in die 13de plek van die wêreldranglys,[4] is in alle vier groepwedstryde verslaan: In die eerste wedstryd met 10–28 deur Engeland, aansluitend met 15–25 deur Tonga, met 21–25 deur Samoa en eindelik met 15–64 deur die latere wêreldkampioen Suid-Afrika.[46] Die Arende het nogtans ’n hoogtepunt tydens die wedstryd teen die Springbokke beleef. Ná ’n onderskepping deur Todd Clever en ’n aantal passe het Takudzwa Ngwenya langs die kantlyn gejaag en die spoedvraat Bryan Habana uitgehardloop om ’n drie te druk wat later deur die IRR as die “drie van die jaar” benoem is.[47]

 
Die Wallabies skrum teen die Verenigde State tydens die Rugbywêreldbeker 2011

In Maart 2009 het die beheerliggaam die Ier Eddie O’Sullivan, wat voorheen die Ierse nasionale span sewe jaar lank suksesvol afgerig het, as nuwe hoofafrigter aangestel. Sy tak was om rugby in die Verenigde State verder te ontwikkel en spelers se moontlikhede ná die jeug- en kollege-vlak uit te brei.[48] Tydens die Churchillbeker 2009 het die Arende vir die eerste keer teen Georgië te staan gekom en die destydse Europese kampioen met 31–13 verslaan.[49] Kort daarna het in Julie die rugbywêreldbekerkwalifisering se eerste fase met twee wedstryde teen Kanada afgeskop. Terwyl hulle die tuiswedstryd naelskraap gewen het, is die Amerikaners in die wegwedstryd een week later duidelik verslaan. Die Amerikaanse vasteland se laaste plek is soos vier jaar voorheen in November 2009 teen Uruguay uitgespeel. Die Arende het weer met twee oorwinnings hul plek in die toernooi bespreek.[50] In die drie toetswedstryde gedurende 2010 het hulle oorwinnings teen Rusland en Portugal aangeteken en hulle is deur Georgië geklop. In voorbereiding op die rugbywêreldbekertoernooi in 2011 het die Verenigde State ’n oorwinning teen Rusland aangeteken, maar ook vier nederlae gely. In hul eerste groepwedstryd tydens die Rugbywêreldbeker 2011 in Nieu-Seeland het die Amerikaners teen die Ierse aanvalle tot kort voor halftyd weerstand ontbied, maar hulle is eindelik deur hul hoofafrigter se vorige span met 22–10 verslaan. Hulle het in hul minimundoelwit, om minstens een oorwinning aan te teken, met ’n 13–6-oorwinning teen Rusland geslaag. In die derde wedstryd teen Australië was die Amerikaners sonder enige kans en hulle is met 67–5 verslaan; tot op hede is dit hul ergste nederlaag teen dié span. In die laaste wedstryd teen Italië is om die derde plek en die regstreekse kwalifisering vir die daaropvolgende toernooi gespeel. Italië het dié wedstryd met 27–10 gewen en die Verenigde State het ná drie nederlae in vier wedstryde in die vierde plek geëindig.[51] Twee maande ná die uitskakeling het O’Sullivan bedank.[52]

In 2012 was hul wenrekord gebalanseerd; hulle het drie oorwinnings aangeteken, maar ook drie nederlae in vriendskaplike wedstryde gely. In die daaropvolgende jaar het die Arende ’n swak fase betree en sewe agtereenvolgende nederlae gely. Daarvan was vier nederlae tydens hul eerste deelname aan die Stille Oseaan-nasiesbeker teen Kanada, Tonga, Fidji en Japan.[53] Tydens die 2013 midjaarrugbytoetsreeks het hulle in ’n noemenswaardige naelskraapse 12–15-nederlaag teen Ierland gespeel.[54] Die daaropvolgende rugbywêreldbekerkwalifisering het in Augustus 2013 weer met twee nederlae teen Kanada en ’n totale telling van 20–40 afgeskop. Vervolgens moes die Verenigde State in April 2014 weer teen Uruguay speel. Terwyl hulle in die wegwedstryd gelykop gespeel het, het hulle die tuiswedstryd gewen; met die totale telling van 59–40 het hulle vir die rugbywêreldbekertoernooi gekwalifiseer. O’Sullivan se ontwikkelingswerk het daartoe gelei, dat sekere Amerikaanse rugbyspelers kontrakte met Europese professionele spanne kon onderteken; vervolgens was tien spelers in Engeland aktief.[55]

 
Die Arende teen die Springbokke tydens die Rugbywêreldbeker 2015

Op 1 November 2014 het die Verenigde State in hul derde wedstryd teen Nieu-Seeland te staan gekom en hulle is soos verwag duidelik met 74–6 verslaan. Meer as 61 500 toeskouers het dié wedstryd op die Soldier Field in Chicago bygewoon, wat die vorige toeskouerrekord meer as verdriedubbel het.[56] Die vorige rekord was ’n skare van 20 183 tydens die wedstryd teen Ierland in Houston die vorige jaar.[57] In voorbereiding op die rugbywêreldbekertoernooi het die Arende in vier wedstryde tydens die Stille Oseaan-nasiesbeker 2015 gespeel, waarvan hulle een elk teen Japan en Kanada gewen het. Daarop het op 5 September 2015 ’n vriendskaplike wedstryd in Chicago teen die destyds tweede beste span uit Australië gevolg. Teen halftyd het die Amerikaners verrassend met 14–10 voorgeloop, voordat die Wallabies die leisels oorgeneem, aan hul teenstander geen verdere punt toegestaan en dié wedstryd duidelik beklink het.[58] Tydens die Rugbywêreldbeker 2015 in Engeland het die Verenigde State saam met Suid-Afrika, Skotland, Japan en Samoa in een groep gespeel. In die eerste wedstryd het hulle met 16–25 teen Samoa verloor. Daarop het nederlae teen Skotland (met 16–39), Suid-Afrika (met 0–64) en Japan (met 18–28) gevolg, waardeur die Amerikaners in die laaste plek uit die toernooi geskakel is.[59]

Professionele tydperk

wysig
 
Wedstryd tussen Uruguay en die Verenigde State tydens die Amerikas-Stille Oseaan-uitdaagtoernooi 2016

Sedert die IRVR in 1995 rugby vir professionele spelers geopen het, is in die Verenigde State herhaaldelik probeer om ’n professionele liga van stapel te stuur. Hulle het eers in November 2015 daarin geslaag, nadat PRO Rugby deur ’n van die beheerliggaam ondersteunde privaat organisasie gestig is. Elke PRO Rugbyspan het oor ’n kwota vir oorsese en Amerikaanse spelers beskik.[60][61] Nadat dié liga in Desember 2016 om organisatoriese en finansiële probleme ontbind moes word, kon net een seisoen voltooi word.[62] In 2016 het die nasionale span vir die eerste keer aan die jaarlikse Amerikaanse Rugbykampioenskap deelgeneem, wat sedert sy herorganisasie uit ses Noord- en Suid-Amerikaanse spanne bestaan (en nieamptelik „Amerikaanse Sesnasies“ genoem word). Tydens die 2017- en 2018-toernooie het die Verenigde State hul eerste belangrike internasionale titels ingepalm.[63][64] In Junie en Julie 2017 het die span tydens die rugbywêreldbekerkwalifisering met ’n gelykop en ’n oorwinning teen Kanada vir die toernooi gekwalifiseer. Gelyktydig het die pogings vir die invoering van ’n professionele liga voortgegaan. In November 2017 is die Major League Rugby gestig, wat deur die plaaslike beheerliggame en privaat borge ondersteun word; in 2018 het die eerste seisoen afgeskop.[65]

Die nuwe hoofafrigter, die Suid-Afrikaner Gary Gold, kon tydens die 2018 midjaarrugbytoetsreeks vir die eerste keer ’n geheel en al uit professionele spelers bestaande span saamstel. Op 16 Junie het hulle in Houston vir ’n verrassing gesorg, toe hulle Skotland met 30–29 verslaan het. Dit was hul eerste oorwinning teen ’n eerste-vlak-span sedert hul oorwinning tydens die Olimpiese Somerspele 1924.[66] Tydens die 2018 eindjaarrugbytoetsreeks het hulle vir die eerste keer Samoa verslaan. Ná ’n 14–57-wegnederlaag teen Ierland is hul wenreeks van nege agtereenvolgende toetswedstryde beëindig, die langste in die Amerikaanse rugbygeskiedenis. In voorbereiding op die rugbywêreldbekertoernooi het die Verenigde State vir die eerste keer in vier jaar aan die Stille Oseaan-nasiesbeker deelgeneem. Tydens die Rugbywêreldbeker 2019 in Japan het die nasionale span nie aan die hoë verwagtinge voldoen nie. Hulle het teen Engeland met 7–45, teen Frankryk met 9–33, teen Argentinië met 17–47 en teen Tonga met 19–31 verloor. Vervolgens is die Verenigde State weer in die laaste plek uit die toernooi geskakel.[67] As gevolg van die reisbeperkings tydens die wêreldwye Covid-19-pandemie het die Amerikaanse span in 2020 nie in ’n enkele wedstryd gespeel nie. Tydens die rugbywêreldbekerkwalifisering se kontinentalen fase het die Verenigde State ná ’n tuis- en wegoorwinning elk teen Kanada, Uruguay en Chili die interkontinentale kwalifisering gehaal. Hier het hulle Kenia en Hongkong geklop, maar ná ’n 16–16-gelykop teen die gelyk op punte Portugese het hulle die Rugbywêreldbeker 2023 in Frankryk misgeloop.[68]

Kleure, embleem en bynaam

wysig
 
Die Verenigde State se Arendegelukbringer – Rookie the Eagle – tydens die Churchillbeker 2010

Die Verenigde State speel tradisioneel in ’n wit trui met blou en rooi kleuraksente, ’n blou gestreepte wit broek en wit sokkies. Hul alternatiewe trui is ’n rooi en wit gestreepte donkerblou trui met ’n wit gestreepte donkerblou broek en donkerblou sokkies. Tydens die Olimpiese Somerspele 1920 in Antwerpen en 1924 in Parys se rugbytoernooie het die Verenigde State in ’n wit trui met die groot seël se wapenskild op die bors, ’n wit broek en blou en rooi gestreepte wit sokkies uitgedraf.

Die huidige truiverskaffer is Canterbury[69] en die truiborg is Medallia.[70] Die beheerliggaam se kenteken verskyn op die regterbors, die truiverskaffer se kenteken links en die borgkenteken in die middel.

Die beheerliggaam VSA Rugby se kenteken toon die Amerikaanse seearend (Haliaeetus leucocephalus) in die nasionale kleure wit, blou en rooi, wat ’n rugbybal dra, met die belettering USA Rugby daaronder. Die nasionale span se bynaam is Eagles („Arende“) en aan die Verenigde State se nasionale voël, die Amerikaanse seearend, ontleen. Die span se gelukbringer is derhalwe ’n Amerikaanse seearend met die naam Rookie the Eagle.

Tuisstadions

wysig
 
Infinity Park in Denver, Colorado, is al vir tuiswedstryde van die Arende ingespan

Die Arende beskik nie oor ’n amptelike tuisstadion nie. Die Verenigde State het verskeie van hul tuiswedstryde op Infinity Park in Denver, Colorado, gespeel, maar sedert die toenemende gewildheid van die nasionale rugbyspan het dié stadion te klein geword en sedert Junie 2012 het die Arende nie meer daar gespeel nie. Sedertdien speel die Verenigde State hul tuiswedstryde gewoonlik in groter Major League Soccer-stadions dwarsdeur die land. Sedert Junie 2012 speel die Arende elke Juniemaand ’n tuiswedstryd teen ’n vlak-een-span voor ’n groot skare op BBVA Compass-stadion in Houston, Texas.[71] Sedert 2012 het die Arende ook op ander MLS-stadions soos PPL Park in Philadelphia en die Dignity Health Sports Park in Los Angeles gespeel. Die Arende speel van hul minder hoëprofielwedstryde op kleiner sokkerstadions.

Die internasionale rugbywedstryd in die Verenigde State met die hoogste toeskouerbywoning het nie die span van die Verenigde State betrek nie; ’n skare van 62 000 het die wedstryd tussen Ierland en Nieu-Seeland bygewoon, waarin die Iere op 5 November 2016 vir die eerste keer die All Blacks met 40–29 op Soldier Field geklop het.[72]

Rugbywêreldbekerstadions

wysig
Die hoofartikel vir hierdie afdeling is: Rugbywêreldbeker 2031.

Die Verenigde State sal die Rugbywêreldbeker 2031 aanbied. Dit sal die eerste rugbywêreldbekertoernooi nog in die Amerikas wees.[73]

Toetswedstryde

wysig
 
Die Verenigde State se plek op Wêreldrugby se ranglys van 10 Oktober 2003 tot op hede

Die Verenigde State het 102 van hul 267 toetswedstryde gewen, ’n wenrekord van 38,20%. Die Verenigde State se statistieke in toetswedstryde teen alle lande, in alfabetiese volgorde, is soos volg (korrek teen September 2024):[74]

Opponent Gespeel Gewen Verloor Gelykop % Gewen
  Argentinië 9 0 9 0 0,00
  Australië 8 0 8 0 0,00
  Barbados 1 1 0 0 100,00
  Bermuda 1 1 0 0 100,00
  Brasilië 4 3 1 0 75,00
  Chili 8 6 2 0 75,00
  Duitsland 1 1 0 0 100,00
  Engeland 7 0 7 0 0,00
  Fidji 7 1 6 0 14,29
  Frankryk 9 2 7 0 22,22
  Georgië 6 3 3 0 50,00
  Hongkong 8 4 4 0 50,00
   Ierland 11 0 11 0 0,00
  Italië 5 0 5 0 0,00
  Japan 25 13 11 1 52,00
  Kanada 66 25 39 2 37,88
  Kenia 1 1 0 0 100,00
  Nieu-Seeland 4 0 4 0 0,00
  Portugal 4 2 1 1 50,00
  Roemenië 11 8 3 0 72,73
  Rusland 9 8 1 0 88,89
  Samoa 8 2 6 0 25,00
  Skotland 7 1 6 0 14,29
  Sowjetunie 1 0 1 0 0,00
  Spanje 3 3 0 0 100,00
  Suid-Afrika 4 0 4 0 0,00
  Tonga 10 1 9 0 10,00
  Tunisië 1 1 0 0 100,00
  Uruguay 20 15 4 1 75,00
  Wallis 7 0 7 0 0,00
Algeheel 267 102 160 5 38,20

Wedywering met Kanada

wysig

Die Verenigde State se grootste mededinger in rugby is Kanada. Die Verenigde State het meer toetswedstryde teen dié noordelike buurland as teen enige ander land gespeel. Die twee spanne het in 1977 vir die eerste keer teen mekaar te staan gekom en ontmoet sedertdien jaarliks, met uitsondering van 2010 en 2020. Kanada en die Verenigde State het tot dusver in 66 toetswedstryde ontmoet, van wie die Verenigde State 25 gewen het en Kanada 39, met twee gelykopuitslae.

Die Verenigde State en Kanada speel gereeld tydens die rugbywêreldbekerkwalifisering teen mekaar. Hulle het tot dusver in elke kwalifisering ontmoet, met uitsondering vir die 1987-toernooi, waar spanne pleks van kwalifisering vir deelname uitgenooi is, en die 1995-toernooi, waarvoor Kanada as deelnemer in die kwarteindrondte tydens die Rugbywêreldbeker 1991 regstreeks gekwalifiseer het. Sedert 2015 ontmoet albei spanne jaarliks tydens die Amerikaanse Rugbykampioenskap.

Van 2014 af was die Verenigde State in twaalf toetswedstryde onoorwonne (elf oorwinnings en een gelykop), totdat Kanada in 2021 weer geseëvier het.[75] Die eerste oorwinning in die Arende se wenreeks het ’n onoorwonne wenreeks van Kanada beëindig wat in 2009 begin het.[76]

Rekords

wysig

Wêreldbekerrekord

wysig

Die Verenigde State het tot dusver aan amper elke rugbywêreldbekertoernooi deelgeneem, met uitsondering van 1995 in Suid-Afrika en 2023 in Frankryk. Hul beste prestasie tot dusver was een oorwinning elk tydens die toernooie in 1987, 2003 en 2011.

Jaar Uitslag
1987 Groepfase
1991 Groepfase
1995 Nie gekwalifiseer nie
1999 Groepfase
2003 Groepfase
2007 Groepfase
2011 Groepfase
2015 Groepfase
2019 Groepfase
2023 Nie gekwalifiseer nie
2027 N.v.t.
2031 N.v.t.

Olimpiese Somerspele

wysig
  • 1920: Olimpiese kampioen
  • 1924: Olimpiese kampioen

Amerikaanse Rugbykampioenskap

wysig

Die Verenigde State se enigste jaarlikse toernooi is die Amerikaanse Rugbykampioenskap, waar hulle teen Brasilië, Chili, Kanada en Uruguay asook die Argentynse tweede span speel. Die Verenigde State het dié toernooi tot dusver twee keer gewen (in 2017 en 2018).

Churchillbeker

wysig

Van 2003 tot 2011 het die Verenigde State aan die jaarlikse Churchillbeker deelgeneem, maar hulle het geen titeloorwinning aangeteken nie.

Stille Oseaan-nasiesbeker

wysig

Die Verenigde State is tot dusver vier keer vir deelname aan die Stille Oseaan-nasiesbeker uitgenooi, die jaarlikse toernooi tussen die drie rugbylande Fidji, Samoa en Tonga. Hulle het nog geen titeloorwinning aangeteken nie.

Ander toetswedstryde

wysig
 
Die Verenigde State ding sedert 2014 met Roemenië om die Pershingbeker mee

Gedurende die amateurtydperk het die Verenigde State deels maandelange oorsese toere onderneem, waartydens hulle teen ander nasionale spanne, plaaslike saamgestelde spanne en klubspanne gespeel het. Eweneens het hulle ander nasionale spanne in die Verenigde State gehuisves. Teen die jaar 2000 het die oorsese toere volgens die ou tradisie tot ’n einde gekom, aangesien die professionalisering van die rugbyspel te min tyd vir toere oorlaat. Deesdae is toetswedstryde teen die spanne van die Suidelike Halfrond tweekeer per jaar moontlik. Gedurende Juniemaand se midjaarrugbytoetsreeks vertrek die Verenigde State na die Suidelike Halfrond en gedurende Novembermaand se eindjaarrugbytoetsreeks tree die Verenigde State as gasheer op. As deel daarvan ding die Verenigde State sedert 2014 met Roemenië om die Pershingbeker mee.

Spelers

wysig

Huidige span

wysig

Die volgende spelers het die Verenigde State se span gevorm tydens die Stille Oseaan-nasiesbeker 2024:[77]

Agterspelers (backs)
Speler Posisie Klub Toetswedstryde
Ruben de Haas Skrumskakel Cheetahs 31
Ethan McVeigh Skrumskakel Old Glory DC 01
Juan-Philip Smith Skrumskakel Seattle Seawolves 02
Luke Carty Losskakel Chicago Hounds 16
Rand Santos Losskakel Universiteit van Kalifornië 00
Dominic Besag Senter Saint Mary's College 02
Tommaso Boni Senter Old Glory DC 06
Bryce Campbell Senter Chicago Hounds 46
Tavite Lopeti Senter Seattle Seawolves 14
Nate Augspurger Vleuel Chicago Hounds 43
Conner Mooneyham Vleuel Seattle Seawolves 01
Mitch Wilson Vleuel New England Free Jacks 08
Toby Fricker Heelagter New England Free Jacks 00
Chris Mattina Heelagter San Diego Legion 05
Voorspelers (forwards)
Speler Posisie Klub Toetswedstryde
Cyrille Cama Haker San Diego Legion 00
Sean McNulty Haker Miami Sharks 00
Kapeli Pifeleti Haker Saracens 12
Pono Davis Stut Houston SaberCats 00
Jack Iscaro Stut Old Glory DC 07
Alex Maughan Stut RFC Los Angeles 03
Paul Mullen Stut Utah Warriors 35
Payton Telea-Ilalio Stut San Diego Legion 00
Jake Turnbull Stut Anthem RC 07
Jason Damm Slot RFC Los Angeles 02
Greg Peterson   Slot San Diego Legion 44
William Waguespack Slot New Orleans Gold 00
Cory Daniel Losvoorspeler Old Glory DC 03
Jamason Fa’anana-Schultz Losvoorspeler Old Glory DC 11
Vili Helu Losvoorspeler San Diego Legion 07
Paddy Ryan Losvoorspeler San Diego Legion 07
Moni Tonga’uiha Losvoorspeler New Orleans Gold 06
Thomas Tu’avao Losvoorspeler Utah Warriors 06

Bekende spelers

wysig
 
Dan Carroll (1908)

Een voormalige Amerikaanse speler is vir sy uitstekende prestasies in Wêreldrugby se Heldesaal opgeneem:[78]

Speler Posisie Inskrywing
Dan Carroll Senter, Losskakel
Vleuel, Skrumskakel		 2016

Daarbenewens is die twee Olimpiese spanne, wat in 1920 en 1924 die goue medalje gewen het, ingeskryf.[79]

Spelerstatistieke

wysig
 
Blaine Scully (2009)
 
Luke Gross (2008)
 
Todd Clever (2010)

Vervolgens die belangrikste statistieke van die Verenigde State se spelers. Die spelers wat met * gekenmerk is, is nog aktief en kan hul statistieke verbeter.

(Korrek teen September 2024)

Meeste toetswedstryde[80]
Rang Naam Tydperk Toetswedstryde
01 Todd Clever 2003–2017 76
02 Mike MacDonald 2000–2012 67
03 Cameron Dolan * 2013–2024 67
04 Luke Gross 1996–2003 62
05 Alec Parker 1996–2009 58
06 Mike Petri 2007–2015 57
07 Louis Stanfill 2005–2015 56
08 Blaine Scully 2011–2019 54
09 Chris Wyles 2007–2015 54
10 Twee spelers met 53 toetswedstryde elk
Meeste toetswedstryde as kaptein[81]
Rang Naam Tydperk Toetswedstryde
01 Todd Clever 2008–2017 51
02 Dave Hodges 2000–2003 28
03 Dan Lyle 1996–2003 24
04 Blaine Scully 2016–2019 23
05 Kort Schubert 2003–2006 17
06 Tom Billups 1998–1998 12
07 Ed Burlingham 1983–1987 09
08 Kevin Swords 1991–1994 08
09 Brian Vizard 1990–1991 08
10 Chris Wyles 2015–2015 08
Meeste punte aangeteken[82]
Rang Naam Tydperk Punte
01 Mike Hercus 2002–2009 465
02 AJ MacGinty * 2015–2024 371
03 Matt Alexander 1995–1998 286
04 Chris Wyles 2007–2015 222
05 Chris O’Brien 1988–1994 144
06 Mark Williams 1987–1999 143
07 Vaea Anitoni 1992–2002 130
08 Joe Taufeteʻe * 2015–2024 115
09 Kevin Dalzell 1996–2003 109
10 Cameron Dolan * 2013–2024 105
Meeste drieë gedruk[83]
Rang Naam Tydperk Drieë
01 Vaea Anitoni 1992–2000 26
02 Joe Taufeteʻe * 2015–2024 23
03 Cameron Dolan * 2013–2024 21
04 Paul Emerick 2003–2012 17
05 Todd Clever 2003–2017 16
06 Mike Teʻo 2016–2021 16
07 Chris Wyles 2007–2015 16
08 Blaine Scully 2011–2019 15
09 Hanco Germishuys 2016–2022 14
10 Twee spelers met 13 drieë elk

Afrigters

wysig
 
Gary Gold (2010)
 
Mike Tolkin (2015)

In 1976 het VSA Rugby met Dennis Storer die eerste hoofafrigter benoem. Sedert 2018 dien die Suid-Afrikaner Gary Gold as hoofafrigter.

Naam Tydperk
  Dennis Storer 1976–1977
  Ray Cornbill 1978–1983
  Ron Mayes 1983–1987
  George Hook 1987
  Jim Perkins 1987–1991
  Jack Clark 1993–1999
  Duncan Hall 2000–2001
  Tom Billups 2001–2005
  Peter Thorburn 2006–2007
  Scott Johnson 2008–2009
  Eddie O’Sullivan 2009–2011
  Mike Tolkin 2012–2015
  John Mitchell 2016–2017
  Dave Hewett 2017
  Gary Gold 2018–2023
  Scott Lawrence sedert 2023

Sien ook

wysig
  Rugbyportaal

Verwysings

wysig
  1. ↑ (en) "Most matches". ESPNscrum. Besoek op 22 September 2024.
  2. ↑ (en) "Most points". ESPNscrum. Besoek op 22 September 2024.
  3. ↑ (en) "Most tries". ESPNscrum. Besoek op 22 September 2024.
  4. ↑ 4,0 4,1 (en) "World Rugby Men's Rankings". Wêreldrugby. Besoek op 22 September 2024.
  5. ↑ (en) "USA". Wêreldrugby. Besoek op 22 September 2024.
  6. ↑ (en) "About RAN". Rugby Amerikas Noord. 2001. Besoek op 22 September 2024.
  7. ↑ (en) "Super Rugby Americas to launch without Pride or Jaguares". Americas Rugby News. 22 Desember 2022. Besoek op 22 September 2024.
  8. ↑ (en) "World Rugby U20 Championship". Wêreldrugby. Besoek op 22 September 2024.
  9. ↑ (en) "NFL, meet your latest rival: Rugby is coming to America". qz.com. 10 November 2015. Besoek op 22 September 2024.
  10. ↑ (en) Stewart Culin (1975). Games of the North American Indians. New York: Dover Publications. pp. 697–699. ISBN 0-486-23125-9.
  11. ↑ 11,0 11,1 (en) Richard Bath (1997). Complete Book of Rugby. Seven Oaks. p. 77. ISBN 1-86200-013-1.
  12. ↑ (en) "Rugby in USA". Rugby Football History. Besoek op 22 September 2024.
  13. ↑ (en) "Gridiron football". Encyclopædia Britannica. Besoek op 22 September 2024.
  14. ↑ (en) "Rugby in USA". rugbyfootballhistory.com. Besoek op 22 September 2024.
  15. ↑ (en) "The president who saved football". CNN. 5 Februarie 2012. Besoek op 22 September 2024.
  16. ↑ 16,0 16,1 16,2 (en) Huw Richards (29 Oktober 2013). "The tour that killed American rugby". ESPNscrum. Besoek op 22 September 2024.
  17. ↑ (en) "Laird Monterey Morris". The Rugby History Society. Geargiveer vanaf die oorspronklike op 5 Maart 2016. Besoek op 5 Maart 2016.
  18. ↑ 18,0 18,1 (en) "Can American rugby move beyond the college campus?". The Guardian. 25 September 2011. Besoek op 22 September 2024.
  19. ↑ 19,0 19,1 19,2 19,3 (en) "1920 Rugby: Cal's First Olympic Gold Medalists". California Golden Bears. 18 Junie 2012. Besoek op 22 September 2024.
  20. ↑ (en) "A.A.U. to Pay Expenses of Rugby Team to Olympics". Stanford-universiteit, Kalifornië: The New York Times. 4 Junie 1920. Besoek op 22 September 2024 – via Newspapers.com.
  21. ↑ 21,0 21,1 21,2 (en) "1924 Rugby: A Wild Olympic Rematch". California Golden Blogs. 20 Junie 2012. Besoek op 22 September 2024.
  22. ↑ (en) U.S. Team is Hissed by French When it Wins Olympic Title. In: The New York Times, 19 Mei 1924.
  23. ↑ (en) "Rugby at the 1924 Olympics". Wesclark. Besoek op 22 September 2024.
  24. ↑ (en) "Olympic Rugby: Rugby and the Olympics". ESPNscrum. 26 Junie 2012. Besoek op 22 September 2024.
  25. ↑ (en) "History of rugby in the Olympics". Wêreldrugby. 2021. Besoek op 22 September 2024.
  26. ↑ (en) Sarah Holt (13 Oktober 2006). "Rugby reborn in the USA". BBC. Besoek op 22 September 2024.
  27. ↑ (en) Tony Collins (15 Junie 2015). "Rugby League in North America in the 1950s". ESPNscrum. Besoek op 22 September 2024.
  28. ↑ 28,0 28,1 (en) "SCRFU History". Southern California RFU. Geargiveer vanaf die oorspronklike op 17 Oktober 2014. Besoek op 17 Oktober 2014.
  29. ↑ (en) "Aussie Rugby California Dreamin'". The Roar. 4 April 2012. Besoek op 22 September 2024.
  30. ↑ (en) Vivian Jenkins (1978). Rothmans Rugby Yearbook 1978–79. Queen Anne Press. ISBN 0-354-09047-X.
  31. ↑ (en) Chuck Miller (10 April 1995). "Rugby in the national spotlight: The 1981 USA tour of the Springboks". Rugby Magazine. Besoek op 22 September 2024.
  32. ↑ (en) "IRB Match Preview: Japan v USA" (PDF). Wêreldrugby. 23 Junie 2013. Geargiveer vanaf die oorspronklike (PDF) op 26 Junie 2013. Besoek op 26 Junie 2013.
  33. ↑ (en) "USA play a different ball game". BBC. 26 September 2003. Besoek op 22 September 2024.
  34. ↑ (en) "Rugby World Cup 1987: Overview". rugbyworldcup.com. 2019. Besoek op 22 September 2024.
  35. ↑ (en) Stephen Jones, red. (1988). Rothmans Rugby Union Yearbook 1988–89. Rothmans Publications Ltd & Queen Anne Press. pp. 30–33. ISBN 0-356-15884-5.
  36. ↑ 36,0 36,1 (en) "Notes on USA v Romania". Rugby Mag. 23 November 2012. Geargiveer vanaf die oorspronklike op 25 Oktober 2013. Besoek op 25 Oktober 2013.
  37. ↑ 37,0 37,1 (en) "Test matches – Team records – USA". ESPNscrum. Besoek op 22 September 2024.
  38. ↑ (en) "Rugby World Cup 1991: Overview". rugbyworldcup.com. 2019. Besoek op 22 September 2024.
  39. ↑ (en) "1995 Rugby World Cup Qualifier". ESPNscrum. Besoek op 22 September 2024.
  40. ↑ (en) "Pacific Rim Championship 1999". ESPNscrum. Besoek op 22 September 2024.
  41. ↑ (en) "Rugby World Cup 1999: Overview". rugbyworldcup.com. 2019. Besoek op 22 September 2024.
  42. ↑ (en) "USA hammers Japan". ESPNscrum. 18 Mei 2003. Besoek op 22 September 2024.
  43. ↑ (en) "Wallabies send All Blacks home". ESPNscrum. 24 Maart 2015. Besoek op 22 September 2024.
  44. ↑ (en) "Rugby World Cup 2003: Overview". rugbyworldcup.com. 2019. Besoek op 22 September 2024.
  45. ↑ (en) "USA secures place at RWC'07". ESPNscrum. 8 Oktober 2006. Besoek op 22 September 2024.
  46. ↑ (en) "Rugby World Cup 2007: Overview". rugbyworldcup.com. 2019. Besoek op 22 September 2024.
  47. ↑ (en) "Rugby World Cup 2011: USA's story". Rugby World. 1 Augustus 2011. Besoek op 22 September 2024.
  48. ↑ (en) "O'Sullivan lands Eagles job". ESPNscrum. 5 Maart 2009. Besoek op 22 September 2024.
  49. ↑ (en) "Churchill Cup returns to America". Rugby 365. 22 Februarie 2010. Besoek op 22 September 2024.
  50. ↑ (en) "Eagles claim 2011 World Cup berth". BBC. 22 November 2009. Besoek op 22 September 2024.
  51. ↑ (en) "Rugby World Cup 2011: Overview". rugbyworldcup.com. 2019. Besoek op 22 September 2024.
  52. ↑ (en) "Eddie O'Sullivan stands down as US Eagles coach". BBC. 16 November 2011. Besoek op 22 September 2024.
  53. ↑ (en) "Pacific Nations Cup 2013". ESPNscrum. 2013. Besoek op 22 September 2024.
  54. ↑ (en) "Rugby International: USA 12–15 Ireland". ESPNscrum. 9 Junie 2013. Besoek op 22 September 2024.
  55. ↑ (en) "Eagles Selected For First Uruguay Match". This Is American Rugby. 15 Maart 2014. Besoek op 22 September 2024.
  56. ↑ (en) "Wallaby greats say US 'sleeping giant' of rugby and hail All Blacks' Chicago Test". The Guardian. 7 November 2014. Geargiveer vanaf die oorspronklike op 3 Maart 2016. Besoek op 3 Maart 2016.
  57. ↑ (en) Jack McCarthy (1 November 2014). "Rugby match draws 61,500 to Soldier Field". Chicago Tribune. Besoek op 22 September 2024.
  58. ↑ (en) "Eagles Fall to Wallabies in Last RWC Tune-Up". Rugby Today. 5 September 2015. Geargiveer vanaf die oorspronklike op 3 Desember 2019. Besoek op 3 Desember 2019.
  59. ↑ (en) "Rugby World Cup 2015: Overview". rugbyworldcup.com. 2019. Besoek op 22 September 2024.
  60. ↑ (en) Martin Pengelly (9 November 2015). "US professional rugby union competition to begin play in April". The Guardian. Besoek op 22 September 2024.
  61. ↑ (en) "Second PRO Rugby Team Confirmed for California". Americas Rugby news. 21 November 2015. Besoek op 22 September 2024.
  62. ↑ (en) "USA Rugby's first professional league, PRO Rugby, is defunct after eight months". stuff.co.nz. 21 Desember 2016. Besoek op 22 September 2024.
  63. ↑ (en) "Last-second try gives Eagles ARC Title". Americas Rugby News. 4 Maart 2017. Besoek op 22 September 2024.
  64. ↑ (en) "USA claim ARC Grand Slam in Uruguay". Americas Rugby News. 3 Maart 2018. Besoek op 22 September 2024.
  65. ↑ (en) Tom Hamilton (20 April 2018). "Major League Rugby: Inside rugby's latest attempt to crack America". ESPNscrum. Besoek op 22 September 2024.
  66. ↑ (en) "Scotland stunned as U.S. earn first ever tier one victory". ESPNscrum. 17 Junie 2018. Besoek op 22 September 2024.
  67. ↑ (en) "Pool C". rugbyworldcup.com. 2019. Besoek op 22 September 2024.
  68. ↑ (en) "Samuel Marques kicks Portugal to Rugby World Cup 2023". rugbyworldcup.com. 18 November 2022. Besoek op 22 September 2024.
  69. ↑ (en) "Canterbury unveils new USA rugby Shirts & jerseys". Canterbury. 1 April 2013. Geargiveer vanaf die oorspronklike op 26 Julie 2021. Besoek op 26 Julie 2021.
  70. ↑ (en) Aalina Tabani (30 Junie 2021). "Medallia to feature on front and back of jersey for USA Men's XVs National Team's July tests". VSA Rugby. Besoek op 22 September 2024.
  71. ↑ (en) "It's Official: USA Eagles vs Italy". Texas Rugby Union. 6 Maart 2012. Besoek op 22 September 2024.
  72. ↑ (en) "Inspired Ireland record first ever win over All Blacks at Chicago's Soldier Field". News.com.au. 6 November 2016. Besoek op 22 September 2024.
  73. ↑ (en) "Rugby World Cup host locations confirmed through to 2033". Wêreldrugby. 12 Mei 2022. Besoek op 22 September 2024.
  74. ↑ (en) "International Rugby Union Statistics – United States". ESPNscrum. Besoek op 22 September 2024.
  75. ↑ (en) "USA coach 'at a loss for words' after World Cup qualifying upset". Rugbypass. 5 September 2021. Besoek op 22 September 2024.
  76. ↑ (en) "USA claim first victory over Canada since 2009". ESPNscrum. 22 Junie 2014. Besoek op 22 September 2024.
  77. ↑ (en) Calder Cahill (15 Augustus 2024). "Six uncapped players in Eagles squad for Pacific Nations Cup". Americas Rugby News. Besoek op 22 September 2024.
  78. ↑ (en) "Inductees". Wêreldrugby. Besoek op 22 September 2024.
  79. ↑ (en) "1920 and 1924 USA Olympic Team". World Rugby Hall of Fame. Besoek op 22 September 2024.
  80. ↑ (en) "Total matches played (descending)". ESPNscrum. Besoek op 22 September 2024.
  81. ↑ (en) "Total matches played as captain (descending)". ESPNscrum. Besoek op 22 September 2024.
  82. ↑ (en) "Total points scored (descending)". ESPNscrum. Besoek op 22 September 2024.
  83. ↑ (en) "Total tries scored (descending)". ESPNscrum. Besoek op 22 September 2024.

Verdere leesstof

wysig
  • (en) Huw Richards (2007). A Game for Hooligans: The History of Rugby Union. Edinburgh: Mainstream Publishing. ISBN 978-1-84596-255-5.
  • (en) Richard Bath (1997). The Complete Book of Rugby. Seven Oaks. ISBN 1-86200-013-1.

Eksterne skakels

wysig
Ontsluit van "https://af.wikipedia.org/w/index.php?title=Verenigde_State_se_nasionale_rugbyspan&oldid=2704988"