Wikipedia:Interessante brokkies
Hier word die werk gekoördineer vir die interessante brokkies op die voorblad onder die opskrif "Het u geweet?" Dit word outomaties op die voorblad ingesluit. Die werkswyse is as volg:
- 'n Interessante item word in 'n subblad van hierdie blad geskep. Sien die skakels onder vir die volgende beskikbare naam (kies die rooi skakel onder die laaste brokkie).
- Elke item bevat slegs een brokkie wat bewoord word om die sin "Het u geweet ... " sinvol te voltooi. Dus behoort meeste inskrywings te begin met "... dat" ('n ellips en die woord 'dat'). Daarna 'n kort uitleg van die gegewe feit.
- Die voorblad wys die inhoud van Wikipedia:Interessante_brokkies/Voorblad wat outomaties vyf willekeurige brokkies laai.
- Items moet skakel na bestaande artikels. Dit sal help om die kultuur van bronverwysings te versterk. Teikenartikels moet van redelike kwaliteit wees en nie onder oorweging vir verwydering, NPOV of kopieregprobleme wees nie. Aangesien die artikel op die voorblad geadverteer word, moet dit netjies wees, maar hoef geensins volledig of voltooid te wees nie. Moenie kontroversiële of debateerbare sake behandel nie en gebruik feite wat maklik sal wees om na te spoor.
- As jy 'n nuwe brokkie hieronder byvoeg, dan moet jy op Wikipedia:Interessante_brokkies/Voorblad die eerste nommer op elke lyn inkrement sodat dit een getal hoër is as die huidige bedrag brokkies. (b.v. as daar 130 brokkies is, dan moet die nommer 131 wees)
Die brokkies
wysig- Interessante brokkie 0
... dat die Mercury-Redstone 1 ruimtevlug as die vierduim vlug bekend staan?
Bekyk - Wysig - Geskiedenis
- Interessante brokkie 1
... dat die oorspronklike benaming vir die eerste maand van die jaar (Januarie), die Latynse benaming is vir die Romeinse god Janus? Die vroeër benaming vir hierdie maand was "louwmaand" en dit stam uit die middel-Hollandse taal. In Holland word hierdie maandnaam nog gebruik, maar die Latynse benaming is meer algemeen.
Bekyk - Wysig - Geskiedenis
- Interessante brokkie 2
... dat die Groot en die Klein Magellaanse Wolk na Ferdinand Magellaan vernoem is, maar dat Al Soefi dit reeds meer as 500 jaar voor hom opgeteken het? Hy verwys daarna in sy "Boek van sterre" wat uit 964 dateer.
Bekyk - Wysig - Geskiedenis
- Interessante brokkie 3
... dat Noord-Sotho nie 'n enkele taal is nie, al is dit 'n amptelike taal van Suid-Afrika? Dit is bloot 'n versamelnaam vir 'n klomp verwante tale, waarvan Pedi die grootste aantal sprekers het en die amptelike skryfwyse bepaal.
Bekyk - Wysig - Geskiedenis
- Interessante brokkie 4
... dat party stowwe se smelt- en stoltemperature nie ooreenstem nie? Alhoewel seewierjellie by 85 °C smelt, sal dit eers stol wanneer dit tot tussen 32 en 40 °C afgekoel het. Dit kan dus tussen 32 en 85 °C 'n vastestof of 'n vloeistof wees; 'n verskynsel wat bekend staan as histerese.
Bekyk - Wysig - Geskiedenis
- Interessante brokkie 5
... dat Tafelberg die enigste aardkenmerk is waaraan 'n sterrebeeld se naam ontleen is? Mensa, wat "tafel" beteken, is 'n sterrebeeld van die Suidelike Halfrond wat taamlik laat afgebaken is en dus geen antieke mitologie het nie.
Bekyk - Wysig - Geskiedenis
- Interessante brokkie 6
... dat water sy hoogste digtheid by 4°C bereik? Hierdie eienskap is belangrik vir waterorganismes en kom in slegs twee ander stowwe voor.
Bekyk - Wysig - Geskiedenis
- Interessante brokkie 7
... dat u kan sien watter artikels na 'n spesifieke een toe skakel en aanstuur? Onder "gereedskap" (links) is "Skakels hierheen" beskikbaar wat hierdie inligting verskaf. Dit werk selfs vir artikels wat nog nie bestaan nie.
Bekyk - Wysig - Geskiedenis
- Interessante brokkie 8
... dat Suid-Afrika Finland in 1939 bygestaan het in die Winteroorlog? Verskeie lande het Finland bygestaan en Suid-Afrika het 29 Gloster Gauntlet-vliegtuie geskenk.
Bekyk - Wysig - Geskiedenis
- Interessante brokkie 9
... dat Frans deur honderdduisende mense as huistaal gepraat word in die VSA? Alhoewel miljoene Amerikaners van Franse herkoms is, het Engels Frans hoofsaaklik verdring en kan slegs 'n klein deel van die Franse nasate nog Frans praat.
Bekyk - Wysig - Geskiedenis
- Interessante brokkie 10
... dat Suid-Afrika die VSA gehelp het met intelligensie as deel van ECHELON? By die Silwermyn Natuurreservaat is antennes wat sedert die 1970's vir spioenasie gebruik is.
Bekyk - Wysig - Geskiedenis
- Interessante brokkie 11
... dat die profeet Mohammed in die gedeeltes van die Koran wat tydens die eerste vyf jaar van sy openbare bediening in Mekka opgeteken is, nie een keer die naam Allah gebruik het nie? In dié tyd het hy na God verwys as "Heer" of "Skepper" (Rabb).
Bekyk - Wysig - Geskiedenis
- Interessante brokkie 12
... dat mens artikels kan soek volgens die eerste letters van die artikelnaam?
By die Voorvoegselindeks kan mens byvoorbeeld "ek" intik en alle artikelname wat met "ek" begin, opspoor.
Bekyk - Wysig - Geskiedenis
- Interessante brokkie 13
... dat sekere vroue in die Victoriaanse tydperk arseen gemeng met asyn en kalk gedrink het? Dit is gedoen om hul gelaatskleur te verbeter en hulle velle ligter te maak as bewys dat hulle van 'n hoër stand is en nie in die landerye werk nie.
Bekyk - Wysig - Geskiedenis
- Interessante brokkie 14
... dat daar ridders was wat terselfdertyd ook monnike was? Die Orde van die Tempeliers was so 'n ridderorde.
Bekyk - Wysig - Geskiedenis
- Interessante brokkie 15
... dat die Ellis Park-stadion nie na William Webb Ellis vernoem is nie? Dit is vernoem na 'n Johannesburgse stadsraadslid mnr. J.D. Ellis wat die grond vir die oprigting van die stadion beskikbaar gestel het.
Bekyk - Wysig - Geskiedenis
- Interessante brokkie 16
... dat die Bastille, een van Parys se geskiedkundige bakens, nie meer bestaan nie? Dit is tussen 16 Julie 1789 en Oktober 1790 deur Pierre-François Palloy afgebreek.
Bekyk - Wysig - Geskiedenis
- Interessante brokkie 17
... dat die kapibara se idiomatiese naam, "watervark", 'n wanbenaming is? Dié dier is in werklikheid verwant aan die muis en die rot, en met lengtes tot meer as 130cm, is dit die grootste knaagdier ter wêreld.
Bekyk - Wysig - Geskiedenis
- Interessante brokkie 18
... dat 2006 as 'n Mozart-jaar gevier is? Mozart is 250 jaar tevore, op 27 Januarie 1756 gebore.
Bekyk - Wysig - Geskiedenis
- Interessante brokkie 19
... dat Pretoriabrug 'n hefbrug in Ottawa, Kanada is? Dit is vernoem na Pretoriastraat wat in 1902 van Janestraat hernoem is om die Britse oorwinning in die Anglo-Boereoorlog te vier.
Bekyk - Wysig - Geskiedenis
- Interessante brokkie 20
... dat daar niks "suur" aan suurstof is nie? Die woord het ontstaan toe mense vroeër geglo het dat alle sure suurstof bevat.
Bekyk - Wysig - Geskiedenis
- Interessante brokkie 21
... dat Manfred von Richthofen, die Duitse vegvlieënier wat ook as die Rooi Baron bekend gestaan het, tydens die Eerste Wêreldoorlog tot 80 vyandelike vliegtuie afgeskiet het?
Bekyk - Wysig - Geskiedenis
- Interessante brokkie 22
... dat 'n hartvorm (♥) deur 'n wiskundige funksie geteken kan word? Die funksie staan bekend as 'n kardioïed en kan eenvoudig gedefinieer word in poolkoördinate.
Bekyk - Wysig - Geskiedenis
- Interessante brokkie 23
... dat broom en kwik die enigste twee elemente is wat in suiwer vorm as 'n vloeistof by kamertemperatuur voorkom?
Bekyk - Wysig - Geskiedenis
- Interessante brokkie 24
... dat Wikings reeds 500 jaar voor Christopher Columbus Amerika ontdek het? Hulle het 'n nedersetting by L'Anse aux Meadows op Newfoundland eiland in Kanada gevestig.
Bekyk - Wysig - Geskiedenis
- Interessante brokkie 25
... dat daar geraam word dat meer as die helfte van alle fotosintese wat op aarde plaasvind nie vanaf plante afkomstig is nie, maar vanaf bakterieë en alge?
Bekyk - Wysig - Geskiedenis
- Interessante brokkie 26
... dat die Deense wiskundige Piet Hein 'n superellipsvorm gebruik het om die Sergels Torg-verkeersirkel in Stockholm, Swede te ontwerp?
Bekyk - Wysig - Geskiedenis
- Interessante brokkie 27
... Samuel Morse, die uitvinder van die telegraaf, vir burgemeester van New York gestaan het? Hy was egter nie suksesvol nie.
Bekyk - Wysig - Geskiedenis
- Interessante brokkie 28
... dat die Kaap Agulhasvuurtoring by Kaap Agulhas wat op 1 Maart 1849 in gebruik geneem is, gebou is volgens die model van die Pharos van Alexandrië, een van die Sewe wonders van die antieke wêreld?
Bekyk - Wysig - Geskiedenis
- Interessante brokkie 29
... dat die meter tussen 1960 en 1983 in terme van die lig wat van 'n kriptonisotoop af uitgestraal word, gespesifiseer is?
Bekyk - Wysig - Geskiedenis
- Interessante brokkie 30
... dat die chemiese element en radioaktiewe edelgas radon, wat natuurlik uit die grond vrygestel word, beskou word as die belangrikste oorsaak van longkanker naas sigaretrook? Jaarliks sterf meer as 40 000 mense wêreldwyd aan longkanker wat deur radon veroorsaak is.
Bekyk - Wysig - Geskiedenis
- Interessante brokkie 31
... dat die eerste wêreldrekord deur 'n Suid-Afrikaner in 1883 deur die verspringer Izak Prinsloo op Kerkplein in Pretoria opgestel is? In dié tyd het die plein ook as 'n mark en sportveld gedien.
Bekyk - Wysig - Geskiedenis
- Interessante brokkie 32
... dat die Russiese komponis Dmitri Sjostakovitsj die DSCH- musikale motief gebruik het om homself in musieknote voor te stel?
Bekyk - Wysig - Geskiedenis
- Interessante brokkie 33
... dat die Groenpuntvuurtoring die oudste vuurtoring in Suid-Afrika is? Dit staan op die noordwestelike punt van Tafelbaai in Mouillepunt, Kaapstad, en is in 1823 voltooi. Die rotsagtige Mouillepunt staan reeds eeue lank onder seevaarders bekend as een van die gevaarlikste punte aan die Kaap.
Bekyk - Wysig - Geskiedenis
- Interessante brokkie 34
... dat die Kasteel die Goeie Hoop in Kaapstad, wat tussen 1666 en 1679 deur die VOC gebou is, die oudste gebou in Suid-Afrika is?
Bekyk - Wysig - Geskiedenis
- Interessante brokkie 35
... dat byna die hele Kaapse Skiereiland deel is van die Tafelberg- Nasionale Park? Dié natuurreservaat is in 1998 gestig en beslaan die Tafelberg-bergreeks.
Bekyk - Wysig - Geskiedenis
- Interessante brokkie 36
... dat Clarens in die Oos-Vrystaat vernoem is na Clarens, die noordwestelike stadswyk in Montreux, Switserland, waar president Paul Kruger van die Zuid-Afrikaansche Republiek oorlede is?
Bekyk - Wysig - Geskiedenis
- Interessante brokkie 37
... dat die skrywer J.R.R. Tolkien op 3 Januarie 1892 in Bloemfontein gebore is? Sy pa is kort voor sy geboorte na Suid-Afrika verplaas, waar hy aan die hoof van 'n Britse bank gestaan het. Die toekomstige skrywer is egter op driejarige ouderdom terug na Engeland geneem.
Bekyk - Wysig - Geskiedenis
- Interessante brokkie 38
... dat Helsinki, die hoofstad van Finland, tot teen die einde van die 19de eeu 'n oorwegend Sweedstalige stad was? Vandag is Helsinki 'n tweetalige stad en praat 6,2% van sy inwoners Sweeds en 88% Fins.
Bekyk - Wysig - Geskiedenis
- Interessante brokkie 39
... dat Keulen in Duitsland naas die Franse stad Bordeaux in die 13de eeu die grootste uitvoerhawe vir wyn was? Engeland was een van die vernaamste bestemmings. Vandag is die stad beter bekend vir sy bier, Kölsch, wat ook die naam van die plaaslike dialek is.
Bekyk - Wysig - Geskiedenis
- Interessante brokkie 40
... dat die Millau-brug naby Millau in die suide van Frankryk hoër is as die Eiffeltoring en net 40 meter korter as die Empire State-gebou? Die brug is in 2004 voltooi en as mens die steunpilare in ag neem, is dit die hoogste brug ter wêreld.
Bekyk - Wysig - Geskiedenis
- Interessante brokkie 41
... dat Montreal in Kanada die tweede grootste Franstalige stad in die wêreld is? Dit is met die 3,9 miljoen inwoners in die metropolitaanse gebied die grootste stad van die Franstalige provinsie Quebec en die tweede grootste in Kanada.
Bekyk - Wysig - Geskiedenis
- Interessante brokkie 42
... dat die Indiese politikus Mahatma Gandhi vir 'n lang tydperk as 'n advokaat in Durban gewerk het? Hy was tussen 1893 en 1915 in Suid-Afrika woonagtig. Hier het hy die Natalse Indiese Kongres gestig, wat later met die ANC sou saamsmelt.
Bekyk - Wysig - Geskiedenis
- Interessante brokkie 43
... dat die Wes-Kaapprovinsie drie amptelike tale het? Die amptelike tale van die provinsie is Afrikaans, Engels en Xhosa en die 1998-grondwet is in al drie tale beskikbaar. Volgens die 2011-sensus praat 49,7% van die bevolking Afrikaans, gevolg deur Xhosa (24,7%) en Engels (20,2%).
Bekyk - Wysig - Geskiedenis
- Interessante brokkie 44
... dat 'n eenvoudige hangbrug se dek 'n kettinglynvorm volg? Die kettinglyn lyk amper soos 'n parabool en is die vorm wat 'n hangende buigbare ketting of kabel aanneem as dit onderwerp word aan 'n eenvormige gravitasiekrag.
Bekyk - Wysig - Geskiedenis
- Interessante brokkie 45
... dat die "Kop"-paviljoen by Liverpool se Anfield-stadion vernoem is in eerbied van die Slag van Spioenkop? 300 Britse soldate het in die slag gesneuwel en 1 653 is gewond. Teenswoordig is dit die gewoonte in Engels om na enige steil paviljoen as 'n "kop" te verwys.
Bekyk - Wysig - Geskiedenis
- Interessante brokkie 46
... dat Ellen Johnson-Sirleaf die eerste vroulike president van 'n Afrika-land is? Sy is as president van Liberië ingehuldig op 16 Januarie 2006. Op 9 November 2011 is sy vir 'n tweede ampstermyn gekies.
Bekyk - Wysig - Geskiedenis
- Interessante brokkie 47
... dat die katedraal van Straatsburg, met sy toring van 142 meter, wat in 1439 in Straatsburg voltooi is, sover bekend tot 1874 die hoogste gebou ter wêreld was?
Bekyk - Wysig - Geskiedenis
- Interessante brokkie 48
... dat die Normandiese dialek Jèrriais nog steeds op die Kanaaleiland Jersey as omgangstaal gepraat word, alhoewel die eiland reeds sedert 1066 onder die Britse Kroon val? Jersey vorm egter nie deel van die Verenigde Koninkryk of die Europese Unie nie.
Bekyk - Wysig - Geskiedenis
- Interessante brokkie 49
... dat die Toepolef Tu-144 van die Sowjetunie die eerste supersoniese passasiersvliegtuig ter wêreld was? Die eerste toetsvlug het op 31 Desember 1968 plaasgevind, enkele maande voordat die Frans-Britse Concorde vir die eerste keer opgestyg het.
Bekyk - Wysig - Geskiedenis
- Interessante brokkie 50
... dat Asië en Noord-Amerika op verskillende tye in die verlede deur die Beringlandbrug verbind is? Die laaste keer was tussen 22 000 en 7 000 jaar gelede.
Bekyk - Wysig - Geskiedenis
- Interessante brokkie 51
... dat 'n eland tot 1 000 kilogram kan weeg? Dit maak die eland die grootste van die boksoorte, alhoewel hy, nes die buffel, tot die subfamilie "beesagtiges" behoort.
Bekyk - Wysig - Geskiedenis
- Interessante brokkie 52
... dat 'n lid van die Britse koningshuis in Suid-Afrika gesterf het? Prins Christian Victor van Sleeswyk-Holstein het tydens die Anglo-Boereoorlog op 29 Oktober 1900 in Pretoria aan maagkoors gesterf.
Bekyk - Wysig - Geskiedenis
- Interessante brokkie 53
... dat Winston Churchill 'n krygsgevangene in Suid-Afrika was? Tydens die Anglo-Boereoorlog is hy in Natal deur boeremagte gevang. Op 12 Desember 1899 ontsnap hy uit die Staatsmodelschool waar hy aangehou is en vlug te voet en per trein na Lourenço Marques.
Bekyk - Wysig - Geskiedenis
- Interessante brokkie 54
... dat 'n deel van Brasilië vroeër aan Nederland behoort het? Nederlands-Brasilië was van 1630 tot 1654 'n Nederlandse kolonie wat van Portugal oorgeneem is.
Bekyk - Wysig - Geskiedenis
- Interessante brokkie 55
... dat die Republiek van Vermont in 1777 die eerste geskrewe grondwet in Noord-Amerika aanvaar het? Dit het in 1791 as Vermont die 14de deelstaat van die VSA geword.
Bekyk - Wysig - Geskiedenis
- Interessante brokkie 56
... dat 'n mens baguettes van gehalte in stede soos Phnom Penh in Kambodja kan koop? Kambodja was 'n protektoraat van Frankryk van 1863 tot 1953 en die Franse invloed is steeds te bespeur in die land se kookkuns, waar geroosterde baguettes dikwels saam met kerriegeregte geëet word.
Bekyk - Wysig - Geskiedenis
- Interessante brokkie 57
... dat die laaste moedertaalspreker van Kornies in 1780 gesterf het? Kornies is, soos Wallies en Bretons, 'n Keltiese taal van die Britonse groep. Dit is in Cornwall gepraat en pogings is in 1904 vir die eerste keer aangewend om die taal te laat herleef.
Bekyk - Wysig - Geskiedenis
- Interessante brokkie 58
... dat 'n groot aantal immigrante uit Cornwall in myne in Suid-Afrika kom werk het? Die tinmyners het op die goudmyne in die ZAR gewerk en onder andere 'n rol gespeel in die vestiging van rugby as 'n sport in Suid-Afrika.
Bekyk - Wysig - Geskiedenis
- Interessante brokkie 59
... dat die Franse sneltrein TGV die vinnigste trein ter wêreld is? Die trein bereik gereeld 'n snelheid van 320 km/h, maar het in 'n toetsrit in 1990 'n rekordsnelheid van 515,3 km/h behaal.
Bekyk - Wysig - Geskiedenis
- Interessante brokkie 60
... dat 'n Noord-Germaanse of Skandinawiese taal vroeër in Skotland gepraat is? Op die Shetland- en Orkney-eilande en in Caithness op die vasteland is die uitgestorwe Norn gepraat. Nadat die eilande in die 15de eeu deur Noorweë aan Skotland teruggegee is, is dit deur Skots vervang.
Bekyk - Wysig - Geskiedenis
- Interessante brokkie 61
... dat die dorp Roodepoort wes van Johannesburg se naam verwys na die rooi grond wat so algemeen in die omgewing is? Die dorp het ontstaan nadat 'n goudmynkamp op 'n plaas met die naam "Roodepoort" gestig is.
Bekyk - Wysig - Geskiedenis
- Interessante brokkie 62
... dat Nkosi Sikelel' iAfrika nie net die eerste deel van die Suid-Afrikaanse volkslied is nie maar ook deur ander lande gebruik word? Die lied, wat deur Enoch Sontonga gekomponeer is, is ook die volkslied van Tanzanië en Zambië en word ook in Zimbabwe en Namibië gesing.
Bekyk - Wysig - Geskiedenis
- Interessante brokkie 63
... dat daar 'n dorpie in die Spaanssprekende Venezuela is waar Duits gepraat word en koekoekklokke gemaak word? Colonia Tovar het 'n groot aantal nasate van immigrante van die 19de eeu uit die Kaiserstuhl-gebied in Duitsland.
Bekyk - Wysig - Geskiedenis
- Interessante brokkie 64
... dat Arabies saam met Hebreeus 'n amptelike taal van Israel is? Daar is sowat een miljoen Arabiessprekende burgers in Israel. Arabies is die amptelike taal in 25 lande, die derde meeste naas Engels en Frans.
Bekyk - Wysig - Geskiedenis
- Interessante brokkie 65
... dat die Lae Lande deur 'n kaart wat soos 'n leeu lyk voorgestel kan word? Die Leo Belgicus is 'n gestileerde kaart van wat die Nederlande in die vorm van 'n leeu uitbeeld en die eerste weergawe is reeds in 1583 geskep.
Bekyk - Wysig - Geskiedenis
- Interessante brokkie 66
... dat daar reeds in 1951 aan die Woordeboek van die Afrikaanse Taal begin werk is? Dit is die grootste woordeboek wat Afrikaanse woorde beskryf en is steeds nie voltooi nie.
Bekyk - Wysig - Geskiedenis
- Interessante brokkie 67
... dat magnesium die chemiese element in die periodieke tabel is met die agste grootste verspreiding? Dié aardalkalimetaal beslaan ongeveer 2% van die aardkors en is die element wat die derde meeste voorkom in oplossing in seewater.
Bekyk - Wysig - Geskiedenis
- Interessante brokkie 68
... dat die Franse stad Colmar in Elsas 48 jaar lank 'n Duitse stad was? Dit was van die Pruisies-Franse Oorlog in 1871 tot met die Verdrag van Versailles in 1919.
Bekyk - Wysig - Geskiedenis
- Interessante brokkie 69
... dat regeringstroepe in Grenoble in Frankryk op die vooraand van die Franse Rewolusie met dakteëls bestook is? Dit het in 1788 in die sogenaamde "Dae van die Dakteëls" plaasgevind.
Bekyk - Wysig - Geskiedenis
- Interessante brokkie 70
... dat die koffiebone waarmee koffie gemaak word nie regtig boontjies is nie? In werklikheid is hulle die sade van die vrugte van die koffieplant.
Bekyk - Wysig - Geskiedenis
- Interessante brokkie 71
... dat Ayrton Senna die oggend op die dag van sy dood 'n vergadering van renjaers bygewoon het om veiligheid in Formule Een te bespreek?
Bekyk - Wysig - Geskiedenis
- Interessante brokkie 72
... dat Cyril Ramaphosa 'n sleutelrol gespeel het in die stigting van die NUM, 'n vakbond vir mynwerkers? Hy was 'n regsadviseur vir die Raad van Unies van Suid-Afrika met die stigting van die NUM in 1982.
Bekyk - Wysig - Geskiedenis
- Interessante brokkie 73
... dat die Hughes H-4 Hercules, een van die grootste vliegtuie wat ooit vervaardig is, slegs een keer gevlieg het?
Bekyk - Wysig - Geskiedenis
- Interessante brokkie 74
... dat sterrestelsels konstant in beweging is? Sommige stelsels, soos dié in die stelsel Arp 87, raak soms selfs in botsings betrokke.
Bekyk - Wysig - Geskiedenis
- Interessante brokkie 75
... dat seelikkewane die enigste likkewaan is wat gereeld onder seewater swem? Hulle duik tot 30 minute lank om seewier te vreet.
Bekyk - Wysig - Geskiedenis
- Interessante brokkie 76
... dat Edmund Hillary oorspronklik 'n byeboer was? Dit was 'n somerwerk wat hom tyd gegee het om in die winter berg te klim.
Bekyk - Wysig - Geskiedenis
- Interessante brokkie 77
... dat die plant Welwitschia mirabilis, wat tot 600 jaar oud kan word, slegs twee blare het? Die blare skeur die hele tyd tydens die plant se lewe en laat dit lyk asof hy baie blare het.
Bekyk - Wysig - Geskiedenis
- Interessante brokkie 78
... dat goudvissies nie so slegte geheue het as wat geglo word nie? Hulle kan geleer word om deur doolhowe te navigeer en kan na 'n paar maande hulle eienaars herken.
Bekyk - Wysig - Geskiedenis
- Interessante brokkie 79
... dat Leonardo da Vinci se Mona Lisa in 1912 uit die Louvre, in Parys gesteel is? In die drie jaar voor dit teruggevind is, is ses kopieë as die ware Jakob teen reuse pryse verkoop.
Bekyk - Wysig - Geskiedenis
- Interessante brokkie 80
... dat 'n mens se hart ongeveer 101 000 keer 'n dag klop? Tydens 'n gemiddelde leeftyd sal 'n hart ongeveer 400 miljoen liter bloed pomp.
Bekyk - Wysig - Geskiedenis
- Interessante brokkie 81
... dat die diepste myn ter wêreld in Suid-Afrika is? Die Mponeng-myn (voormalige Western Deep Levels-myn) in Carletonville is 3,5 km diep.
Bekyk - Wysig - Geskiedenis
- Interessante brokkie 82
... dat die wêreld se oudste restaurant in Salzburg in Oostenryk is? Die Stiftskeller St. Peter was oorspronklik 'n klooster wat reeds in 803 n.C. begin het om reisigers van maaltye te voorsien.
Bekyk - Wysig - Geskiedenis
- Interessante brokkie 83
... dat speelkaarte reeds in die 12de eeu in Persië en Indië bekend was? 'n Pak kaarte het toe uit 48 kaarte bestaan, in plaas van 52.
Bekyk - Wysig - Geskiedenis
- Interessante brokkie 84
... dat die eerste e-pos in 1972 gestuur is? Koninging Elizabeth van Brittanje het reeds haar eerste e-pos in 1976 gestuur.
Bekyk - Wysig - Geskiedenis
- Interessante brokkie 85
... dat die Skotse uitvinder John Logie Baird reeds in 1926 in Londen die eerste publieke demonstrasie van 'n televisie gegee het? 10 jaar later was daar slegs 100 televisiestelle in die wêreld; vandag is daar meer as 1,5 miljard.
Bekyk - Wysig - Geskiedenis
- Interessante brokkie 86
... dat Indië die land is wat die meeste rolprente vervaardig? Die Indiese rolprentbedryf, waaronder ook Bollywood, vervaardig jaarliks 'n gemiddelde 800 rolprente, twee keer soveel as Hollywood.
Bekyk - Wysig - Geskiedenis
- Interessante brokkie 87
... dat die Britse koningshuis hulle van twee keer verander het? Hulle het dit in 1917 van Sakse-Koburg-Gotha na Windsor verander, die naam van hulle kasteel. Tot in 1901 was hulle die Huis van Hannover.
Bekyk - Wysig - Geskiedenis
- Interessante brokkie 88
... dat radiogolwe vinniger as klankgolwe beweeg? Tydens 'n regstreekse uitsending sal radioluisteraars duisende kilometers weg 'n stem hoor nog voor die mense wat agter in die opnamelokaal sit dit hoor.
Bekyk - Wysig - Geskiedenis
- Interessante brokkie 89
... dat die vyf gewildste televisie-uitsendings almal sportprogramme is? Die Olimpiese Somerspele, Sokker-Wêreldbekertoernooie, Krieketwêreldbekertoernooie, Rugbywêreldbekertoernooie en Formule Een is die vyf programme wat die grootste kykertalle lok.
Bekyk - Wysig - Geskiedenis
- Interessante brokkie 90
... dat die eerste duikboot reeds in 1620 gebou is? Die Nederlandse Cornelis Drebbel het een vir die Engelse koning gebou en in die Teems getoets.
Bekyk - Wysig - Geskiedenis
- Interessante brokkie 91
... dat die Honderdjarige Oorlog nie 100 jaar geduur het nie, maar 116 jaar? Daar was periodes van vrede tussenin en dit het geëindig met die verdrywing van Engelse magte uit Frankryk.
Bekyk - Wysig - Geskiedenis
- Interessante brokkie 92
... dat die Kanariese Eilande na honde vernoem is? Die oorspronklike Latynse naam, Insularia Canaria, beteken "Eiland van die honde".
Bekyk - Wysig - Geskiedenis
- Interessante brokkie 93
... dat 'n mens se are blou lyk omdat die bloed daarin geen suurstof bevat nie? Are vervoer naamlik die bloed waarvan die suurstof reeds aan die verskillende liggaamselle afgelewer is.
Bekyk - Wysig - Geskiedenis
- Interessante brokkie 94
... dat die bedryfstelsel Debian na sy ontwikkelaar en dié se meisie vernoem is? Ian Murdock het dit na hom en sy vriendin Debra vernoem.
Bekyk - Wysig - Geskiedenis
- Interessante brokkie 95
... dat die eendbekdier die enigste giftige soogdier is? Die mannetjies het 'n giftige haak op die agterkant van hulle voete.
Bekyk - Wysig - Geskiedenis
- Interessante brokkie 96
... dat die Skewe Toring van Pisa nooit regop gestaan het nie? Kort nadat met die bou van die toring begin is, het die fondament oneweredig gesink. Die bouwerk is stopgesit en eers 100 jaar later hervat, maar die gebou het skeef bly staan.
Bekyk - Wysig - Geskiedenis
- Interessante brokkie 97
... dat daar absoluut niks tussen 3 en 13 September 1752 gebeur het nie? In hierdie maand is die Juliaanse kalender in Brittanje en sy Amerikaanse kolonies met die Gregoriaanse kalender vervang. Die nuwe kalender was 11 dae voor die ou een; dus het 14 September direk op 2 September gevolg.
Bekyk - Wysig - Geskiedenis
- Interessante brokkie 98
... dat slegs een van die oorspronklike Sewe Wonders steeds bestaan? Buiten die Groot Piramide van Giza het almal vergaan.
Bekyk - Wysig - Geskiedenis
- Interessante brokkie 99
... dat daar een vlag is wat nooit gesalueer of gestryk word nie? Op 20 Julie 1969 het Neil Armstrong en Buzz Aldrin 'n Amerikaanse vlag op die maan geplant wat tot vandag toe nog daar staan.
Bekyk - Wysig - Geskiedenis
- Interessante brokkie 100
... dat varke uiters intelligente diere is? Hulle is ook skoner as die meeste troeteldiere en lê slegs in modder omdat hulle nie sweetkliere het nie en modder of water nodig het om af te koel.
Bekyk - Wysig - Geskiedenis
- Interessante brokkie 101
... dat Elisha Gray sy patent vir die telefoon 'n uur vóór Alexander Graham Bell geregistreer het? Na jare van regsgedinge het Bell die patent gekry.
Bekyk - Wysig - Geskiedenis
- Interessante brokkie 102
... dat water nie altyd by 100° Celsius kook nie? Hoe hoër bo seevlak 'n persoon is, hoe laer die kookpunt.
Bekyk - Wysig - Geskiedenis
- Interessante brokkie 103
... dat Suid-Afrika se twaalf amptelike tale relatief min is? Alhoewel hulle nie as amptelike tale erken word nie, kom 'n mens 365 tale in Indonesië teë en tot 1 652 in Indië.
Bekyk - Wysig - Geskiedenis
- Interessante brokkie 104
... dat die eerste fiets, wat in 1817 vervaardig is, nie pedale gehad het nie? Pedale is in 1865 bygevoeg, maar die fietse self is toe nog uit hout vervaardig.
Bekyk - Wysig - Geskiedenis
- Interessante brokkie 105
... dat die Gautrein se spoorwydte van 1 435 mm breër is as die standaardwydte van 1 067 mm van die Suid-Afrikaanse smalspoor? Dit is só gekies om die trein se stabiliteit te verseker teen sy topsnelheid van 160 km/h.
Bekyk - Wysig - Geskiedenis
- Interessante brokkie 106
... dat daar in Suid-Afrika twee plaaslike munisipaliteite met presies dieselfde naam is? Hulle is Emalahleni in Mpumalanga en Emalahleni in die Oos-Kaap. eMalahleni is ook die amptelike naam van Witbank.
Bekyk - Wysig - Geskiedenis
- Interessante brokkie 107
... dat Botswana die mins korrupte land in Afrika is? Volgens Transparency International is dit naby lande soos Portugal en Suid-Korea gelys.
Bekyk - Wysig - Geskiedenis
- Interessante brokkie 108
... dat daar altesaam vier seë is wat in Afrikaans na kleure genoem is? Dit is die Geel-, Rooi-, Swart- en Witsee.
Bekyk - Wysig - Geskiedenis
- Interessante brokkie 109
... dat daar moontlik meer as twee wêreldoorloë plaasgevind het? Sommige historici beskou ook die Sewejarige Oorlog en die Napoleontiese Oorloë as wêreldoorloë, omdat beide op verskille kontinente geveg is.
Bekyk - Wysig - Geskiedenis
- Interessante brokkie 110
... dat in Australië en Nieu-Seeland meer skape as mense is? In Australië is daar 65,8 miljoen skape (2019) en 'n bevolking van 25,96 miljoen mense (2022), en in Nieu-Seeland 26,8 miljoen skape (2019) en 5 miljoen mense (2023).
Bekyk - Wysig - Geskiedenis
- Interessante brokkie 111
... dat die baardskeerder-spinnekop nie 'n ware spinnekop is nie?
Bekyk - Wysig - Geskiedenis
- Interessante brokkie 112
... dat die doelhok in sokker 2,44 meter hoog en 7,32 meter wyd is?
Bekyk - Wysig - Geskiedenis
- Interessante brokkie 113
... dat 'n springhaas nie werklik 'n haas is nie, maar 'n knaagdier?
Bekyk - Wysig - Geskiedenis
- Interessante brokkie 114
... dat die stigter van Windhoek, Curt von François, in Königs Wusterhausen, nou 'n stad in die Duitse deelstaat Brandenburg, oorlede is?
Bekyk - Wysig - Geskiedenis
- Interessante brokkie 115
... dat Julius Richard Petri die eerste mikrobioloog was wat 'n moderne stelsel daargestel het om bakterieë te kweek met die ontdekking van die petribakkie?
Bekyk - Wysig - Geskiedenis
- Interessante brokkie 116
... dat geboue rondom die Fullerton Hotel Singapoer bo 'n sekere hoogte verbied word deur die plaaslike owerheid, sodat die historiese gebou direk vanaf die see waargeneem kan word?
Bekyk - Wysig - Geskiedenis
- Interessante brokkie 117
... dat Nelson Mandela 18 jaar van sy totale 27 jaar tronkstraf op Robbeneiland deurgebring het?
Bekyk - Wysig - Geskiedenis
- Interessante brokkie 118
... dat daar sowat 350 000 Han-Chinese in Suid-Afrika woon? Die meeste van hulle is in Johannesburg en praat Chinese tale soos Mandaryns en Hakka.
Bekyk - Wysig - Geskiedenis
- Interessante brokkie 119
... dat daar sedert 30 Januarie 2017 'n gemeenskaplike landgrens tussen die Afrika-unie en die Europese Unie is? Die twee klein eksklawes Ceuta en Melilla van die EU-lidland Spanje grens aan die AU-lidland Marokko.
Bekyk - Wysig - Geskiedenis
- Interessante brokkie 120
... dat die Blohm & Voss BV 138-vliegboot dieselaangedrewe motors gebruik het?
Bekyk - Wysig - Geskiedenis
- Interessante brokkie 121
... dat Jane Elizabeth Waterston die eerste vrou in Suid-Afrika was wat 'n mediese praktyk geopen het?
Bekyk - Wysig - Geskiedenis
- Interessante brokkie 122
... dat Tsutomu Yamaguchi die enigste persoon is wat beide die atoombomontploffings op Hirosjima en Nagasaki oorleef het?
Bekyk - Wysig - Geskiedenis
- Interessante brokkie 123
... dat Hattie McDaniel die eerste Afro-Amerikaner is wat 'n Oscar gewen het?
Bekyk - Wysig - Geskiedenis
- Interessante brokkie 124
... dat Swede in 1712 30 Februarie op 29 Februarie laat volg het deur die Sweedse kalender af te skaf?
Bekyk - Wysig - Geskiedenis
- Interessante brokkie 125
... dat Gladys Steyn die eerste vroulike advokaat in Suid-Afrika was?
Bekyk - Wysig - Geskiedenis
- Interessante brokkie 126
... dat die taalkundige verhouding tussen Fidjiaanse Hindi en Hindi soortgelyk is aan dié tussen Afrikaans en Nederlands? Fidjiaanse Hindi het uit die Oos-Hindi-dialekte Awadhi en Bhojpuri ontstaan, met verskeie Engelse en Fidjiaanse leenwoorde.
Bekyk - Wysig - Geskiedenis
- Interessante brokkie 127
... dat die Namibiër Rudie van Vuuren die eerste (en enigste) man is wat in dieselfde jaar in twee sportsoorte, krieket en rugby, aan 'n wêreldbekertoernooi deelgeneem het? Hy het sy land tydens beide die Krieketwêreldbeker 2003 en die Rugbywêreldbeker 2003 verteenwoordig.
Bekyk - Wysig - Geskiedenis
- Interessante brokkie 128
... dat die heel eerste artikel wat op die Afrikaanse Wikipedia geskep is, Hindoeïsme was? Dit was op 17 November 2001.
Bekyk - Wysig - Geskiedenis
- Interessante brokkie 129
... dat die voormalige dorp Darlington oorstroom is toe die Darlingtondam in die 1920's in die Sondagsrivier gebou is? Dit word nou deur die dam bedek.
Bekyk - Wysig - Geskiedenis
- Interessante brokkie 130
... dat Rosamund Everard-Steenkamp die eerste vrou is wat 'n Spitfire en straalvliegtuig gevlieg het?
Bekyk - Wysig - Geskiedenis
- Interessante brokkie 131
... dat sedert die toetrede van Finland en Swede tot NAVO in onderskeidelik 2023 en 2024 al die Skandinawiese lande weer lede van een (en dieselfde) militêre alliansie is? Dit was laas die geval tydens die Kalmarunie wat in 1523 ontbind is.
Bekyk - Wysig - Geskiedenis