Portaal:Sport
Wikipedia-portale: Musiek · Letterkunde · Sport · Kultuur · Geografie · Geologie · Gesondheid · Geskiedenis · Wiskunde · Fisika · Chemie · Biologie · Mense · Filosofie · Religie · Samelewing · Sterrekunde · Tegnologie
 Welkom by Wikipedia se portaal vir sport. Sport is 'n fisieke- (byvoorbeeld rugby) of denkspel (byvoorbeeld skaak) wat in kompetisieverband gespeel kan word. Sport kan ook vir ontspanning beoefen word. Alle sporte het reëls wat nagekom moet word. Die beoefening van sport kan mens aktief en gesond hou, vandaar die slagspreuk: ‘n gesonde liggaam huisves ‘n gesonde gees. |
Uitgeligte artikel
Die Argentynse nasionale rugbyspan is ’n sportspan wat Argentinië in internasionale rugby verteenwoordig. Die span wat in hemelblou en wit truie speel, dra die bynaam los Pumas (Spaans vir: "die Poemas").
Rugby word in Argentinië deur die Argentynse Rugbyunie (UAR, van Spaans: Unión Argentina de Rugby) geadministreer. Die Argentynse rugbyspan is tans (Junie 2020) tiende op Wêreldrugby se wêreldranglys gelys en tans die top rugbyspan in die Amerikas. Argentinië is onoorwonne ten opsigte van al die ander nasionale rugbyspanne van dié vasteland; met uitsondering van Kanada, teen wie Argentinië drie wedstryde verloor het. Argentinië speel sedert 2012 jaarliks teen die All Blacks van Nieu-Seeland, die Springbokke van Suid-Afrika en die Wallabies van Australië in die Rugbykampioenskap (voorheen die Drienasiesreeks).
Argentinië se eerste internasionale rugbywedstryd was in 1910 teen ’n besoekende Britse Eilande-span. Dié land word vandag as een van die wêreld se voorste rugbynasies beskou en het sover aan elke rugbywêreldbekertoernooi wat sedert 1987 gehou is, deelgeneem, en hul beste prestasie met die derde plek tydens die Rugbywêreldbeker in 2007 behaal. ’n Verrassende oorwinning oor die gasheer Frankryk het Argentinië na die vierde plek op die wêreldranglys geneem. Die span was onoorwonne in hul poelfase en kon vir die eerste keer tot die halfeindrondte vorder, nadat hulle Skotland 19–13 in die kwarteindstryd geklop het. Argentinië is egter deur die latere wêreldkampioen Suid-Afrika 37–13 in die halfeindstryd verslaan, maar Argentinië kon hul verrassing van die poelfase herhaal deur Frankryk ’n tweede keer te klop en het die derde plek behaal. Ná afloop van die toernooi het die span met die derde plek hul beste posisie op die wêreldranglys behaal.
Sportnuus
- Die eerste toetswedstryd sedert die aankondiging van inperkings as gevolg van die wêreldwye Koronaviruspandemie tussen die gasheer Engeland en die besoekende Wes-Indië het op Rose Bowl, Southampton, begin.
- Die Oostenrykse Grand Prix, die eerste wedren van die veranderde kampioenskapseisoen is deur Valtteri Bottas op Mercedes gewen.
- Die FC Bayern München word vir die 30ste keer die Duitse sokkerkampioen en palm vir die 20ste keer die DFB-Pokal in.
- Die Liverpool FC onder afrigting van die Duitser Jürgen Klopp palm voortydig vir die eerste keer die titel van die Premier League in.
- Die Koronaviruspandemie lei tot groot vertragings in internasionale sport, aangesien wedstryde/wedrenne van onder andere die Afrikanasiesbeker, Champions League, Europa-beker, Europa League, Formule Een-seisoen, Franse Ope, Olimpiese en Paralimpiese Somerspele, Pro14-seisoen, Sesnasies-toernooi en Superrugbyseisoen afgelas of uitgestel is.
Sport volgens jaar
Ontdek...
Armdruk • Atletiek • Padwedloop • Basketbal • Bofbal • Boks • Ysskaats • Boogskiet • Driekamp • Duik • Fietsry • Ballet • Gewigoptel • Gesinchroniseerde swem • Gholf • Gimnastiek • Handbal • Hokkie • Jag • Judo • Kanovaart • Karate • Kegelbal • Krieket • Motorsport • Muurbal • Netbal • Pluimbal • Roei • Rolbal • Rolstoelrugby • Rugby • Ruitersport • Sagtebal • Seil • Skaak • Skerm • Ski • Skyfskiet • Sneeuplankry • Sokker • Stoei • Swem • Tafeltennis • Taekwondo • Tennis • Vlugbal • Waterpolo