Wikipedia:Uitgesoekte herdenkings/Maart

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne

Vandag is Maandag, 23 Desember 2024; dit is nou 08:50 (UTC)

Sjabloon:UitgesoekteHerdenkingsMaart

1 Maart: Sint Dawiddag in Wallis, Mărţişor in Roemenië, Martenitsa in Bulgarye.

Logo van die Internasionale Monetêre Fonds

1562 – Die Franse geloofsoorloë begin met 'n menseslagting op die Hugenote.
1896 – Ethiopië wen die beslissende Slag van Adoea oor Italië wat die Eerste Italiaans-Abessiniese Oorlog tot 'n einde bring.
1947 – Die Internasionale Monetêre Fonds begin sy finansiële werksaamhede.
1919 – Japannese heerskappy in Korea: Die Samilbeweging in Korea begin landwyd met menige vreedsame protesaksies, maar word wreed deur die Japannese polisie en weermag onderdruk.
1994 – Walvisbaai word deur Suid-Afrika aan Namibië oorhandig.

besigtig - bespreek - wysig - geskiedenis

2 Maart: Onafhanklikheidsdag in Marokko (1956)

1808 – Helsinki word tydens die Russies-Sweedse Oorlog deur Russiese troepe verower, wat daartoe lei dat Swede in 1809 gedwing word om Finland aan Rusland af te staan.
1836 – Texaanse Onafhanklikheidsoorlog: Die Republiek van Texas verklaar sy onafhanklikheid van Meksiko.

1943 – Tweede Wêreldoorlog: Die Australiese en Amerikaanse Lugmagte val 'n groot konvooi van die Japannese Keiserlike Vloot onderweg na Nieu-Guinee aan.
1946 – Hồ Chí Minh word President van Noord-Viëtnam. Ná die oorlog is Saigon na Ho Chi Minh-stad hernoem.
1998 – Water word ontdek op Europa, 'n maan van die planeet Jupiter.

besigtig - bespreek - wysig - geskiedenis

3 Maart: Bevrydingsdag in Bulgarye (1878); Hinamatsuri in Japan.

1431 – Gabriel Condulmer word pous Eugenius IV.
1845 – Florida word deel van die Verenigde State.
1878 – Met die Verdrag van San Stefano, wat die Russies-Turkse Oorlog beëindig, word Bulgarye 'n selfregerende prinsdom binne die Ottomaanse Ryk.
1918 – Rusland teken die Verdrag van Brest-Litofsk en beëindig sy deelname aan die Eerste Wêreldoorlog, wat lei tot onafhanklikheid vir Finland, Estland, Letland, Litaue en Pole.
1983 – Georges Remi, 'n Belgiese strokiesverhaalskrywer en -kunstenaar, beter bekend onder sy skuilnaam Hergé, sterf.

besigtig - bespreek - wysig - geskiedenis

4 Maart: Sint Casimirdag in Litaue en Pole

1461 – Die Roosoorloë in Engeland: Lancasterse koning Hendrik VI word afgeset deur sy Yorkse neef, wat toe koning Eduard IV word.
1790 – Tydens die Franse Rewolusie word 'n reeks nuwe départemente in Frankryk gevorm, waaronder Pyrénées-Atlantiques, Côtes-d'Armor en Calvados.
1791 – Vermont word die 14de deelstaat van die Verenigde State.
1975 – Die akteur en filmregisseur Charlie Chaplin word deur koningin Elizabeth II van die Verenigde Koninkryk tot ridder geslaan.
1980 – Robert Mugabe van die Zimbabwe African National Union (ZANU) word tot die eerste regeringshoof van Zimbabwe verkies.

besigtig - bespreek - wysig - geskiedenis

5 Maart: Sint Piran-dag in Cornwall, Engeland.

1770 – Bostonslagting: Die gooi van sneeuballe na Britse soldate tydens 'n militêre besetting loop uit op geweld in Boston.
1824 – Die Verenigde Koninkryk verklaar amptelik oorlog teen Mianmar en begin daarmee die Eerste Anglo-Birmaanse Oorlog.
1918 – Bolsjewistiese Rusland skuif sy hoofstad van Petrograd na Moskou.
1946 – Die term "Ystergordyn" word vir die eerste keer in 'n openbare toespraak deur die Britse eerste minister Winston Churchill gebruik.
1953 – Die algemene sekretaris van die Kommunistiese Party van die Sowjetunie se sentrale komitee, Josef Stalin, sterf in Moskou.

besigtig - bespreek - wysig - geskiedenis

6 Maart: Onafhanklikheidsdag in Ghana (1957)

1521 – Ferdinand Magellaan en sy bemanning word die eerste Europeërs om Guam in die Mariana-eilande te bereik.
1869 – Dmitri Mendelejef stel die eerste periodieke tabel van chemiese elemente aan die Russiese Chemiese Vereniging bekend.
1899 – Bayer registreer aspirien as 'n handelsmerk.
1957 – Ghana word onafhanklik van die Verenigde Koninkryk.
1987 – 193 mense aan boord van die Britse veerboot M/S Herald of Free Enterprise kom om toe dit omslaan terwyl dit die hawe van Zeebrugge, België, verlaat.

besigtig - bespreek - wysig - geskiedenis

7 Maart: Onderwysersdag in Albanië.

161 – Marcus Aurelius en Lucius Verus volg Antoninus Pius op en word medekeisers van die Romeinse Ryk.
1926 – Die Suid-Afrikaanse filosoof Johan Degenaar word in Ladysmith, Natal, gebore.
1926 – Die eerste suksesvolle Trans-Atlantiese radio-telefoongesprek vind plaas tussen New York en Londen.
1936 – Duitsland herbeset die gedemilitariseerde Rynland en verbreek daarmee die Verdrag van Versailles en die Locarno-verdrae wat ná die Eerste Wêreldoorlog onderteken is.
1950 – Die Sowjetunie reik 'n verklaring uit wat ontken dat die Duitse kernfisikus Klaus Fuchs 'n Sowjet-spioen was.
2024 – In reaksie op die Russiese inval in Oekraïne sedert 2022 sluit Swede as 32ste lidland by die Noord-Atlantiese Verdragsorganisasie (NAVO) aan.

besigtig - bespreek - wysig - geskiedenis

8 Maart: Internasionale Vrouedag; Moedersdag in Albanië

1618 – Johannes Kepler ontdek die derde wet van planetêre beweging.
1702 – Prinses Anna van die Huis van Stuart word koningin van Engeland, Skotland en Ierland.
1739 – Gebore: Joachim van Plettenberg, goewerneur van die Kaap de Goede Hoop na wie Plettenbergbaai vernoem is.
1869 – Oorlede: Hector Berlioz, Franse komponis.
1965 – Die sluipmoordenaar Demetrios Tsafendas arriveer per skip in Durban na sy vrylating in Mosambiek.

besigtig - bespreek - wysig - geskiedenis

9 Maart: Baron Blissdag in Belize.

1816 – Vyf van die Slagtersnek-rebelle word in die openbaar gehang.
1916 – Meksikaanse Rewolusie: Generaal Pancho Villa lei 1 500 Meksikane in 'n aanval oor die Amerikaanse grens op Columbus, Nieu-Meksiko, en dit gee aanleiding tot 'n strafekspedisie deur die Amerikaanse Leër.
1932 – Eamon de Valera word president van die uitvoerende raad van die Ierse Vrystaat.
1945 – Tweede Wêreldoorlog: 'n bomaanval op Tokio veroorsaak 'n vuurstorm waarin 100 000 mense sterf.
1959 – Die wêreld se topverkoper-pop, Barbie, word vir die eerste keer in New York verkoop.

besigtig - bespreek - wysig - geskiedenis

10 Maart:

1826 – Pedro I, keiser van Brasilië, verklaar hom tot koning Pedro IV van Portugal ná die dood van sy vader, koning Johannes VI.
1876 – Alexander Graham Bell maak die eerste suksesvolle telefoonoproep.
1893 – Tydens die Wedloop om Afrika word die Ivoorkus tot 'n Franse kolonie verklaar.
1952 – Die voormalige president Fulgencio Batista voer 'n staatsgreep uit om beheer oor Kuba te neem.
2000 – Die NASDAQ-effektebeursindeks bereik 'n hoogtepunt van 5132,52, die hoogste vlak van die dot-comvoorspoedgolf.

besigtig - bespreek - wysig - geskiedenis

11 Maart: Rooineusdag in die Verenigde Koninkryk (2005)

1845 – Maori-magte onder leiding van die stamleiers Kawiti en Hone Heke vernietig die Britse nedersetting Kororareka in Nieu-Seeland en dit ontlont die Eerste Maori-oorlog.
1966 – President Sukarno van Indonesië, wat sedert die Tweede Wêreldoorlog aan die bewind was, word deur Suharto afgesit.
1990 – Die Litause Sosialistiese Sowjetrepubliek se bestaan eindig toe Litaue die herstel van sy onafhanklikheid van die Sowjetunie verklaar.
1996 – John Howard word die 25ste eerste minister van Australië.
2011 – 'n Verwoestende 9,0-aardbewing skud Japan en veroorsaak 'n tsoenami met meer as 15 700 sterftes.

besigtig - bespreek - wysig - geskiedenis

12 Maart: Onafhanklikheidsdag in Mauritius (1968)

1913 – Canberra word die hoofstad van Australië (bekend as Canberra Day).
1930 – Mahatma Gandhi begin die Sout-Satyagraha: 'n 24 dae lange staptog oor 320 km om protes aan te teken teen die Britse belasting op sout in Brits-Indië.
1938 – Oostenryk word deur die Duitse weermag beset en word Ostmark, 'n provinsie in die Duitse Ryk.
1940 – Die Moskouse Vredesverdrag word onderteken en dit bring 'n einde aan die Winteroorlog tussen Finland en die Sowjetunie.
1968 – Mauritius word onafhanklik van die Verenigde Koninkryk.
1999 – Die voormalige Warskouverdraglande Hongarye, Pole en Tsjeggië sluit by die NAVO aan.

besigtig - bespreek - wysig - geskiedenis

13 Maart:

1781 – William Herschel ontdek die planeet Uranus.
1881 – Tsaar Aleksander II van Rusland sterf in 'n sluipmoordaanval in 'n Nihilistiese komplot deur Ignacy Hryniewiecki.
1900 – Tweede Vryheidsoorlog: Kroonstad word die hoofstad van die Oranje-Vrystaat tot 11 Mei 1900.
1954 – In Viëtnam stuur Viët Minh-magte onder Vo Nguyen Giap 'n reuse artillerieaanval op die Franse leër van stapel en begin die Slag van Dien Bien Phu, die finale slag in die Eerste Indo-Chinese Oorlog.
1966 – Unita word in Angola gestig om teenstand te bied teen die Portugese koloniale bewind.

besigtig - bespreek - wysig - geskiedenis

14 Maart: Nuwejaarsdag (Sikhisme), Witdag in Japan, Pi-dag

1676 – Johan Bax van Herenthals volg goewerneur IJsbrand Godske as kommandeur van die Nederlandse Kaapkolonie op.
1800 – Pius VII volg Pius VI op as pous van die Rooms-Katolieke Kerk.
1883 – Karl Marx sterf in Londen.
1984 – Gerry Adams, leier van Sinn Féin, word ernstig gewond in 'n sluipmoordpoging in Belfast, Noord-Ierland.
1991 – Die "Birmingham-ses", wat valslik aan moord en bomaanvalle op kroeë in Birmingham, Engeland, skuldig bevind, word ná 14 jaar in die tronk vrygelaat.

besigtig - bespreek - wysig - geskiedenis

15 Maart: Ides van Maart.

44 v.C. – Julius Caesar van die Romeinse Republiek word deur Marcus Junius Brutus en verskeie ander Romeinse senators op dié dag, die "Ides van Maart", doodgesteek.
1493 – Christophorus Columbus keer terug na Spanje ná sy eerste reis na die Amerikas.
1820 – Maine word die 23ste deelstaat van die Verenigde State.
1877 – Krieketspelers wat Engeland en Australië verteenwoordig, speel die eerste toetswedstryd by die Melbourne-krieketveld.
1917 – Tsaar Nikolaas II van Rusland word gedwing om te abdikeer net ná die Februarie-rewolusie en dit beëindig drie eeue van Romanof-heerskappy.

besigtig - bespreek - wysig - geskiedenis

16 Maart:

1521 – Ferdinand Magellaan bereik die Filippyne.
1815 – Willem I verklaar homself tot koning van die Verenigde Koninkryk van die Nederlande, die eerste grondwetlike monargie in Nederland.
1871 – Gebore: Hans Merensky, Suid-Afrikaanse geoloog, prospekteerder, wetenskaplike, omgewingsbewaarder en weldoener.
1968 – 347 Viëtnamese burgerlikes sterf in die My Lai-menseslagting.
2004 – Die Russiese president Wladimir Poetin word vir ’n tweede termyn herkies.

besigtig - bespreek - wysig - geskiedenis

17 Maart: Sint Patricksdag

1901 – 'n Uitstalling van 71 skilderye deur Vincent van Gogh veroorsaak 'n opskudding in Parys, 11 jaar na sy dood.
1956 – Die Suid-Afrikaanse operasangeres Mimi Coertse maak haar debuut by die Weense Staatsopera as die Koningin van die Nag in Mozart se Die Towerfluit.
1958 – Vanguard 1, die eerste sonkragaangedrewe satelliet, word gelanseer. Dit is die oudste mensgemaakte voorwerp wat vandag nog in die ruimte is.
1966 – Die Universiteit van Zambië se eerste studente word geregistreer.
1992 – In die Suid-Afrikaanse referendum van 1992 stem 68,7% van die stemgeregtigdes vir die begin van onderhandelings om 'n einde aan apartheid te bring.

besigtig - bespreek - wysig - geskiedenis

18 Maart: Vlagdag in Aruba (1976)

1229 – Sesde Kruistog: Keiser Frederik II van die Heilige Romeinse Ryk verklaar homself tot koning van Jerusalem.
1839 – Die Eerste Opiumoorlog breek uit.
1921 – Die Pools-Sowjetoorlog, wat die grens tussen die Tweede Poolse Republiek en Sowjet-Rusland bepaal het, kom formeel tot 'n einde met die ondertekening van die Vrede van Riga.
1922 – Mahatma Gandhi word gevonnis tot ses jaar tronkstraf vir burgerlike ongehoorsaamheid.
1965 – Die Sowjet-ruimtevaarder Aleksei Leonof word die eerste persoon wat in die ruimte "loop".

besigtig - bespreek - wysig - geskiedenis

19 Maart: Sint Josefdag in Katolisisme en Vadersdag in verskeie lande

1279 – Die Song-dinastie in keiserlike China eindig met 'n Mongoolse oorwinning in die Slag van Yamen.
1915 – Die dwergplaneet Pluto word vir die eerste keer gefotografeer 15 jaar voor dit amptelik deur Clyde Tombaugh by die Lowell-sterrewag ontdek is.
1932 – Die Sydneyhawebrug, 'n belangrike landmerk in Sydney, Australië, word formeel geopen.
1982 – Die Falklandoorlog begin met die Argentynse besetting van Suid-Georgië.
1998 – Makhaya Ntini word Suid-Afrika se eerste swart nasionale krieketspeler toe hy die land verteenwoordig in 'n toetswedstryd teen Sri Lanka op die Wanderers.

besigtig - bespreek - wysig - geskiedenis

20 Maart: Onafhanklikheidsdag in Tunisië (1956)

1413 – Hendrik V word koning van Engeland.
1602 – Die Verenigde Oos-Indiese Kompanjie, wat later 'n groot rol sou speel in die vestiging van die Europese nedersetting aan die Kaap, word gestig.
1933 – Die bou van die eerste Nazi-konsentrasiekamp by Dachau word voltooi.
1956 – Tunisië word onafhanklik van Frankryk.
1987 – Sidovudien (AZT) word die eerste antiretrovirale middel wat goedgekeur word vir gebruik teen MIV/vigs.

besigtig - bespreek - wysig - geskiedenis

21 Maart: Benito Juárezdag in Meksiko; Menseregtedag in Suid-Afrika; Nouruz in Iran en ander dele van Sentraal-Asië (Baha’i-geloof en Zoroastrisme); Onafhanklikheidsdag in Namibië; Wêreldpoësiedag.

1684 – Giovanni Cassini ontdek Dione en Tethis, twee mane van die planeet Saturnus.
1800 – Pius VII word as pous gekroon in Venesië met 'n tydelike pouslike tiara uit papier-mâché gefabriseer.
1881 – Die Eerste Vryheidsoorlog tussen die Zuid-Afrikaansche Republiek en die Verenigde Koninkryk kom tot 'n einde met die ondertekening van 'n vredesooreenkoms.
1960 – Die Formule Een-renjaer Ayrton Senna word in São Paulo, Brasilie, gebore.
1990 – Namibië, die voormalige Suidwes-Afrika, verkry sy onafhanklikheid van Suid-Afrika en Sam Nujoma word die eerste president.

besigtig - bespreek - wysig - geskiedenis

22 Maart: Wêreldwaterdag

1584 – Gebore: Grégoire de Saint-Vincent, Jesuïet en wiskundige wat die Mercatorreeks ontdek het.
1765 – Die parlement van die Verenigde Koninkryk neem die Seëlwet aan, wat die groeiende separatistebeweging in koloniale Amerika verder aanblaas.
1847 – Gebore: Georges de Villebois-Mareuil, 'n Franse militêre leier en skrywer uit 'n adellike gesin wat die Vreemdelingelegioen van die ZAR aangevoer het tydens die Tweede Vryheidsoorlog.
1945 – Die Arabiese Liga word deur Egipte, Irak, Jordanië, Libanon, Saoedi-Arabië en Sirië in Kaïro gestig.
1995 – Die Russiese ruimtevaarder Waleri Poljakof van die Sojoes-program keer terug van die Mir-ruimtestasie ná 437 dae in die buitenste ruimte.

besigtig - bespreek - wysig - geskiedenis

23 Maart: Nasionale Dag in Pakistan (1956)

1801 – Tsaar Aleksander I bestyg die Russiese troon nadat sy pa vermoor is.
1852 – Gebore: Alfred Milner, goewerneur van die Kaapkolonie en lid van die Britse kabinet.
1919 – Benito Mussolini stig die Fascistebeweging in Milaan, Italië.
1996 – Lee Teng-hui word verkies tot president van die Republiek China in die eerste direkte presidensiële verkiesing in Taiwan.
2011 – Oorlede: Elizabeth Taylor, Brits-Amerikaanse aktrise.

besigtig - bespreek - wysig - geskiedenis

24 Maart:

1603 – Koning Jakobus I word die eerste Britse heerser wat gelyktydig oor Skotland, Engeland en Ierland heers.
1882 – Robert Koch kondig die ontdekking aan van die bakterie wat tuberkulose veroorsaak.
1944 – Tweede Wêreldoorlog: Gevange Geallieerde soldate begin die Groot Ontsnapping (Engels: Great Escape) toe hulle ontsnap uit die Stalag Luft III, 'n krygsgevangenekamp wat deur die Luftwaffe bedryf is.
1976 – President Isabel Perón van Argentinië word ontvoer en afgesit in 'n bloedlose staatsgreep.
1993 – Die komeet Shoemaker-Levy 9 word in 'n wentelbaan om Jupiter ontdek.

besigtig - bespreek - wysig - geskiedenis

25 Maart: Mariaboodskap (Christendom); Onafhanklikheidsdag in Griekeland (1821).

1634 – Die Engelse kolonie Maryland word deur Lord Baltimore en 'n groep Katolieke setlaars gestig.
1647 – Die Nederlandse skip Nieuwe Haarlem, 'n Oos-Indiëvaarder in besit van die Vereenigde Oostindische Compagnie (VOC), strand met 'n bemanning van sestig lede aan die Kaap. Die Nederlanders kom vir die eerste keer oor 'n langer tydperk in aanraking met die plaaslike Khoikhoi voordat hulle in 1648 deur 'n vloot van vyf VOC-skepe gered is.
1655 – Christiaan Huygens ontdek Titaan, die grootste van die planeet Saturnus se mane.
1957 – Wes-Duitsland, Nederland, Luxemburg, Italië, Frankryk en België teken die Verdrag van Rome wat die Europese Ekonomiese Gemeenskap daar stel.
1995 – Ward Cunningham vestig die eerste wikiwerf, die Portland Pattern Repository.

besigtig - bespreek - wysig - geskiedenis

26 Maart: Onafhanklikheidsdag in Bangladesj (1971)

1707 – Kragtens die Acts of Union smelt die Koninkryke van Engeland en Skotland saam in die Koninkryk van Groot-Brittanje.
1812 – ’n Aardbewing verwoes Caracas, Venezuela.
1881 – Domnitor Carol I van Hohenzollern-Sigmaringen word die eerste koning van Roemenië.
1902 – Cecil John Rhodes, die Brits gebore Suid-Afrikaanse sakeman, mynmagnaat en politikus, sterf.
1999 – Die Melissawurm tas e-posstelsels regoor die wêreld aan.

besigtig - bespreek - wysig - geskiedenis

27 Maart:

1513 – Die Spaanse veroweraar Juan Ponce de León sien Florida vir die eerste keer terwyl hy op soek is na die Fontein van Ewigdurende Jeug in die Nuwe Wêreld.
1871 – Engeland en Skotland speel in die eerste internasionale rugbywedstryd; Skotland klop Engeland met 1–0.
1941 – Tweede Wêreldoorlog: Die Japannese spioen Takeo Yoshikawa arriveer in Honolulu, Hawaii en begin om die Amerikaanse Vloot te bestudeer by Pearl Harbor.
1958 – Nikita Chroesjtsjof word voorsitter van die raad van ministers van die Sowjetunie.
1964 – Die Goeie Vrydag-aardbewing, wat 9,2 op die Richterskaal registreer, tref Prince William-sont aan die kus van Alaska. Dit veroorsaak tsoenami's wat Kalifornië en Hawaii bereik.
1977 – Twee Boeing 747-vliegtuie bots by Tenerife in die Kanariese Eilande. Altesaam 583 sterf in een van die ergste lugrampe in die geskiedenis van lugvaart.

besigtig - bespreek - wysig - geskiedenis

28 Maart

193 – Die pretoriaanse garde voer 'n sluipmoord op die Romeinse keiser Pertinax uit en verkoop die troon in 'n veiling aan Didius Julianus.
845 – Wikingstropers, waarskynlik onder leiding van Ragnar Lodbrok, neem Parys in en eis 'n groot losprys.
1939 – Magte van die Spaanse Staat, gelei deur generaal Francisco Franco, neem Madrid in en beëindig die Spaanse Burgeroorlog.
1979 – 'n Kernreaktor by Three Mile Island naby Harrisburg, Pennsilvanië, ondergaan 'n gedeeltelike smelting.
1994 – Die "Shell House"-slagting tussen lede van die Inkatha-Vryheidsparty en ANC-ondersteuners vind in sentraal-Johannesburg plaas, wat lei tot 18 sterftes.

besigtig - bespreek - wysig - geskiedenis

29 Maart: Boganda-dag in die Sentraal-Afrikaanse Republiek (1959); Marteldag in Madagaskar (1947).

1461 – In die Koninkryk van Engeland behaal troepe van die Huis van York 'n oorwinning oor die Huis van Lancaster in die Slag van Towton, die grootste veldslag in die Rose-oorlog tot in daardie stadium.
1638 – Sweedse setlaars stig Nieu-Swede naby Delaware-baai, die eerste Sweedse kolonie in die Amerikas.
1807 – Heinrich Wilhelm Olbers ontdek die asteroïde 4 Vesta naby Jupiter se wentelbaan.
2004 – Bulgarye, Estland, Letland, Litaue, Roemenië, Slowakye en Slowenië sluit by die Noord-Atlantiese Verdragsorganisasie (NAVO) aan.
2004 – Die Republiek van Ierland word die eerste land wat rook in alle werksplekke verbied, insluitend kroeë en restaurante.

besigtig - bespreek - wysig - geskiedenis

30 Maart: Landdag in Palestynse gemeenskappe (1976).

1856 – Die Krimoorlog word met die ondertekening van die Vrede van Parys beëindig.
1867 – Die Amerikaanse minister van buitelandse sake William H. Seward beding die aankoop van Alaska van Rusland.
1912 – Sultan Abdelhafid teken die Verdrag van Fez, wat van Marokko 'n Franse protektoraat maak.
1940 – Tweede Wêreldoorlog: Wang Jingwei word deur Japan as hoof van die marionetregering in China aangestel.
1954 – Die Toronto Transit Commission open die eerste moltreinstelsel in Kanada.

besigtig - bespreek - wysig - geskiedenis

31 Maart: Cesar Chavez-dag in sekere Amerikaanse deelstate (1927).

1778 – James Cook eis Vancouver-eiland op vir Groot-Brittanje.
1854 – Kommodoor Matthew Perry van die Amerikaanse Vloot teken die Kanagawaverdrag, wat Japan dwing om hawens vir Amerikaanse handel oop te stel.
1889 – Die Eiffel-toring word in Parys, Frankryk, ingehuldig.
1917 – Die Deense Wes-Indië word die Amerikaanse Maagde-eilande nadat die Verenigde State Denemarke $25 miljoen vir dié Karibiese Eilande betaal het.
2005 – Michael E. Brown, Chad Trujillo en David L. Rabinowitz ontdek die dwergplaneet Makemake.

besigtig - bespreek - wysig - geskiedenis

Januarie - Februarie - Maart - April - Mei - Junie - Julie - Augustus - September - Oktober - November - Desember

Uitgesoekte herdenkings wysigingsriglyne